Yesu Ye Weng Amun Lukbed Wongkoon 15:22 - Yomgkom

²² “Kumban awodkimbed ye deme karub yaa yedmoon, ‘Kirod ebkad amun yeman kanmene derenenenib, dingki kandingiib yonkadiib bemene dingki yaa derene yon yaa derene kerime.

Yesu Ye Weng Amun Lukbed Wongkoon 15:22 ပူးပေါင်းရင်းမြစ်များ

Andowoon 41:42

Ferombed ye dingki kanding ye kuruyiib biande Yosef ye dingki birid ari derenekore, ebkad doboob amuniib derenekore, gold itoob ye kongkono yaa niinenoon

Yook 132:16

Ne dore Yuudan dore wedyiri dobiridan kuu ongmendaniina arewa yaa burudande bindi kerekmen yikaadkeraniib, kwane yu karadmodan kuu kubi yook naawonmo wingkaniib.

Yook 132:9

Eb dore Yuudan dore wedyiri dobiridan kuu ongmendebko yorokmo kiwaanbed dobirime, kwane ebbed yorokmo kerundewendan kuu kubi ye yook wingkime.

Yook 18:33

Ye kuu ne yon kuu diiya ye yon areb ongmimaan, kwane ye kuu ne ongmaane aangko arimbed yarebimain, kombirimokban.

Yook 45:13

King maa ye mungkan kui, yu kuu manimani ye ebkad inware yu wadnarimbon aom doruun, kwane yu ebkad kuu bot goldiib angkabiwen kumbed inwareen.

Yesu Ye Weng Amun Lukbed Wongkoon 15:21

Kwanoone, mingkimbed yedmoon, ‘Ambe, ne kuu God yaa ambarakmeni, eb yaa arewa keraan kii. Kwane, ne kuu karub amunban kowe, ne yaa ne dana andaab.’ andoon.

Yesu Ye Weng Amun Lukbed Wongkoon 15:23

Ma, wene nub buromakau mana kowiib ayekorib kanminime. Kwaniiwa, orok ongmekorub kube anem.

Romdan 13:14

Kumban Yariman Yesu Keresumbed kan derenime. Kwane, id ye dowaken kuu ma awine kamaib, kuyaa meeni maa ongmaib.

Romdan 3:22

Yorokmo keri ye kiwaan Godbed ongmoon kee, kane kane Yesu Keresu yaa anam andaniib kuu kuyaambed yi korem kandaniib. Nimakarub korem kuu yeka mamaamban, korem kuu ibmo keriwen,

Romdan 8:15

Yiibbed Kingkin Karadmo kuu nendiwen kuu yiib ben yena yi dabderem yiri dobere no deme awinembiri ye karub ongme unimbed oonendi dowadban, kukuu yiib kuu God ye meed keri dowad Kingkin Karadmo kuu nendiwen. Kwanikob nub kuu God yaa “Ambe, Ambe” ande baandimaub, Kingkin Karadmo yaambed.

Galasiadan 3:27

amborom kuu yiib kane kane baptais kerunde ye yaa iniwen kuu Keresu arebmo keriwen kowe.

Efesusdan 6:15

yon yiri kuu yonkad areb yewenub ye weng amun yaambed nekwe dobiri yeman kuu deebenib kwamune dobirime.

Korokboon 19:8

Ebkad amun yeman kawanmo dangkorong koroomiibban kuu, yu inwari dowad bangkandiwen.” andiwen. Ebkad amun yeman kawanmo ye id kuu God ye karadmodan kami yorokmo ambangkiwen kui.

Korokboon 2:17

“Kanembed kerendemiib keroka, Kingkin Karadmombed anam andiwendan yaa weng ke dakmeen kee wengamborok. Kanembed arewa menebaneen yaa ninabone burudandaneen kuu nembed Ewen aom ye om mena bikdereboon kuu bangkanekori, angkon bot kawanmo kwari aningko yeeb wongkooniib kuu konaniine kandaneen kuu yena yikaadkeraibban, yembedmo aningko yeeb kuu yekaadkeraneen.

Korokboon 3:18

Nembed yiib yaa ke ongkande yedmendaan kee, ne yaambed amotbed dene koroomiibban keroon ye od gold moonime. Kwananiib kumbed biamodiib keraniib. Kwane, ne yaambed ebkad kawanmo moonime. Kwananiib kumbed idmo doriib ye karak kuu kebenaniib. Kwane, ne yaambed indob muramura moone ambime. Kwananiib kumbed indob kuu nandaneene kereknaniib.

Korokboon 6:11

Kwane, yi mimim kuu ebkad kawanmo bangkandekore yedmendoon, “Aron dukmen areb yiidkibko kwane wene yiib kuristen angkodmia yiib deme mimodan yenbandi dowad kinoondan kuu yi korem kuu yiib yiwen areb kwane keriwed.” andoon.

Korokboon 7:9

Kwanoone, angkon wedmaane ne murubia arimbed kadaareb yemoon karub kanembed kimingke dandindeban wedmendaan. Yi kuu amyenimbon mimim korem yaambed weng mimim korem yaambed ambibkin mimim korem yaambed kad mimim korem yaambed Kingbed ye ooni ye dibirimbon ari dibeeniib Sibi Manayiib yi murubia ari dobiriwen. Yi kuu ebkad kawanmo deebiwen kumbed yuum biidiib awingkiwen.