Hibrudan 13:6 - Yomgkom

⁶ Kwani kowe, nub kuu arudkonoyiibbed yedmuub kuu, “Yariman kuu ne awawi ye karub kowe, ne unainban. Karub maa kuu God burudande ne yaa ma kamaanban.” anduub.

Hibrudan 13:6 ပူးပေါင်းရင်းမြစ်များ

Andowoon 15:1

Kwane, amaan Yarimanbed Abram yaa wane korokbene yedmenoon, “Abram, eb unaab. Arud ye barang yaa kuu kombe areb kukbebdembaraniin. Ne kuu eb kakman amun miin darewoob keraan.” andoon.

Yook 124:8

Nub awandi ye karub kuu Yariman, Eweniib okadiib ongmenaboon ye God kui.

Yook 146:3

Korok korok yaambed angkumone dobaraib, duknaniib ye nimakarubbed yiib kuu bobni yaa burudande bindindeban kowe yi yaambed angkumone dobaraib.

Yook 27:9

Eb murubia kuu ne yaa biknewaab. Kwane, eb deme karub ne yaa arud wande korondaab. O God, ne nen bobni yaa burudande bindi ye karub, eb kuu ne awawi ye karub kowe, wunekaruwaab, ne yaa domowe wanaab.

Yook 33:20

Nub kuu Yariman ye dowad yembed kwananeen ande meedmo doruub, ye kuu nub awandi ye karub, ye kuu kombe areb nub dorondandi ye karub kowe.

Yook 40:17

Kuned ne kuu kamboknon kereni awawe ande doriin kowe, Yariman kuu ne yaa meenewok. Eb kuu ne awawi ye karub, angkon ne nen burudande angka kowi ye karub. O ne God, mokaid amaanbed andaab.

Yook 54:4

Kedi, God kuu ne awawi ye karub, Yariman kuu ne awawaane yiminmo dobirimain ye karub.

Yook 56:4

God yaa kui, ye weng yaambed kubimain. God yaambed yone dobirimain kowe, ma unainban. Duknaniib ye nimakarubbed ne yaa komo kamaniib kuyaa meenainban.

Yook 63:7

Eb kuu ne awawimaab kowe, eb dingki kurumbon aombed kube wingkimain.

Yook 94:17

Yariman kuu ne yaa ma awawindo karen, ne kuu aron yemoonban ari iwarimo kere bobnaan karen.

Matyu 10:28

“Kanembed yiib id yenbandaniiwe duknaniib kumban yiib kingkin yenbandindeban kuyaa unaib. Kumban God yaambedmo anam unime, amborom kuu yembedmo yiib idiib kingkiniib yeene monmare be kumbaanban yamotbon yiri kirari kuu yimin kowe.

Romdan 8:31

Kwane kowe, keyaa keyiib kee nub kuu komombed inande yedmanuub? God kuu nub kerekmen yaa doreen kowe, kanembed nub yaa manmo kere burudande doraneen? Dowan.

Efesusdan 3:12

Yesu yaayiib ye yaa anam andiyiib kumbed God yaa kuu arudkonoyiib kangdommo wananuub kuu yimin.

Hibrudan 10:19

Angkodmia, kwani kowe, nub kuu Yesu ye umkan yaambed Yumbon Miin Karadmo Anam aom kerebkarawiibban arudkonomo awuni kuu

Hibrudan 4:16

Kwani kowe, nub kuu kabamoon kondoon ye mimyob dowaken ye God dibere oonimbon ari dibeen yaa kuu kerebkarawiibban arudkonomo wene nandem. Kwananuub kumbed dabab menebaneen kuu nub yaa awandi dowad mimyob keende kakman are nonondandi kandenub, kabamoon kondoon ye mimyob dowaken wedmanuub.