Kolosedan 3:16 - Yomgkom

¹⁶ Meeni kangdom korem yaambed neman kedmengkane ongkanoon kedmengkane ongkanoon kamibko, yiib niindem aom kubi dowakeniib kumbed God Ye Weng ye yookiib God yaningko kankooni yookiib kurikuri yookiib wingkanabime. Kwamibko, Keresu ye weng amun kumbed yiib niindem aom yiminmo muubnok.

Kolosedan 3:16 ပူးပေါင်းရင်းမြစ်များ

Yook 119:11

Eb weng kuu kube ne niindem aom awine amuknaan, eb yaa ambarakmain andi dowad.

Yook 119:54

Ebbed wongkewen yamob kuu ne yook kii, okad kari kee norod doriin yaron aombed kui.

Yook 138:1

O Yariman, ne niindem aom kumundiniib kumbed eb yaa eso andaniin, kwane god yena yi arinambo arimbed eb yaa wingkani ewaningko kankoonaniin.

Yook 28:7

Yariman kuu ne aromkono angkon ne kombe. Ne inamen kuu ye yaa yone kowaine yembed awawimaan. Kwane kowe ne niindem aom kuu kubimbed ware kandoon, kwane ne kuu eso andi yookbed wingkaniin.

Yook 32:7

Eb kuu ne biknimbon, dabab menebaneen kuu ebbed ne nen burudande angka koweneb, burudande bindi ye yook yemoon kai bangkawaneeb. Selah

Yook 71:23

Ewaningko kankoone wingkaniin kuu komke kubaniin, biddewen ye karub nembed kui.

Matyu 26:30

Kwane, yi kuu kurikuri yook wingkanekorib, yaro angkane wene aangko Olif ari winiwen.

Yesu Ye Weng Amun Lukbed Wongkoon 2:51

Kwane, Yesu kuu Nasaret yaa wenenib arian yi wengmo wengambirimo kamoon. Kwane, yawaan kuu komarewa kamoon kuu yu niindem aom kubenu meenmembureen.

Yoon 15:7

Kwane, yiib kuu ne niindem aom yone doberembaraniiwe ne weng kuu yiib niindem aom angkimbaraneen kuu, komo komo dowakeniib kere kaamonaniib kuu kandaniib.

Romdan 10:17

Kwani kowe, anam andi kuu weng wengambiri yaambed minimaan. Kwane, wengambiri kuu Yesu ye weng kanwene daandi yaambed minimaan.

Romdan 15:14

Nangkodmia, inamen ongme kangdommo awinaan kuu kei, yiib aom kuu amun amunbed yukne derenkoroone, kwane yiib kuu kaadkeri yiminmo kerenib, kwane yiib kuu marin kedmengkanoon kedmengkanoon kami yiminmo keriwen kii.

1 Korindan 14:15

Kowe, komo keraniin? Weng maambed ne kingkiniib kurikuri keraniin kumban, ne wengbed ne inameniib kangkon kurikuri keraniin. Weng maambed ne kingkiniib yook wingkaniin kumban, ne wengbed ne inameniib kangkon yook wingkaniin.

1 Korindan 14:26

Kwane kowe, angkodmia, komo andanuub? Kwane, mimyamo menebe nedbibka, yiib korem mimim kuu maa kuu yook yeman keroko, maa kuu kedmengkandi yeman keroko, maa kuu Godbed korokbenoon ye wengiib keroko, maa kuu God yaromkono ibnenoona weng maambed dakmi ye wengiib keroko, maa kuu weng maambed dakmi ye weng ye id kedmengkandi ye wengiib keroko kamime. Korem ke ambangkaniib kei, anam andiwendan yi niindem aom aromni dowad kumbed kwane ambangkime.

Efesusdan 1:17

Nub Yariman Yesu Keresu ye God, Ambe nambiriyiib kui, ye yaa kaamobimain kuu, yembed meeni kangdomiib komo biknoon kuu kan korokbendiyiib ye Kingkin kuu yiib yaa kondoko God kuu yiibkaadkeri darewoob arimbed kerime andid.

Efesusdan 5:17

Kwani kowe, inameniibbandan areb keraib, Yariman ye meeni dowaken kaadkerime.

Efesusdan 5:19

Kwane, Buk Yook ye wengiib kurikuri yook ye wengiib kumbed neman daanoon daanoon kamenib, Yariman yaa yook wingkanabe yiib niindem aombed kubi yurin ongmenib,

Efesusdan 5:26

Kuye dowad kuu ye weng yaambed okbed ogende arene karadmo kerime ande ongmendi yemaniib,

Kolosedan 1:28

Kwane, nub kuu Keresu ye dowad dakme korokbendimaub. Nub kuu meeni kangdom korembed nimakarub korem yaa ongkandenub kedmengkandimaub, nimakarub korem kuu Keresu yaambed demkoronmo keribka God ye kerebiri ari benmene bangkanem andi ye dowad.

Kolosedan 1:9

Kwamune ye dowadbed ibduruk yiib dowad wengamburuwen kumbed mene ari kuu yiib dowad womoniyiibban kurikuri kamimaub. God yaa kaamonimaub kuu kingkin ye kerekmen ye meeni kangdomiib kaadkeriyiib korem yaambed ye dowaken yaa yiibkaadkeri kuu yiib inamen aom dembok anduwed.

Kolosedan 4:6

Yiib weng dakmi kuu korem kabamoon kondoon ye mimyob dowakeniib, amunmo karam ambod areb kerok. Kwananiib kuu nimakarub mimim korem yaa komarewa inandi yiibkaadkeraniib.

1 Tesalonaikadan 1:8

Yariman ye weng kuu yiib yaambed demboon, Masedoniadaniib Akaiyadaniib yaamomban. Kowe, yiibbed God yaa anam andiwen kuu kunaya kunaya kuu yikaadkeriwen. Kwanekob, nub kuu kuyaa kuu yi yaa weng ma dakmaubban,

1 Tesalonaikadan 4:18

Kwane kowe, weng kee man kube ongkane man kube ongkane kamime.

2 Tesalonaikadan 3:15

Kuned bonman areb kamenaib. Ye kuu anam andoon ye karub kowe, kwamune areb ongkanime.

1 Timoti 6:17

Yiribman yemoondan okad kiri doriib yaa kwanime ye weng kee daande. Kerengkan kamaib, angkon komarewa keraneen ye dowad nub yiribmanbed nubka awandaneen ande meenaib, amborom kuu yiribman dowan keraneen keri yaron kuu yikaadban kowe. Kwani kowe, Godbed nub awandaneen andi ye meenimbed kowime, amborom kuu yembed nub kube dobiri ye dowad kumkam yiminmo bangkandimaan.

2 Timoti 3:15

eb kuu dana mana yaambed God Ye Weng Karadmo kaadkerewen. Keye weng kee, Yesu Keresu yaa anam andi yaambed Godbed bindi dowad meeni kangdom kondi yeman.

Taitus 3:6

Kwamune kowe, Godbed ye Kingkin Karadmo kuu nub ari darewoobmo onduknoon, nub Bobni Yaa Burudande Bindi Ye Karub Yesu Keresu ye kakman yaambed onduknoon kui.

Yems 1:5

Yiib kuyaom kuu kanembed meeni kangdom embengmo keroka, God yaa kaamonok. God kuu ambarakmoon dee ande onmiyiibban kumbed yiminmo bangkandi ye God kowe, kaamonaneen kuu Godbed inande konaneen.

Yems 3:17

Kumban Ewen arimbed minimaan ye meeni kangdom kuu ibduruk kuu karadmo, angkon ari kuu yewenubbon ye inameniib arudiibban ema dobiri ye inameniib yena yi dabderem aom dobiri ye inameniib mimyob keende kakman are nonondandi ye inamen yiminmoyiib yob amunmo iri ye inamen yiminmoyiib manmo keri ye inameniibbaniib aadikmiyiibbaniib kui.

Yems 5:13

Karub kanembed dabab kandoka yeka kurikuri kerok. Karub kanembed kuboka yeka God yaa yookiib wingke kube kankoonok.

1 Yoon 2:14

Ambeya, yiib yaa wongkain, amborom kuu andowoon yirimbed doboroon ye karub kuu yiibkaadkeriwen kui. Keweddan, yiib yaa wongkain, amborom kuu yiib kuu arom-konoyiib dobiriiwe, kwane God ye weng kuu yiib aom angkeene, kwane miin arewa-man yaa kuu burudandune doriwen kui.

1 Yoon 2:24

Weng andowoon yiri kee wengam-biriwen kuu kande yiib niindem aom amuknime. Kwananiib kumbed yiib kuu Ambe God yoom ye Mingki yoom yaa kuu yi niindem aom dobaraniib.

1 Yoon 2:27

Yiib kuu Kingkin Karadmombed ibnendoonbed kuu dowan kerindo kowe, karub maambed kedmengkandok ande meenaibban. Kwane, Kingkin Karadmombed inamen koremiib kedmengkandaneen kuu anammo kowe, kwamunemo ye niindem aom dobirime.

2 Yoon 1:2

Yiib yaa kwane keendimaub, amborom kuu anam anam kuu yiiwa nuwa nub niindem aom dangoona kwane aron korem dangembaraneen.

Korokboon 14:3

Kwane, karub ku doriib kumbed God ye ooni ye dibirimbon ari dibeeniib wad doriib ye dingkan kaningiib aamkono aamkonoyiib yi arinambo arimbed yook yeeb wingkiwen. Yook kuu karub maa kanembed ma kwamune kaadkere wingkindeban. Yeka okad yirimbed biddoondan 144,000iib, yi kumbedmo yikaad.

Korokboon 15:3

God ye deme karub Moses ye yookiib Sibi Mana ye yookiib wingkiwen, “Aromkono Korem ye Yariman God, ebbed kami kuu arimbed darewoob yeka mamaa yeman kii. Ambibkin Korem ye King, ebbed ambangkimaab kuu yorokmo anammo kii.

Korokboon 19:10

Kuyaambed ne kuu engyu ye yon yiri bumangke korok kankibineni yaningko kankoonande kamaan kumban, yembed yedmewoon, “Kwamaab! Ne kuu eb areb, eb angkodmia Yesu ye weng awinimaibdan areb, nub kuu ibmo, God ye demedan kui. God yaningko kankoone! Amborom kuu Yesu ye weng dakme korokbi kuu profesi weng ye inamen ye id kowe.” andoon.

Korokboon 5:9

Kwane, yimbed yook yeeb wingkiwen, “Eb kuu aningko darewoob ariyiib kumbed, beegod bedmiwen kuu kandeneb, at nunung karangkiwen daadmi kuu yimin, amborom kuu eene kowiiwe, ewumkanbed nimakarub kuu God ye dowad amoddewen kowe, kwanewen kuu amyenimbon mimim korem yaambed weng mimim korem yaambed ambibkin mimim korem yaambed kad mimim korem yaambed nimakarub amoddewen kii.