Hibrudan 4:12 - Yomgkom

¹² Kedi, God ye weng kuu wad dore yiminmo ambangkembirimaan. Ye weng kuu kerewang ered ayoob ye arud arebban, arud anam kai kowe, nare awune wene wadkeriyiib kingkiniib nadme andokbe kono inoon yaayiib kono ambodiib nadme andokbe kwane nimakarub yi niindem aom meeniyiib inameniib kuu wengyundimaan.

Hibrudan 4:12 ပူးပေါင်းရင်းမြစ်များ

Yook 110:2

Eb ooni yaromkono kuu Yarimanbed aangko Saiyon yaambed aromkono ariyiib daboknaneen, kwane yembed yedmaneen, “Ebbed eb bondan aom kuu ebbed oonaneeb.” andaneen.

Yook 119:130

Eb wengbed ambobimaan kuu nambiri kondimaan, kwane eb weng kuu mengmengiibban iwari doriibdan yaa inamen kaadkeri kondimaan.

Yook 139:2

Ne yiri dibirimainiib yaro dobirimainiib korem kuu ebkaadkerewen, eb kuu ambab angka doreeb kumban nembed inamen kowaan korem kwangkon ebkaadkerewen.

Yook 149:6

Yi mongkodkonombed God yaningko kankoonembirime, kwane kerewang angkara arud angkara arud kuu yi dingki aom angkimborok.

Yook 45:3

O king kanangkod aromkonoyiib, eb kerewang kande inware. Kwane eb dobiri manimanandewiib nambiriyiib kuu korokbende.

Yesu Ye Weng Amun Lukbed Wongkoon 8:11

“Kuruwak ye weng id kuu kei. Yob kab kuu God ye weng kui.

Yoon 12:48

Kumban wengyundaneenman ku doreen kui, karub kanembed ne wunekarene ne weng wengamberedandaneen kuu, ne weng dakmaan kumbed aron yeenbon arimbed ye yaa wengyunde dabab konaneen.

Yoon 6:51

Ne kuu wad doreen ye om animan Ewen arimbed kamonoon kui. Kane kuu keye om ananeen kuu aron korem dobaraneen. Om kee ne id kui. Kukuu okaddan korem yaa wadkeri dowad kondaniin.” andoon.

Kwamiwen 2:37

Nimakarub weng kee wengambiriwen kuu yi mimyob aomiib wande wonoon kowe, Pita yoom apasodan yena yoom yaa yedmiwen, “Angkodmia, nub komo kamanuub?” andiiwe

Kwamiwen 4:31

Kurikuri kere dowan keriib ye yoman kuu yimbed dibiib aom kuu kiringmeen. Kwane yi korem kuu Kingkin Karadmombed mene ibnendoone God ye weng amun kuu arudkonomo dakmimaib.

Kwamiwen 5:33

Yi kuu kee kwane wengamberekoriwa, arud darewoob wandenib yeene bob nongkobuuwo duknime ande meeniwen.

Kwamiwen 7:38

“Moses kuu nub awoya yoom amboon amiibban aom dobiriiwe, ye kuu aangko Sainai arimbed God ye engyu yoom dakmiiwe, ye kuu wengambere wadkeri kondi ye weng Godbed konoone nub yaa kondoon.

Romdan 1:16

Kedi, ne kuu Yesu ye weng amun yaa ma karak kerindo, amborom kuu weng amun kee God ye aromkonoyiib angkeen, kane kane anam andibka bobni yaa burudande bindi dowad kowe. Yuudan yaadin korokbendekore yoman Yuudanban yaa korokboon.

1 Korindan 1:24

Kumban Yuudan o Gurikdan kane kane Godbed baandoondan yi dowad kuu, Keresu kuu God yaromkono, kwane ye kuu God ye meeni kangdom.

2 Korindan 2:17

Amborom kuu od embeng yeman bekore wene ari kankoone od darewoobbed kowe berengki ye inamen areb kuu, karub yena yemoonbed God ye weng yaambed od bem ande kanyare dakmimaib kowe. Kumban nub kuu kwamunemban, nub kuu Godbed ben nongkoboondan areb Keresu yaambed God ye arinambo arimbed ma aadikmiyiibban kumbed nimakarub yaa dakmimaub kii.

2 Korindan 4:2

Kuned kuu, nub kuu yemyeb ye demeyiib karak bobni ye demeyiib yaa kuu angkurom korokbenduwen. Kukuu nub kuu birandi ye inameniib God ye weng kan nengkire angkarambed kedmengkandi ye inameniib awinimokban kui. Ma kere, nub kuu God ye weng kuu anammo ande wedangkambed dianmo korokbendimaub kumbed, God ye indob arimbed nimakarub yi niindem aombed nub dowad karub amun ande meenimaib.

Efesusdan 5:13

Kuned komo komo ambangkimaib kuu nambiri yaa korokbaniib kuu dian keraneen,

Efesusdan 5:26

Kuye dowad kuu ye weng yaambed okbed ogende arene karadmo kerime ande ongmendi yemaniib,

Efesusdan 6:17

Godbed bindaneen andi ye topi deebenib Kingkin ye kerewang kuu bime. Kuye kerewang kuu God ye weng kii.

1 Tesalonaikadan 2:13

Kwane, nub kuu God yaa eso andimo kamemburuwen, amborom kuu yiib kuu God ye weng nub yaambed wengambere kandiwen kuu, karub ye wengban, anam kuu God ye weng andiwen kowe. Anam, kukuu God ye weng kii. Kukuu yiib anam andiwendan yiib niindem aom kuu inamen amun ambangkandimaan kui.

1 Tesalonaikadan 5:23

Yewenub ye Godbed yekareb yiib niindem aom kumundin yaa karadmo kerundok. Kwane, Yariman Yesu Keresu mananeen yaron yaambed yiib idiib kingkiniib yaa arewayiib ande dedmoniyiibban kerok, kumundin amunmo kerundok.

Hibrudan 13:7

Yiib korok korokbed yiib yaa God ye weng daandiwendan kuu meenime. Yi dobiri kerekmen yaambed yob iroon kuu wedme meenenib yi anam andi yaa kumunkingkime.

Yems 1:18

Ye kuu ye dowakeniib keroonkob anam anam ye weng yaambed nub anam anduuwe, ongmendoone ye dana meed keruwen kumbed kumkam korem ongmenaboon kuu burudande yumbon ari kanduwen.

1 Pita 1:23

Kedi, yiib kuu ika wooniwen, kumban duknimaibdan yaambedban, bobnindeban ye God yaambed ika wooniwen. Kukuu wadkeriyiib dowan kerindeban ye weng Godbed yedme kowoon yaambed kii.

Korokboon 1:16

Ye dingki wiwi angkambed mindong ediib awingkoon. Kwane ye mongkodem aombed kerewang angkara arud angkara arud kuu yeedureen. Ye murubia kuu aron yu nambiri areb.

Korokboon 19:15

Kwane, ye mongkodkono aombed kerewang arudiib kumbed kakumundin yenbandi yeman angkadereen. Ye kuu king ye aromkono yobdoodmo kwamune areb yi yaa oonaneen. Kwane, nong yob beengke ambodmo kandemoon areb, yembed Aromkonomo Ye God ye arud miin darewoob kuye ambodmo kandaneen kumbed, ambarakmidan yaa bangkandaneene ananiib.

Korokboon 19:21

Kwane ana nangmidan yena korem kuu hoos kwarimbed dibere yarebimaan ye karub ye mongkodkono aombed kerewang angkadereen kumbed yenbandoone dukniwen. Kwaniiwe, onbed menebe yi bob id kuu berewariwen.

Korokboon 2:16

Kwani kowe, ambarakmi yaa koronde amonombime! Kwanokban keraniib kuu, aron yemoonban ari kuu nembed yiib yaa meneni kane kanembed amonombindo doriibdan kuu ne mongkodem aom kerewangbed yaniin.

Korokboon 2:23

Kwane, nembed yu yoman winiwendan kuu yaniine yoworaniib. Kwananiine, anam andiwendan korem kuu yikaadkeraniib kuu, nimakarub korem yi inameniib meeniyiib kuu yekaadmo ye karub kuu ne kei, nembed nimakarub korem mimim kuu komarewa ambangkoon kuu kwanemo ingkandaniin kii.

Korokboon 20:4

Kwane wedmaane, wengyundi ye korok korok yi ooni ye dibirimbon ari kuu wengyundi ye aromkonoyiib kondoondan kuu dibiib. Kwane, anukbed nimaya karuwa Yesu ye weng daande korokbendenib God ye weng dakmiwen kumbed yenambed korok wanabiiwe dukniwendan yi kingkin kuu wedmendaan. Yi kuu arud dingkaniib ye kuruwakiib yaa ma bumangke aningko kankoonindo, angkon yi binad ari o yi dingki yaa kuu ye kumuniib bindo. Kwane, yi kuu dukniwen yirimbed ika wadkere dembekorib, Yesu Keresu yoom korok korok kere weeb 1,000iib oone dobaraniib.