Kolosedan 2:11 - Yomgkom

^11-12 Yiib anam andiwen yaambed Yesu bobnoon yirimbed nen demboon ye God ye aromkono yaa yiib kuu baptais keriwen kuu, Yesu yoom mangkene ye yoom ben dembemoon areb keriwen. Kwaniwen kumbed kad wanabemoon areb Yesu yaningko yaambed yiib id ye dowaken kuu wankoraroon. Kukuu karubbedban Keresumbed kwanoon.

Kolosedan 2:11 ပူးပေါင်းရင်းမြစ်များ

Maak 14:58

“Nubbed wengamburuwen kuu yembed yedmoon, ‘Nembed kurikuri boyambib darewoob karubbed yenbiwen kee monmarekori, aron ayoobmimmo karubbed yenbindo ye kurikuri boyambib darewoob yenbaniin.’ andoon.” andiwen,

Yesu Ye Weng Amun Lukbed Wongkoon 2:21

Ye wooneen yaron kuu aron kaning kaning dowan keruune, ye kuu kad wandiiwe, yaningko kuu Yesu andiwen, ye woonindo yaronbed engyumbed aningko kuu konoon kowe.

Kwamiwen 17:24

“God yembed okad koremiib kumkam koremiib ongmenaboon kuu okad koremiib Eweniib ye Yariman kui. Ye kuu karubbed ambib arumimaib aombed dobirimokban.

Kwamiwen 7:48

“Kumban Korem Burudandoon Arimbed Ye God kuu karub dingkimbed ambib arumiwen aombed dobirimokban. Kwane, profesiman maa kuu kwane dakme wongkoon kuu,

Romdan 2:29

Kwamunemban, karub kane kuu ye niindem aombed amonombaneen kuu God ye karub keraneen. Kwane, kad wandi ye inamen kuu niindem aom amonombi yeman, Kingkin Karadmo yaambed, wongkiwen ye amob yaambedban. Nimakarub kwamenabidan kuu Godbed yi aningko benkoobaneen, karubbedban.

Romdan 6:6

Kowe, nubkaadkeruwen kurin ye kad dowaken kuu Yesu at ming ari bobnoon kumbed kuyiib bobnoon. Kwanoon kuyiib kuu ambarakmimbed kamime ye inamen kuu kan angka korari yeman, kukuu ambarakmi ye dabderem aom dobaraib andi yeman.

Romdan 7:24

Ne kuu miin kubiyiibbanman anam kii! Kanembed id kembed bobni yaa ne nenweneen kee burudande obon kawaneen?

2 Korindan 5:1

Nub id kuu okad kiri ye kombon areb kowe, yenambed kuye kombon monmaraniib kuu karub yi dingkimbedban Godbed aron korem korem ye ambib yenbenabekore Ewen arimbed nub dowad nongkoboon kuu nubkaadkeruwen.

2 Korindan 5:17

Kwana kowe, kane kanembed Keresu yaa anam ande dabokniwen kuu yi kuu yeweb ongmenaboon. Kurin yiri yeman kuu dowan, yeweb yeman yi yaa angkeen kii!

Galasiadan 2:20

Ne kuu Yesu yoom at ming arimbed ayiiwe bobnoon kwamune areb bobnemoon areb keraan kowe, ne kuu neka dorokban, Keresumbed ne niindem aom dobere nen kinban winimaan. Ne okad kiri wad doriin kuu God ye Mingki ne yaa mimyob dowaken keewe ne dowad bobnoonman yaa anam andi yaambed doriin.

Galasiadan 5:24

Kane kane Yesu ye nimaya karuwa keriwendanbed id ye dowaken kuye meeni darewoowiib ambarakmi yaa kubi dowakeniib kuu at ming arimbed aye mangkemoon areb keriwen.

Efesusdan 4:22

Yiib kurin dobiriwen yaa ye dowad yiib yaa kedmengkandoon kuu, yiib id ye dowaken birandi yemanbed yiib inamen meeni korem kuu ben amonombe abdon kerimaan kuu, ebkad areb korem biandibko,

Filipaidan 3:3

Yimbedban, nub kei nub kembed kad wanabi ye inamen ye weng id anam kanduwen. Inamen ye weng id anam kee, God ye Kingkin yaambed God yaningko kankoonenub, Yesu Keresu yaa nambiri konimaub, nub kangkon karubbed komo kamimaib yaa ma kangdom kerindo kii.

Kolosedan 3:5

Kwana kowe, yiib id ye dowaken ye inamen korem kuu ben kirarundime, nenem kami ye inameniib anon dowomkim yaa doberemoon areb ye inameniib nenem kami ye moomiib meeni dowaken miin arewayiib yiribman yemoon bi ye inameniib kui. Yiribman yemoon bi ye inamen kuu God kankubune yiribman kankooni ye inamen.

Hibrudan 9:11

Kwane, Keresu kuu amun kerundi yeman kee dangoon kuye God dore nimakarub dore wedyiri dobiri ye karub darewoob arimbed kumbed monoon kuu, okad kirimbed ongmiwen ye kurikuri boyambib darewoob arebban, aningko darewoob arimbediib demkoronmoyiib ye kurikuri ambiwoom awunoon. Kukuu karubbed ongmiwen yemanban, kukuu kumkam ongmenaboon yaambedban kui.

Hibrudan 9:24

Kedi, Keresu kuu Ewen aom kurikuri ambib anam ye kuru karubbed ongmiwen ye kombon niindem aombed aomnindo, anam kuu ye kuu Ewen aom aomnoon, nub awandi yeman God ye kerebiri ari dobiri dowad.