Yesu Ye Weng Amun Lukbed Wongkoon 13:34 - Yomgkom

³⁴ “Yerusalem, Yerusalem, kub aom doriibdanbed profesidan yeenib nongkobenib, Godbed yedmaana minimaibdan kwangkon kub aom doriibdanbed kwane botbed be yaiwa duknimaib. Aron yemoon kuu ne dowaken kuu ayam mana awaanbed be yu buraab aom kangkukanabekoru dabunimaun kwamune areb, kub karuwa nimaya yaa be nedbe amuknande kamimain kumban yiib kuu dowakeniibban kerimaib.

Yesu Ye Weng Amun Lukbed Wongkoon 13:34 ပူးပေါင်းရင်းမြစ်များ

Yook 149:2

Israeldan kuu yi Ongmoonman yaa kubenime, kwane Saiyondan kuu yi King yaa kubi dowaken kerime.

Yook 17:8

Ewindobbed ebka dorondandemoon areb ne nen dorondande. On ayam yu mana kuu yu dongkon dem aom nen biknemoon areb ne nen bikne.

Yook 36:7

O God, eb womoniyiibban ye mimyob dowaken kuu miin manimanandeb anam! Nimakarub kuu eb buraab ye kubun kurumbon areb ebbed kukbimaabbon aombed doriib.

Yook 57:1

Mimyob keewe. O God, mimyob keewe. Komoyiibkob, ebbed kukbimaabbon aombed dobirimain. On ayam yu dongkon dem areb ebbed kukbimaabbon aombed dobaraniine wene neene monmari yaron dowan keranuun.

Yook 81:13

“O, ne dowaken kuu ne nimakarub ne yaa wengambaraniib andid, Israeldan ne yoman mananiib kuu ne dowaken darewoob kui.

Yook 91:4

Ye buraab kumbed eb kuu kankowe dabunaneen, kwane ye buraabdem aombed eb kuu kukbaneen, ye ma korondiyiibban weng awini ye inamen kuu eb kombe areb eb aromne angkumonimbon areb kui.

Matyu 22:3

Nekwekore, ye demedan yedmendoona wene yangkodmia anuk daandoon yaa yedme yedme kamenmo yariwen. Kumban yi dowakenban korondiwen.

Matyu 22:6

Yena korondenib yaro dore demedan awingkenib ben arewa arewa kamenib yenbandiiwe yoworiwen.

Yesu Ye Weng Amun Lukbed Wongkoon 15:28

“Kwanandoone, ayi kuu norin wandoon kowe animanbon aom awunindo. Kowe awodkimbed dangkaro awunok ande nangkanoon.

Yesu Ye Weng Amun Lukbed Wongkoon 19:44

Kwane, yimbed kub yoom kub nimakarub yoom dana yoom kub kuuk aom kuu okad yiri benkiradme monmaraniib. Ku yenbewen ye bot kuu korem benkiradmenib ma korondaiwe mamaa yaa dabokne angkimbaraanban. Korem kamaneen kee amborom kuu Godbed kub yaa monoon yaron kuu kub wedmewen kumban kubkaadban kerewen kowe.” andoon.

Yesu Ye Weng Amun Lukbed Wongkoon 23:28

Kumban Yesumbed amonombe yi yaa yedmoon, “Yerusalem nima, ne dowad ameng kamaib, yiibka yiib dowadiib yiib danaya yi dowadiib yaa ameng kamime,

Kwamiwen 7:52

Yiib awoya kuu profesidan korem yenbandiwen kii! God ye Yorokmoman mananeen ye weng dakmidan kwangkon kuu yiib awoyambed yenbandiiwe dukniwen. Yiib kwangkon God ye Yorokmoman kee ambodange ayiwen.

Kwamiwen 7:59

Kwane, Stiwin kuu kwane bot barambere ayiiwe kurikuri kere yedmoon, “Yariman Yesu, ne kingkin kuu ebka kande!” andekore,

Kwamiwen 8:1

Stiwin ayiwen kuu Sool kuu yeyiib doberene ee yimin andoon. Kuye aron kuu Yerusalem aom anam andidan korem yaa yenbandi darewoob keroon. Kwane yi korem kuu kirokmone andokbe buyokbayok kere, wenebe Yudea ambibkin kere Samaria ambibkin kere kwaom dobere winiwen kumbed, apasodan wad ayoob yimbedmo Yerusalem aom doriib.

Korokboon 11:8

Yi id kuu yirin kamuun ye siti aom kiwaan ari danganiib. Kuye siti ye kumun angkara aningko kuu Sodom areb Idyip areb. Kuyaom kuu yi Yariman kuu at ming ari aye kowiwen.