Yesu Ye Weng Amun Lukbed Wongkoon 12:37 - Yomgkom

³⁷ “Ye mananeen yaron kuu kwananiib kuu amun yeman. Nembed yiib yaa ke anam yedmendaan kei, kwane keraneen kuu ye kuu demedan ye ebkad inwarekore, yedmendaneene mene arak dia dibaraniiwe, yembed animan nekwe bangkandaneen.

Yesu Ye Weng Amun Lukbed Wongkoon 12:37 ပူးပေါင်းရင်းမြစ်များ

Matyu 24:42

“Kwana kowe, kerekbere dobirime, amborom kuu yiib Yariman mananeen ye aron kuu yiibkaadban kowe.

Yesu Ye Weng Amun Lukbed Wongkoon 12:36

Demedanbed lem nekwenib yi korok yaa wonong awani orokbon yaambed monok ande meedmimaib kwamune kerime. Kwananiib kuu yi korokbed mene ambongko yaa wowaneen kuu ye deme karub kuu kirod ambongko nandaniib.

Yesu Ye Weng Amun Lukbed Wongkoon 12:43

Kwane, ye korokbed deme konekore wananeen kuu aman ika mene wedmaneene no kwane awinaneen kuu kuye karub kuu amun kerunaneen.

Yesu Ye Weng Amun Lukbed Wongkoon 17:8

Kwanaibban, yiibbed yiib deme karub yaa yedmenaniib, ‘Okambe inwarene naniman kuu ongmekorewa, kawe. Kwaneewo, ne kuu animaniib okiib ane dowan keraka, eb kuu ane.’ andaniib.

Yesu Ye Weng Amun Lukbed Wongkoon 21:36

Kwani kowe, aron korem kuu kereknembirime. Kwane kurikuriyiib kamime, barang kee kwamenabaneen kuu yiib yaa manaanban ye dowad. Kwane, kurikuriyiib kamime, yiib kuu yiminmo Karub Ye Mingki ye arinambo ari dobaraniib ye dowad.” andoon.

Yesu Ye Weng Amun Lukbed Wongkoon 22:27

Kane kuu ari, arak yaa dibeen ye karub dee o animan nekwi ye karub dee? Arak yaa dibeen kumbed ari kui. Kumban ne yiib yaa kemaom manaan kuu animan nekwi ye karub areb kereni manaan, yirimo kui.

Yoon 12:26

Karub kanembed ne deme awinandamoka ne yoman monok. Kwane, ne kunaya dobaraniin kuu ne dememan neyiib dobaraneen. Kwane, karub kanembed ne deme awinaneen kuu ne Ambembed ye aningko kuu darewoob ari kankowaneen.

1 Korindan 2:9

Kuned kuu God Ye Weng aombed kekamune yedme wongkoon, “God yaa mimyob dowaken keeniwendan yi dowad yembed nekwandoon ye inamen kuu, kane kanembed indobbed ma wedmindo, kerendembed ma wengambirindo, yika yi inamenbed ma meenindo kui.” andoon.

Filipaidan 1:21

Amborom kuu ne meeni kuu wad dobiri kuu Yesu yaa nambiri koni yeman, bobni kuu kiri dobiri burudandi yeman kowe.

Filipaidan 1:23

Ne kuu inamen ayoob kembed andokboon. Keyaa domonde Keresuyiib yaa wanande meenaan kuu inamen amun kai, inamen maa arebban,

2 Pita 1:11

Kwane, yiib kuu kuye kiwaan wananiib kuu Godbed yiib yaa kube ee andene yiminmo ongmendaneene, aron korem yeman ye oonimbon nub Yariman nub Bobni Yaa Burudande Bindi Ye Karub Yesu Keresumbed oonoon kuu awunaniib.

2 Pita 3:14

Kwana kowe, mimyob dowaken keendaan ne angkodmia, kuyaa nindorokiib meedme doberembirimaib kowe, kiwaan korem yaambed demkoronmo kerenib, yenambed yiib yaa kuu ambarakmiwen kii ande kadwonokban kerenib, God yoom yewenubmo dobirime.

Korokboon 14:13

Kwane, wengambaraane Ewen aombed wengmo yedmoon, “Weng kee wongke. Kibikbed ari kee Yariman Yesu ye yoman wananiib kumbed duknaniibdan kuu Godbed amun kerundaneen.” andoon. Kwanandoone, Kingkinbed yedmoon, “Eyokee, yi deme yobdood ambangkiwen ye dowad kumbed dibere yiidkaniib, amborom kuu komo komo ambangkiwen kuu dian keraneen kowe.” andoon.

Korokboon 16:15

Kwane, yimbed king korem ben Hibru wengbed Aamagedon andimaib kuyaamo nongkobiwen. Kwane, Yesumbed yedmoon, “Kedi, ne kuu yid ye karub areb mananiin, komo aron arimbed mananiin kuu yiibkaadban kii! Kanembed ye kuu unuk angkemoon arebban kerene ye ebkadiib doreen ye karub kuu amun kerunaneen, ye id yaa kebeni yemaniibban kere nimakarub yi murubia ari idmo wenene karak bobnaanban kowe.” andoon.

Korokboon 3:21

“Kanembed arewa menebaneen yaa ninabone burudandaneen kuu, nembed ye yaa yimin andaniine ne king ye ooni ye dibirimbon ari ye yoom dibaranuub, nembed ninaboni burudandeni Nambe ye king ye ooni ye dibirimbon ari ye yoom diburuwen areb kwane keraneen.

Korokboon 7:17

Amborom kuu Sibi Mana king ye ooni ye dibirimbon ye wedangka doreen kumbed yi yaa sibi ooni ye karub areb kerundaneen kowe, yembed wadkeri ye dem ok menebuun yaa be wananeen. Kwane, Godbed yi indob yaa yi inok kuu korem aadmendaneen kii.” andoon.