Yesu Ye Weng Amun Lukbed Wongkoon 16:8 - Yomgkom

⁸ “Kwanoone, ye korokbed aadidmi ye karub yaa kubenoon, amborom kuu inamen bangbangiib kwane ambangkoon kowe. Eyokee, okad yiri ye nimakarub kuu yikanmo yaa inamen bangbang darewoob keriwen, anam andiwendan arebban.

Yesu Ye Weng Amun Lukbed Wongkoon 16:8 ပူးပေါင်းရင်းမြစ်များ

Andowoon 3:1

Yariman Godbed ongmenaboon ye dingkan korem yaa kuu niinbed nemengkandi kuu burudandoon. Kwane, niinbed wonong yaa kaamondoon, “Anam kuu Godbed ayob korem yaa kuu anaib ande amob kowoon dee?” andoon.

Yook 17:14

O Yariman, eb dingkimbed karub kwamenabimaib yaa ne nen burudande angka kowe, okad kiridan okad yiri ye wadkeri ye kakmanmo kandi dowad kwanimaibdan yaa kui. Ebbed bobne komberewendan yaa kuu animan bangkandaawe ane mikmonaiwe yi mungi dowan kerimaan, kwane yi meed kangkon yiminmo dobirimaib, kwane kuye bangkandembiri yeman kuu yi awoya yaa kangkon angkeen.

Matyu 12:32

“Karub kanembed Karub Ye Mingki yaa weng arewa dakmaneen kuu are nonondandaneen kuu yimin. Kumban kanembed Kingkin Karadmo yaa weng arewa dakmaneen kuu are nonondandaanban, okad kiri kee doruub yaroniiwa God mananeen yaron angkara kwangkon are nonondandaanban.

Matyu 17:26

Kwane, Pitambed Yesu yaa inande yedmoon, “Yi kuu karub yena yaambed bimaib.” andoon. Kwanandoone, Yesumbed Pita yaa yedmoon, “Kwana kowe, king yi dana kuu tak od kowaibban.

Yesu Ye Weng Amun Lukbed Wongkoon 16:10

“Kane kanembed yiribman yemoonban yaa ongme oonaniib kuu yiribman yemoon yaa kangkon ongme oonaniib. Kane kanembed yiribman yemoonban yaa birande arewa kerundaniib kuu yiribman yemoon yaa kangkon birande arewa kerundaniib.

Yesu Ye Weng Amun Lukbed Wongkoon 16:4

Nekaad! Inamen maa awina, kwane awine dowan keraniin kuu nimakarub yi ambiwoombed nen amun amun kamewaniib.’ ande meenoon.

Yesu Ye Weng Amun Lukbed Wongkoon 16:7

Kwane karub mamaa monoone kaamonenoon, ‘Eb kuu od komoyiib dungkum kerewen?’ andoon. Andoone karubbed inandoon, ‘Wiit yob kabed darewoob darewoob 1,000iib kui.’ andoon. Kwanandoone, deme oonoon ye karubbed yedmoon, ‘Eb dungkum wongkoon ye kerek kande 800iib ande wongke.’ andoon.

Yesu Ye Weng Amun Lukbed Wongkoon 18:6

Andekore, Yarimanbed yedmoon, “Wengambirime, wengyundi ye karub arewambed yedmoon kuu.

Yesu Ye Weng Amun Lukbed Wongkoon 20:34

Kwanandiiwe, Yesumbed inande yedmoon, “Okad yiri ye nimakarub kuu awadmimaib.

Yesu Ye Weng Amun Lukbed Wongkoon 20:35

Kumban kane kane Godbed yimin andene bobni yirimbed benmananeene ika dembaniib kuu awanaibban.

Yoon 12:36

Nambiri kuu yiib yoom yeyiib doreen kumbed ye yaa anam andime. Kwananiib kuu yiib kuu nambiri ye nimakarub keraniib.” andoon. Kwanandekore, yiyiib yaa koronde wene biknoon.

1 Korindan 3:18

Yiibkareb yiibmeren biranaib. Yiib kuyaa kanembed ye kuu okad kiri ye dobiri kerekmen yaambed ye kuu meeni kangdom ye karub ande meenoka, wabkaddanbed ye yaa inameniibbanman andi dowad God ye inameniib kerok. Kwananeen kumbed God ye kedmengkandi kaadkerene God ye meeni kangdomman keraneen.

Efesusdan 5:8

Kedi, anuk kuu yiib kuu kumun aom dobiriwen kumban, kibikee yiib kuu Yariman yaambed nambiriyiib keriwen kowe, nambiri ye dana areb kwane dobirime,

Filipaidan 3:19

Yi kuu Godbed monmari ye kiwaan kinoon yaa weniib. Yi id ye dowaken kuu yi god keriwen. Yi kerengkan inamen kuu yi yidbobni yeman. Yi kuu okad yiri ye inamen kuyaamo meenimaib.

1 Tesalonaikadan 5:5

Yiib korem kuu nambiriyiib awingyawiib ye dana meed, nub kuu amnoom kumun ye dana meedban.

1 Pita 2:9

Kumban, yiib kuu Godbed kinoondan, Korok Darewoob ye dore nimakarub dore wedyiri dobiridan, karadmo kamidan, God ye karuwa nimaya kui. Kwane keriwen kuu kumun yiri doriiwa baande bene ye nambiri amun kai aom wooroon ye God yaa kubi wengiib yaningko kankoonime anded.

1 Yoon 3:10

Kwanekob, God ye meed kuu kaneya kuu yi komboon kuu wedmenub nubkaadkeranuub. Awad arewa ye meed kwangkon yi komboon kuu wedmanuub. Kwane, kane kuu yorokmo kamaanban kera-neen kuu God ye danamban. Kane kuu ye kuristen angkodmia yaa mimyob dowaken keendaanban kangkon God ye danamban.