Yesu Ye Weng Amun Lukbed Wongkoon 12:31 - Yomgkom

³¹ Kwane, Godbed korok kere ooni ye inamen yaa kereknime. Kwananiib kuu yiribman kee yiib yaa bangkandaneen.

Yesu Ye Weng Amun Lukbed Wongkoon 12:31 ပူးပေါင်းရင်းမြစ်များ

Yook 34:9

Yarimanbed karadmo kerundoondan, yiib kuu ye yaa une bumangkime, amborom kuu ye yaa une bumangkidan kuu yi yaa kuu ma dowan keraanban.

Yook 37:19

Monmare arewa keri yaron ari keranuun kuu yi kuu karak kandaibban, yongkonbi kere animaniibban aron keranuun kuned yi kuu animan yemooniib keraniib.

Yook 37:25

Anuk kuu ne kuu kewedman kere kibikee ne kuu kiomnaan, kuned ne kuu ma wedmaane yorokmodan kuu korem domondindo, kwane ma wedmaane yi danambed animaniibban keroona ma kaamobenmo yarindo.

Yook 37:3

Yariman yaa angkumone doberenib amun amun kamenabime, kwane okad kirikee doberenib korondiyiibban ye weng awinime.

Yook 84:11

Amborom kuu Yariman God kuu aron ye nambiri areb, ye kuu kombe areb, Yariman kuu kubi dowakeniib aningko kankooniyiib bangkandimaan. Komo komo amun kuu yeka kirim kere amuknindo, kane kane kangdommo doriib kuyaa kwane bangkandimaan.

Matyu 6:33

kowe, ibduruk kuu Godbed yiib korok kere ooni ye inameniib ye yorokmo dobiri ye inameniib onme kamiwed. Kwamaniib kuu yiribman kee kuu kwamune Godbed yiib yaa bangkandaneen.

Yesu Ye Weng Amun Lukbed Wongkoon 10:42

Kumban inamen mim kumbedmo anam anam. Meri kuu inamen yiminmo meeneen kowe, yu yaa kuu maambed kandaanban.” andoon.

Yesu Ye Weng Amun Lukbed Wongkoon 12:30

Okad kiri ye nimakarub korem kuu yiribman kee kereknanmo yarebimaib, kumban yiib ari komarewa kere dobaraniib ye yiribman dowad kuu yiib Ambe God yedin yekaadkeroon.

Yoon 6:27

Kwani kowe, arewa kere deendaneen ye animan ye dowadbed deme awinaib. Kumban arewa kere deendaanban ye animan ye dowadbed deme awinime. Kukuu wadkeri aron korem ye animan Karub Ye Mingkimbed kondaneen kui. Kedi, Ambe Godbed ye yaa kuu dowakeniib kowene kine kowoonman kui.” andoon.

Romdan 8:31

Kwane kowe, keyaa keyiib kee nub kuu komombed inande yedmanuub? God kuu nub kerekmen yaa doreen kowe, kanembed nub yaa manmo kere burudande doraneen? Dowan.

1 Timoti 4:8

Kedi, id aromkono keri ye deme kuu amun kumban, ebka ebmeren God ye dowaken yaambed dobiri keembed kuyaa kuu burudande barang darewoob yeman keroon kii. Kukuu meeni korem ye awandi yeman, okad yiri dobiriyiib Ewen ari dobiriyiib yaa kuu.

Hibrudan 13:5

Yiib kuu od yaa meenmembere dowaken darewoob keendimami kuu korondekorib, yiib yaa komo dangoon kuu yimin ande kuyaambed awine dobirime, amborom kuu Godbed kwane yedmoon, “Ne kuu yiib yaa domondainban, ne kuu yiib yaa korem korondainban.” andoon kowe.