Hibrudan 12:5 - Yomgkom

⁵ Kwane, yiib kuu kube ongkandi weng yiib yaa ne meed ande daandoon kuu nonondandiwen. Yedmoon kuu kei, “Ne dana, eb arewa kamoon yaa Yarimanbed didangkoon kuyaa kuu korondaab, kwane, yembed dedmobde yedmebdoka ne kuu yiminban ande kubiyiibban keraab.

Hibrudan 12:5 ပူးပေါင်းရင်းမြစ်များ

Yook 118:18

Yarimanbed ne yaa kuu naawonmo didangkawoon, kumban ne kuu nen bobni ari kowe korondoona bobnindo.

Yook 119:109

Ne kuu arudbon aom awunimain kuned, eb amob nonondandainban.

Yook 119:16

Ne kuu ebbed wongkewen yamob yaa kubaniin, kwane eb weng kuu nonondandainban. Gimel

Yook 119:67

Dabab ne yaa minindo yaron anuk kuu ne kuu kimyen wanaan, kumban kibikee ne kuu eb weng awine kandimain.

Yook 119:75

O Yariman, nekaad eb wengyundi weng kuu yorokmo kii, kwane eb ma korondiyiibban weng awini ye kerekmen yaambed eb kuu ne yaa didangke dabab kawewen.

Yook 119:83

Ne kuu wain ok yeman ba kadbed ongmiwen amareng aom angkemoon areb keraan kumban, ne kuu ebbed wongkwewen yamob yaa nonondandainban.

Yook 94:12

O Yariman, ebbed didangkewenman kuu amun kerunewen. Eb amob yaambed kedmengkanewenman kangkon amun kerunewen.

Yesu Ye Weng Amun Lukbed Wongkoon 24:6

Ye kuu keyaomban, demboon kii! Ye kuu yiib yoom Galeli yaambed komo yedmendoon kuu meenime. Kwane yedmoon kuu

Yesu Ye Weng Amun Lukbed Wongkoon 24:8

Kwanandiiwe, yi kuu Yesumbed anuk yi yaa kwane daandoon ye weng kuu meeniwen.

1 Korindan 11:32

Kumban nub kuu Yarimanbed andangke wengyundimaan kuu nub ambarakmi yaa korondime ande dabab kondimaan. Kwanimaan kuu nub kuu ben okad yiridan yoom dabokne dabab ibmo kondainban anded.

Galasiadan 6:9

Kwane, amun amun ambangki yaa kuu nub odkeneb wande korondaub, amborom kuu nub kuu yinmone korondaubban keranuub kuu aron anam kinoon mananuun arimbed wadkeri aron korem ye id wandanuub kowe.

1 Timoti 1:20

Kwaniwendan kumaom yena kuu Aimenaeyus yoom Aleksandee yoom kui. Nembed yi kuu beni God yaningko monmaraib andi ye dowad Seten ye dingki ari nongkobaan.

Hibrudan 12:7

Dabab menebi kuyaa kuu didangki yeman ande meene kangdommo doberembirime, Godbed ye dana meed yaa kamemoon areb yiib yaa kwane kamimaan kowe. Kedi, awodkia korem kuu yi dana meed didangkimaib kii.

Hibrudan 13:22

Angkodmia, nembed yiib yaa nangkande yedmaan kuu, ne ongkandi weng kee awine kandime, nembed kerek wongkaan kee dukmenmo kowe.

Yems 1:12

Karub kanembed komboon kaamoni ye dabab meneboon yaa kangdommo dobaraneen kuu Godbed amun kerundoon, amborom kuu yiminmo dobaraneen kuu wadkeri ye kakman king ye korok ari dereni yeman areb kandaneen. Kakman keyaa Godbed weng kunduk yedme kowoon, ye yaa mimyob dowaken keenimaibdan yi dowad.

Korokboon 3:19

“Kane kane ne mimyob dowaken keendaandan kuu nembed yorokmo dobirime andi dowad ongkandeni dabab konde kedmengkandaniin. Kowe anam kuu yiib anam andi ongme awinime, yiib ambarakmi yaa koronde amonombime.