Hibrudan 13:9 - Yomgkom

⁹ Korondaiwe, kedmengkandi norod maa maa yaambed ben angkanaib. Kedi, nub niindem aom kuu Godbed kabamoon kondoon ye mimyob dowaken kumbed aromni kuu amun, amowamob yaambed animan nekwe ani kumbedban, keye yoman winiwendan kuu animan kembed ma awandimokban.

Hibrudan 13:9 ပူးပေါင်းရင်းမြစ်များ

Yook 112:8

Ye inamen kuu karub maambed ma nen kimyen wanaanban, ye kuu unaanban, yeenbon arimbed yembed ye bondan burudande doraneen.

Matyu 24:24

Kwanaib amborom kuu Yesu areb kere dudenabidaniib dudi ye profesidaniib angkadere mananiib kowe. Kwane mananiib kuu dud korokbi darewoowiib yeka mamaa ye wedme binangki yeman ongmenabaniib. Yi kuu nimakarub yemoon birandaniiwe anam andaniib kumban, yi birandi Godbed kinoondan yaa kuu yiminban keraneen.

Matyu 24:4

Andiiwe, Yesumbed inande yedmendoon, “Kaadkerime. Karub yenambed yiib yaa birandok mananiib kowe kebendime.

Yesu Ye Weng Amun Lukbed Wongkoon 5:38

Nimakarub kuu wain ok yeeb kuu no wain ok yowo yeeb aombed bunimaib.

Kwamiwen 20:30

Angkon yiib yoom dabokniwen kumaom kuu yika yaro dembenib anam andiwendan yena kuu birande dudanabi weng daande ben angkananiib kii.

Kwamiwen 20:32

“Kwani kowe, kibireb kee yiib kuu beni God ye kabamoonmo ye mimyob dowaken ye dingki ari nongkobaan kii. Kwamune dobaraniib kuu Godbed yiib inamen aromnene Ewen arimbed yumbon bangkandaneen, kinoondan korem yi yumbon kui.

Romdan 14:17

Kedi, God ye oonimbon kuu animan ani o ok ani keye kerekmen yaambedban. Kukei, Kingkin Karadmo ye aromkono yaambed yorokmo dobiriyiib yewenubmo dobiriyiib kubiyiib kui.

Romdan 14:2

Karub maa ye anam andi yaambed animan korem nembed ani kuu yimin andimaan, kumban anam andi wuudman kuu dingkan yom kuu dudi god yaa ani mengkandiwen kowe anainban andimaan.

Romdan 14:6

Aron maa kuu God yaa kurikuri dowad aron yena yaa burudandoon ande meenimaan ye karub kuu Yariman Yesu yaningko kankooni dowad kwanimaan. Kwane, dingkan yom animameen ye karub kuu Yariman Yesu yaningko kankooni dowad kwanimaan, amborom kuu God yaa eso ande animameen kowe. Kwane, dingkan yom animokban ye karub kuu Yariman Yesu yaningko kankooni dowad anokban kere ye yaa eso andimaan.

1 Korindan 6:13

Animan kuu kabeyob yeman, angkon kabeyob kuu animan yeman. Kumban Godbed yi ayoob kuu monmaraneen. Nub id kuu nenem kami yemanban, Yariman Yesu ye deme awini yeman, angkon Yariman Yesu kuu nub id yaa awande ooni yeman.

1 Korindan 8:8

Kumban animanbed God yaa nub ben dia keraanban, o God yaa nub ben ambab keraanban. Kuye animan anokban keranuub kuu arewa keraubban. Ananuub kangkon yimin kerundaanban.

2 Korindan 1:21

Kedi, nuwiib yiiwiib ongmendoone Keresu aombed kangdommo doruub ye karub kuu God kii. Yembed nub kinoone yeka ye nimaya karuwa keruuwe,

Galasiadan 6:1

Angkodmia, wedmibka karub maa ambarakmeen keroka, yiib kane kane yiib anam andi kuu kwane kaine amnoondan kuu nangkemiibbed ye kuu ongmime. Kumban yiibka yiibmeren kangkadme kaadkerime. Kwanaibban kuu ye ambarakmimbed yiib yaa dedmonaneen.

Efesusdan 4:14

Kwananuub kuu nub kuu dana areb inamen embeng mana keraubban, yi kuu oknondokbed kanwene mene kamimaun areb kowe kwane keraubban. Kwane, nuubbed wuure owongab ye kumkam ben keyaa kere kuyaa kere kamemoon areb, inamen embeng mana keriwendan kuu yenambed kedmengkandi maa maa yaa ben wenenib yi kanekewiyiib nemengkandiyiib kumbed ben abdon yiri winimaib kumban, nub anam andi kuu kaine amnaneenbed kuu kwane kamaubban.

Efesusdan 5:6

Yiib kuu korondaiwe, karub yenambed idiibban ye weng yaambed birandaib, amborom kuu God yaa wunesaridan kuu kwamenabimaib kumbed ye arud darewoob kuu yi yaa minimaan kowe.

Kolosedan 2:4

Kee kwane yedmaan kuu yenambed mene weng amun areb kumban id angkara kuu arewa kumbed ma nemengkande birandaib andi ye dowad.

2 Tesalonaikadan 2:17

yiib niindem aom kubiyiib kerundenib, yiib dakmi amuniib yiib kami amuniib yaa aromkono kerundime.

2 Tesalonaikadan 2:2

Yariman yaron kuu muneen kii andi ye weng kuu profesi wengbed o karub maa ye wengbed o Pool awene yaambed ande dudaniib ye kerekbed mananeen kuu, yiib kuu kirodmo kubokban keraib, binangke unaib.

1 Timoti 6:20

O Timoti, komo komo bangkabdekore ongme oone andoon kuu arewambed monmaraan ande amukne. Inameniibban ye wengiib God yaa bon kami ye weng yenambed weng anam dudanabe dakmiweniib yaa kuu manakeende.

1 Yoon 4:1

Ee, nangkodmia, kingkin korem yi weng kuyaa anam andaib, amborom kuu dudanabi profesi weng ben dakmidan yemoon kuu okad yimin yimin yaa wenebiwen kowe. Kingkin kee, yi kuu God yaambed dee kuu kom-boon kaamonime.

Kerek Judbed Wongkoon 1:12

Kwane, Yesu yaa meeni ye orok yiibbed ongmimaib kuu, yimbed yiiwiib yaa mene yi ambarakmi yaa ma meenindo kumbed uniyiibban animaib. Yi kuu korok yikareb yimerenmo oonimaib areb keriwen. Kuyaa kuu yi kuu at dungkun ok yiri biknoon konoo amonombi yeman areb. Yi kuu wiib amiibban nuubbed awuune kande wenebimaan areb. Kwane, yi kuu at kok idiibban okad yirimbed kan biande korarimaan areb. Kwane areb keriwen kowe, yi bobni kuu ayoob keriwen.

Kerek Judbed Wongkoon 1:3

Ee angkodmia, ne dowaken darewoob kuu neyiib yiiwiib bobni yaa kuu burudande bindoon ye dowadbed wongkani keendandamiin kumban, meeni maa kerekori anam andi kara ye dowad dudanabi meneboon yaa kuu koromone dore nangmime ande wongkandid. Kedi, Godbed ye karuwa nimaya karadmo yaa anam andi ye weng kondoon, weng maa ari daboknaanban.