Hibrudan 8:1 - Yomgkom

¹ Nubbed ke meene dakmuub ye id kuu kei, nub kuu kwamune ye God dore nimakarub dore wedyiri dobiri ye karub darewoowiib, ye kuu Ewen aom nambiri darewoowiib, ye God ye ooni ye dibirimbon ye wiwi angkambed aromkono kandimbon ari diberekore,

Hibrudan 8:1 ပူးပေါင်းရင်းမြစ်များ

Yook 104:1

O ne kingkin, Yariman yaningko kankoona. O Yariman ne God, eb kuu darewoob arimbed, kwane eb kuu nambiriyiib dobiri manimanandewiib inwarewen.

Yook 110:1

Yarimanbed ne Yariman yaa yedmoon, “Ne wiwi angkambed dibereewo, nembed eb bondan korem kuu ben eb yondad dabderem yiri kiriba.” andoon.

Yook 145:12

Kwane dakmaniib kumbed nimakarub korem kuu eb kamenabi aromkono kuyiib eb oonimbon ye nambiri manimanandeb kuyiib kuu yikaadkeraniib.

Yook 21:5

Ebbed awanenewen yaambed ye nambiri kuu darewoob keroon, kwane ebbed ye ari dobiri manimanandewiib nambiriyiib bangkanewen.

Maak 16:19

Yariman Yesu kuu kwamune daande dowan keroone, ye kuu Ewen ari nen daanoone God ye wiwi angkambed dibeen.

Efesusdan 6:20

Kuye weng ye dowad ne kuu korok ye weng daandi ye karub areb keraan kumbed ne dingki ayoob yaa kuu seinbed yerengkiwen. Kee kwanaked yimin kowe, kurikuri kamibko uniyiibban dakma.

Kolosedan 3:1

Yiib kuu Keresu yoom ibmo ben demboondan kowe, inamen arimo awine kande doberembirime, Keresumbed God ye wiwi angkambed dibeen ye inamen kui.

Hibrudan 1:13

Engyu kane yaa Godbed ma kwane yedmoon, “Ne dingki wiwi angka diberebko, kwane wene nembed eb bondan kuu beni eb yondad dabderem yiri kiriba.” andoon? Dowan, Mingki yaamo.

Hibrudan 1:3

Mingki kuu God ye nambiri kuu dianmo keroon. Ye kuu ye Ambe ye inamen meeni korem areb ibmo doboroon. Ye weng aromkonoyiib kumbed kumkam korem angkeen. Kwane, ambarakmi aari ye kiwaan kuu ambangke dowan kerekore, Ewen ari daane Aningko Arimbed Ye God ye dingki wiwi angkambed dibeen.

Hibrudan 10:12

Kumban Yesumbed God dore nimakarub dore wedyiri dobiri ye karub kerekore munob koni yeman God yaa koni dowad ye umkan aron korem yeman mimo onduknekore ye kuu God ye dingki wiwi angkambed diboroon.

Hibrudan 12:2

Nub indob kuu Yesu yaambed keenomberem, ye kuu nub anam andi yaa kuu andowe ongmene demkoronmo kerundi ye karub kowe. Ye kuu kubi kandi dowad kine kowoon kowe, at ming arimbed bobni ye karak kuu ma meenindo kumbed, kwari durud yewed kuu kangdommo kandekore, God ye oone dibirimbon dingki wiwi angkambed diboroon.

Hibrudan 2:17

Keye dowad kumbed Yesu kuu kiwaan korem yaa kuu ye damana areb keri yeman ongmoon. Kwane ongmoon kuu mimyob keende kakman are nonondandiyiib ma korondiyiibbaniib God dore nimakarub dore wedyiri dobiridan yi korok darewoob God ye deme awinimaan ye karub kerok anded, nimakarub yi ambarakmi kuu biddok anded.

Hibrudan 3:1

Kwani kowe, kuristen angkodmia karadmodan, Ewen aombed baandoone ibmo ambangkaibdan, yiib kuu Yesu yaambed meenmembirimamime. Ye kuu nub Apaso, ye kuu God Dore Nimakarub Dore Wedyiri Dobiri Karub Darewoob Arimbed, ye dowad kwamunemo dakmimaub kii.

Hibrudan 4:14

Kwani kowe, God dore nimakarub dore wedyiri dobiri ye karub darewoob arimbed Ewen ari daanoon kuu nub dowad doreen, ye kuu Yesu God ye Mingki kui. Kowe, nubbed anam anduwen yaambed anam ande dakmuub kuu yobdoodmo awinem.

Korokboon 3:21

“Kanembed arewa menebaneen yaa ninabone burudandaneen kuu, nembed ye yaa yimin andaniine ne king ye ooni ye dibirimbon ari ye yoom dibaranuub, nembed ninaboni burudandeni Nambe ye king ye ooni ye dibirimbon ari ye yoom diburuwen areb kwane keraneen.