Yesu Ye Weng Amun Lukbed Wongkoon 14:1 - Yomgkom

¹ Sabat aron mamaambed, Yesu kuu wene Farisi yi korok darewoob maa ye ambiwoom animan ani yeman wonoon. Wonoone, nimakarub kuu ye yaa korobe keenombiriwen.

Yesu Ye Weng Amun Lukbed Wongkoon 14:1 ပူးပေါင်းရင်းမြစ်များ

Yook 37:32

Arewa kamidan kuu yorokmodan yi dowad biknimbon aombed yemyeb dibere meedmimaib, yi wadkeri monmari dowad.

Yook 41:6

Yi kuyaom kuu mimo yembed neyiib yaa mene wedmewimaan kuu, dudi weng dakmene ne weng kande amonombe weng arewa ongmene bunangka wene kwane dakmen yarimaan.

Yook 62:4

Yi inamen darewoob kuu nembed deme yumbon ari kai kandaan dowadbed ne nen yiri kubunandamiib. Yi dowaken darewoob kuu dudanabi, kwane amun kerundi weng dakmimaib kumban yi niindem aombed arewa kerundande meenimaib. Selah

Matyu 12:12

Meenime, God ye kiringkono arimbed kuu nimakarub kuu barang darewoob, ma sibi kuu barang embeng mana. Kwane kowe, Sabat aron arimbed karub maa yaa amun kami kuu yimin, amobban.” andoon.

Maak 3:2

Kowe, karub yena kuu Sabat aron arimbed ongmoka wedmekorib, kangdod aom wene yedmem Sabat aron arimbed deme awinoon kowe anam ambarakmoon andi ye dowad keenombiriwen.

Yesu Ye Weng Amun Lukbed Wongkoon 11:37

Kwane, Yesu kuu dakme dowan keroone, Farisimanbed ye yoom animan anem ande yedmoon kowe, ye kuu wenene arak dia yaa diboroon.

Yesu Ye Weng Amun Lukbed Wongkoon 14:2

Kwane, karub maa bobob yingkanabiyiib kuu Yesu ye arinambo ari diboroon.

Yesu Ye Weng Amun Lukbed Wongkoon 17:20

Aron mamaa, Farisidan yenambed Yesu yaa kaamoniwen, “Godbed korok kere ooni yeman kuu aron komo arimbed mananuun?” andiwen. Kwanandiiwe, Yesumbed inandoon, “Godbed korok kere ooni yeman mini ye kiwaan kuu yiib indobbed wedmaibban.

Yesu Ye Weng Amun Lukbed Wongkoon 20:20

Kowe, kwane wene aron ari keruko awinenem ande meedmiwen. Kwane, yimbed darobidan yena yedmiiwe, yi kuu karub amun areb aadidme miniwen. Yi dowaken kuu Yesu kuu weng arewa maa dakmaneen kuu awinenekorub nenwene Gavana Pailet ye dingki ari konem andiwed.

Yesu Ye Weng Amun Lukbed Wongkoon 6:7

Farisidan yoom Yuudan yi amob kedmengkandidan yoom kuu Yesu yaa Sabat aron arimbed ongmoka wedmekorub anam ambarakmoon kowe kangdod yaa nenwenem ande ongme keenombiriwen.

Yoon 3:1

Yuuman maa yaningko Nikodemus, ye kuu Farisiman kerene Yuudan korem ooni yi kaunsolman keroon.

Kwamiwen 5:34

Kumban Farisiman maa yaningko Gamaleo yaro Sanidirin yi numun dabokni yaambed dakmok demboon. Ye kuu Yuudan yi amob kedmengkandi korok maa, yaningko kuu nimakarub korem kankooniwen kowe, wengamborok doriib. Doriiwe, yembed yedmoon, “Karub kee araben bunangka be winime.” andoone, wii oonidanbed kwaniiwe,