Kolosedan 1:22 - Yomgkom

²² Kumban kibikee yiib kuu God yaa kunum keriwen, Keresu ye id bobnoon yaambed. Kwanoon kuu yiib kuu karadmo ongmendoka ye murubia arimbed demkoronmoyiib yiib yaa ambarakmiwen kii ande dedmone daandiyiibbaniib dobirime anded.

Kolosedan 1:22 ပူးပေါင်းရင်းမြစ်များ

Yook 51:7

Ambarakmi aari kiwaan ebbed ongmewen yaambed aruwebko niindem aom koroomiibban kera. Kwane ne niindem aom okewebko karadmo dangkorong kera.

Romdan 7:4

Kwane kowe, ne kuristen angkodmia, yiib kuu Keresu ye id bobnoon kumbed yiiwiib Moses ye amob yaa kuu bobniwen. Kwane, yiib kuu karub mim kuyeman ye dowad kerime anded, kuyiib kuu bobnoon yirimbed nenkoonoon kuyiib kuye karub ye dowad. Kwane, yiib yoom ne yoom God yaa kuu idiib kowe irime anded.

2 Korindan 11:2

Yiib kuu wonong koyu areb boraan kuye karub kuu mimo, Keresu kui. Kwanaan kuu yiib kuu wonong koyu ma ambarakmindo kumbed ambi yaa koniwed awanemoon areb kerime andid. Ne kuu yiib yaa dudi god o dudi ye inamen yaa wanaib ande koren areb kamaan kii. Keye inamen kee awinaan kuu God yaambed monoon.

2 Korindan 4:14

Amborom kuu Yariman Yesu bobnoon yiri kuu nenkoonoon ye God, yembed nub kangkon benkoobe Yesuyiib yaa nongkobe ye kerebiri arimbed yiiwa nuwa korokbaneene dobaranuub kuu nubkaadkeruwen kowe.

2 Korindan 5:18

Kwamune kee korem kuu God yaambed meneboon. Yembed Keresu yaambed nub kuu ben kunum kerundekore, ben kunum kerundi ye deme nub yaa kondoon.

Efesusdan 1:4

Yimin yiri okad ongmenabindombed nub kuu yembed Keresu yaambed kinoon, ye indob ari kuu karadmo keruwed ambarakmiyiib kii ande dedmone daandiyiibban ye dowad. Ye mimyob dowaken keendoon kumbed

Efesusdan 5:27

kwane demkoronmo kere karadmo kere ambarakmiyiib kii ande dedmone daandiyiibban kerime andoon kumbed nambiriyiib keriwendan ben ye kerebiri ari yekareb mini yemaniib kui.

Kolosedan 1:28

Kwane, nub kuu Keresu ye dowad dakme korokbendimaub. Nub kuu meeni kangdom korembed nimakarub korem yaa ongkandenub kedmengkandimaub, nimakarub korem kuu Keresu yaambed demkoronmo keribka God ye kerebiri ari benmene bangkanem andi ye dowad.

1 Tesalonaikadan 4:7

Godbed nub yaa baandoon kuu ambarakmi ye dowadban, karadmo dobirime anded.

Taitus 2:14

Ye kuu yekareb nub dowad kondoon, arewa korem yaa nub bidde bindanded, ye nimaya karuwa kerubko karadmo ongmendoko nindorokiibbed amunmo kamime anded.

Hibrudan 10:10

Kuye dowaken ongmoon kumbed, dingkan aye nengke agedmo kere baeb konemoon areb, Yesu Keresu ye id kuu at ming arimbed aron korem yeman mimo ayiiwe bobnoon yaambed nub kuu ongmoone karadmo keruwen.

Hibrudan 10:20

kiwaan yeeb wadkeriyiib yaambed ambongkodem yaa kebeniwen ye dabua kuu nandoon. Kiwaan kee ye id kii.

Hibrudan 13:21

ye dowaken yaambed nub ambangki dowad ye deme aromkono amun korem bangkandok, kwane ye kubaneen yaambed nub aom ambangkok. Yesu Keresu yaambed kwanok, ye yaa nambiri aron korem korem yeman kerok. Anam kwanok.

1 Pita 3:18

Kedi, nimakarub yi ambarakmi korem ye dowad kuu Keresumbed mimo bobnoon, yorokmomanbed yorokmobandan yi dowad bobnoon kui. Ye bobnoon kuu God yaa yiib be mananded. Ye id ayiiwa bobnoon kumban, ye kingkin yaa kuu wadkeri konoon.

2 Pita 3:14

Kwana kowe, mimyob dowaken keendaan ne angkodmia, kuyaa nindorokiib meedme doberembirimaib kowe, kiwaan korem yaambed demkoronmo kerenib, yenambed yiib yaa kuu ambarakmiwen kii ande kadwonokban kerenib, God yoom yewenubmo dobirime.

Kerek Judbed Wongkoon 1:24

Yiib kuu ambarakmi yiri kombaraib ande awandi kuu God yembedmo yimin. Yiib kuu yiib ambarakmiyiibbaniib yiib kubi miin darewoowiib ben ye aromkono nambiri arinambo benmini kuu kangkon God yembedmo yimin.