Yesu Ye Weng Amun Lukbed Wongkoon 13:35 - Yomgkom

³⁵ “Kedi, Yerusalem, kub ambib kuu ambib dob keranuun. Nembed yiib yaa ke yedmendaan kei, ne kuu ika wedmewaibban kwane wene yiibbed yedmaniib, ‘Ye kuu Yariman yaambed monoon kowe amun kerunok.’ andaniib yaron keraneen arimbed.” andoon.

Yesu Ye Weng Amun Lukbed Wongkoon 13:35 ပူးပေါင်းရင်းမြစ်များ

Yook 118:26

Karub kane ye kuu Yariman yaningko yaambed mananeen kuu ye yaa amun kerunok. Kuye karub kuu Yariman yambib yaa doruub kumbed amun kerunduub kii.

Yook 69:25

Kwane, yi yumbon kuu korem obonmo kerok, kwane yi kombon ambiwoom kuu karub maa ma doborokban kerok.

Matyu 21:9

Kadaareb yena arinambo ari yidin weniibdan yoom ye yoman weniibdan yoom kuu komkanmo winiwen, “Dewid ye Awo ari ke meneen keye aningko kankoonem! Karub kee Yariman yaambed meneen kuu amun kerunok. Karub ke meneen keye aningko miin anammo kankoonem!” ande kamiwen.

Matyu 23:37

“Yerusalem, o Yerusalem, kub aom doriibdanbed profesidan yenib nongkobenib, Godbed yedmaana minimaibdan kwangkon kub aom doriibdanbed kwane botbed be yaiwa duknimaib. Aron yemoon kuu ne dowaken kuu ayam mana awaanbed be yu buraab aom kangkukanabekoru dabunimaun kwamune areb, kub nimaya karuwa yaa be nedbe amuknande kamimain kumban yiib kuu dowakeniibban kerimaib.

Yesu Ye Weng Amun Lukbed Wongkoon 19:41

Kwane, Yesu kuu Yerusalem dia menene, siti kuu wedmekore yu dowad ameng kamoon.

Yesu Ye Weng Amun Lukbed Wongkoon 21:24

Kwane, yena kuu kerewangbed yengkadmenib yena kuu wiidan areb ambibkin mamaa yaa be wananiib. Yerusalem kuu Yuudanbanbed monmaraniiwe, kwane wene yi aron kuu burudandanuunkob.

Yoon 12:13

yuum biida orom biida kwamune awene benib Yesu durunenande komkanmo winiwen, “Karub ke meneen keye aningko kankoonem. Karub kee Yariman yaambed meneen kuu amun kerunok, Yuudan yi King kukui!” ande kamiwen.