Yesu Ye Weng Amun Lukbed Wongkoon 11:2 - Yomgkom

² Andoone, yembed yi yaa yedmendoon, “Kwane kurikuri keribka, kamune yedmime, ‘Ambe, ewaningko kuu karadmo ande kankoonuub. Ebbed korok kere ooni yeman kuu munuk.

Yesu Ye Weng Amun Lukbed Wongkoon 11:2 ပူးပေါင်းရင်းမြစ်များ

Yook 103:20

Yariman ye engyus, yiib kuu ye aningko kankoonime, aromkonodan kuu ye kwanime andi ye weng awine kwanimaib, ye weng awine kandimaibdan kui, yiib kuu ye aningko kankoonime.

Yook 108:5

O God, Ewen burudande ewaningko ariyiib kerok. Eb nambiri kuu okad kumundin ari kerok.

Yook 11:4

Yariman kuu ye kurikuri ambib karadmo aom doreen, kwane Yariman kuu ye dibere oonimbon Ewen ari dibeen. Ye kuu nimakarub korem yaa ongme keendombirimaan, ye indob kuu nimakarub yi niindem aom andangkimaan.

Yook 57:11

O God, Ewen burudande ewaningko ariyiib kerok, eb nambiri kuu okad korem yaa yurok.

Matyu 10:32

“Kwana kowe, kanembed nimakarub yi arinambo arimbed doberene, ne kuu Yesu yaa anam andaan andaneen kuu, nembed ne Ambe Ewen arimbed doreen ye arinambo arimbed ye kuu ne karub andaniin.

Matyu 3:2

“Ambarakmi yaa koronde amonombime, amborom kuu Ewen Yarimanbed nimakarub yi korok kere ooni yaron dia menuun.” andimaan.

Matyu 5:16

Ibonmo kwamunene yiib amun kami kuu nambiri areb, kwangkon namborok nimakarub yaa. Yiib kwananiib kuu yi wedme yiib Ambe Ewen ari doreen yaa kubenib yaningko kankoonaniib.” andoon.

Yesu Ye Weng Amun Lukbed Wongkoon 11:1

Aron mamaa, Yesu kuu yembedmo kurikuri kamoon. Kwane, kurikuri kere dowan keroone, ye kedmengkandeen ye karub maambed ye yaa yedmoon, “Yariman, kurikuri kara kuu nub yaa kedmengkande, Yoonbed ye kedmengkandeendan yaa kedmengkandoon kwamune kui.” andoon.

Romdan 1:7

Godbed mimyob dowaken keende ye karadmo ye karuwa nimaya kerime ande kinoondan Rom aom doriib, yiib yaa kerek kee keendaan. Kabamoon kondoon ye mimyob dowakeniib yewenubmo dobiriyiib kuu nuwambe God yoom Yariman Yesu Keresu yoom yaambed yiib yaa bangkandime.

Romdan 8:15

Yiibbed Kingkin Karadmo kuu nendiwen kuu yiib ben yena yi dabderem yiri dobere no deme awinembiri ye karub ongme unimbed oonendi dowadban, kukuu yiib kuu God ye meed keri dowad Kingkin Karadmo kuu nendiwen. Kwanikob nub kuu God yaa “Ambe, Ambe” ande baandimaub, Kingkin Karadmo yaambed.

1 Korindan 1:3

Kabamoon kondoon ye mimyob dowakeniib yewenubmo dobiriyiib kuu nuwambe God yoom Yariman Yesu Keresu yoom yaambed yiib yaa bangkandime.

2 Korindan 1:2

Kabamoon kondoon ye mimyob dowakeniib yewenubmo dobiriyiib kuu nuwambe God yoom Yariman Yesu Keresu yoom yaambed yiib yaa bangkandime.

Galasiadan 1:4

Keresu kuu nub ambarakmi dowad yeka ye wadkeri kondene bobnoon. Kwanoon kuyiib kibikee miin arewa dobiri yaron yaa nub kumaom doruub kuu ben burudande bindaniin manok anded. Ye kuu nuwambe God ye dowaken yaambed kwanoon.

Efesusdan 1:2

Kabamoon kondoon ye mimyob dowakeniib yewenubmo dobiriyiib kuu nuwambe God yoom Yariman Yesu Keresu yoom yaambed yiib yaa bangkandime.

Filipaidan 1:2

Kabamoon kondoon ye mimyob dowakeniib yewenubmo dobiriyiib kuu nuwambe God yoom Yariman Yesu Keresu yoom yaambed yiib yaa bangkandime.

Filipaidan 4:20

Nub Ambe God yaa kuu nambiri konok, aron korem korem. Anam kwanok.

Kolosedan 1:2

Ma korondiyiibban Keresu yaa anam andimo doberembirimaib karadmodan Kolose aom doriib, yiib yaa kerek kee keenduub. Kabamoon kondoon ye mimyob dowakeniib yewenubmo dobiriyiib kuu nuwambe God yaambed yiib yaa bangkandok.

1 Tesalonaikadan 1:1

Pool yoom Sailas yoom Timoti yoom. Ambe God yoom Yariman Yesu Keresu yoom yaa anam andiwendan Tesalonaika aom doriib, yiib yaa wongkuub kii. Kabamoon kondoon ye mimyob dowakeniib yewenubmo dobiriyiib kuu yiib yaa bangkandok.

1 Tesalonaikadan 1:3

Yiib anam andi yaambed God ye deme ambangkimaiwiib, yiib mimyob dowaken yaambed deme yobdood awinimaiwiib, Yariman Yesu Keresu kuu kwananeen ande meedmiib yaambed kangdommo doberembirimaiwiib, kuu nub Ambe God ye arinambo arimbed meene dakmimaub.

2 Tesalonaikadan 2:16

Nub yaa mimyob dowaken keendene ye kabamoon kondoon ye mimyob yaambed aron korem ye ongkandi amuniib ye yaa meedmi amuniib kondoon ye God, nub Ambe God kui, ye yoom nub Yariman Yesu Keresu yoombed

Korokboon 11:15

Kwane, engyu ed andi ye kibi baandoone Ewen arimbed wengmo naawonmo baande yedmiwen, “Okad kumundin kiri ye oonimbon kuu, nub Yariman yoom ye Keresu yoom yi oonimbon keroone, aron korem korem yembed oonaneen kii.” andiwen.

Korokboon 15:4

O Yariman, kanembed eb yaa unene ewaningko kankoonaanban? Kedi, ebbedmo kuu karadmo kii. Ambibkin koremdan kuu mene eb arinambo ari bumangke ewaningko kankoonaniib, amborom kuu ebbed kami yorokmo kuu dian keroon kowe.” ande wingkiwen.

Korokboon 19:6

Kwane wengambaraane, kadaareb yemoon naawon baandi arewiib ok benbon ye kuweng arewiib amkuni darewoob ye kuweng arewiib kwane komke yedmiwen, “God yaningko kankoonem! Amborom kuu nub Yariman God Aromkono Ariyiib kuu korok kere oone doreen kowe.

Korokboon 20:4

Kwane wedmaane, wengyundi ye korok korok yi ooni ye dibirimbon ari kuu wengyundi ye aromkonoyiib kondoondan kuu dibiib. Kwane, anukbed nimaya karuwa Yesu ye weng daande korokbendenib God ye weng dakmiwen kumbed yenambed korok wanabiiwe dukniwendan yi kingkin kuu wedmendaan. Yi kuu arud dingkaniib ye kuruwakiib yaa ma bumangke aningko kankoonindo, angkon yi binad ari o yi dingki yaa kuu ye kumuniib bindo. Kwane, yi kuu dukniwen yirimbed ika wadkere dembekorib, Yesu Keresu yoom korok korok kere weeb 1,000iib oone dobaraniib.