Hibrudan 12:23 - Yomgkom

²³ Yiib kuu God yaa anam andiwen kowe ye wonob dana areb keriwendan aom miniwen. Yiiwa yiya aningko kuu Ewen aom wongkoon. Yiib kuu nimakarub korem wengyundi ye God yaa miniwen. Yiib kuu yorokmodan yi kingkin Godbed ongmoone demkoronmo keriwendan yaa miniwen.

Hibrudan 12:23 ပူးပေါင်းရင်းမြစ်များ

Andowoon 18:25

Eb kuu okaddan korem ye Wengyundi Ye Karub kowe, yorokmo wengyundaneeb dee? Anamaa, ebbed ma kamaabban. Ebbed yorokmodaniib arewadaniib yaa ibmo wengyundande ukum mimo kondaabban, yorokmodaniib arewadaniib ben dabokne yenbandaawe duknaibban.” andoon.

Yook 111:1

Yarimanbed ye aningko kankoonime. Ne kuu ne niindem aom kumundin kumbed Yariman yaa eso andaniin, kangdommo doriibdan nedbimaib aombed.

Yook 69:28

Kwane, yi aningko wadkeri buk aom kuu are daadme. Kwane, yi kuu yorokmodan yi aningko yaa wongke daboknaab.

Yook 89:27

Nembed ye angkon ne wonob dana areb kine kowaniin, kwane ye kuu okaddan yi king korem burudande aningko arimbed konaniin.

Yook 89:7

Karadmodan nedbimaib kuu yi korem God yaa uni darewoob kerimaib, kwane yembedmo kuu unimbonman, kwane kane kane ye yaa awanewandiwendan korem kuu ye arebban.

Yook 94:2

O okaddan yaa Wengyundi Korok, yaro doreneb, kerengkandan komo kamenabiwen kuyaambed kakman ingkande.

Yook 96:13

Yi kuu Yariman ye arinambo ari kwananiib, amborom kuu mananeen kowe. Okad yu kumkam yaa wengyundok mananeen kii. Ye kuu okad yu kumkam yaa yorokmo ye kerekmen yaambed wengyundene, nimakarub korem yaa aadidmiyiibban anammo wengyundaneen.

Yook 98:9

Yi korem kuu Yariman ye arinambo ari wingkime, amborom kuu ye kuu okad yiri mene wengyundok meneen kowe. Yembed okad yu kumkam kuu yorokmo wengyundene ambibkin mimimdan yaa konomdangmo wengyundaneen.

Yesu Ye Weng Amun Lukbed Wongkoon 10:20

Kuned awad arewa kuu nub weng wengambiriwen ande kubaib, kumban yiib aningko kuu Ewen ari wongkoon kuyaambed kubime.” andoon.

Yoon 5:27

Kwane, ye yaa kuu wengyunde dabab kondi ye aromkonoyiib konoon, amborom kuu ye kuu Karub Ye Mingki kowe.

Kwamiwen 20:28

“Kwane, yiibka yiibmeren oonenib, nimakarub yena Kingkin Karadmombed yiib ooni kurumbon aom nongkoboon kwangkon oonendime. Kwane, Godbed ye Mingki ye umkanbed anam andiwendan ogawanandoon ye karuwa nimaya kuu ongme oonendime.

1 Korindan 13:12

Kedi, kibikee God yaa wedmuub kee wiib yonendoona ok kuruwak yaa wedmemoon areb korobe wedmimokban. Kumban amaanbed nub kuu murubia deere deere wedmanuub kii. Kwane, kibikee koremban yenamo nekaad, kumban God kuu ne yaa kumundin yekaadkeroon areb kuu amaanbed ne kangkon kumundin nekaadkeraniin.

1 Korindan 15:49

Okadbed aandune ongmoonman ye kuru areb kanduwen kwamune areb kuu, nub kuu Ewen arimbed monoonman ye kuru areb kandanuub.

1 Korindan 15:54

Bobnaneen yeman kuu no amonombe bobnindeban yeman keraneene, kwane deendaneen yeman kuu no amonombe deendindeban yeman keraneen yaron arimbed, God Ye Weng aombed wongkoon kuu “Bobni kuu dowan, Godbed korem burudande doroon kii!” andoon kuu anam id keraneen.

2 Korindan 5:8

Ke yedmaan kei, nub kuu kangdommo meenembere doberenub, nub id domonde Yariman yambiwoom doberem ande dowakeniib keruwen.

Efesusdan 1:22

Kwane, Godbed kumkam korem kuu ye yon dabderem yiri ben nongkobene korem yaa korok kere ooni ye dowad nenkowoon, anam andiwendan yi korok keri dowad.

Filipaidan 4:3

Ee, ne angkodmi, anam deme ibonmo awinewenman, eb yaa ke yedmebdaan kei, kwane ibmo God ye weng amun ye deme yobdood ninabe ambangkuwen ye nima ayoob keyiib Klemeniib deme ibmo awinuwendan korem yenayiib yaa awande. Yi aningko kuu wadkeri aron korem ye buk aom angkeen.

Kolosedan 1:24

Kwane, ne kuu yiib anam andiwen ye dowad yaambed durud yewediib kandaan kowe kubaan. Kwane, yimin kerindo ye durud yewed kuu ne id yaa yimin kere weneen, Keresu ye durud yewed ye kerekmen yaambed. Kukuu anam andiwendan yi dowad, yi kuu Keresu ye id kui.

1 Timoti 3:5

Kedi, ye kuu ye nimadana korobe oonokban keraneen kuu kuristendan kuu korobe oonaneen dee? Yiminban!

Hibrudan 11:4

Anam andi yaambed, Abel kuu dingkan aye nengke agedmo kere baeb koni yeman amun kuu God yaa konoon, Kein yeman konoon arebban. Kwane, Abel ye anam andi yaambed, Godbed Abel ye koni yeman kuu amun andoon kowe, ye kuu Godbed yorokmo ye karub andunoon. Ye kuu bobnoon kuned, ye anam andimbed nub yaa kwane dakmeen.

Hibrudan 11:40

amborom kuu Godbed nub dowad inamen amun arimbed ongmoon kowe, yi kuu nub kuristendan yoom ibmo daboknaniib kumbed Godbed yiya nuwa ben demkoronmo ongmaneen.

Hibrudan 2:12

Kowe, God Ye Weng aombed wongkoon kuu Yesu ye dowad anam id kere yedmoon, “Nembed ewaningko kuu ne damana yaa ande daandaniin. Nedbiwendan yi arinambo arimbed eb kubi yook wingkaniin.” andoon.

Hibrudan 9:27

Kwane, karubbed mimo bobnekore wengyundi aari dobirimaan kwane areb,

Yems 1:18

Ye kuu ye dowakeniib keroonkob anam anam ye weng yaambed nub anam anduuwe, ongmendoone ye dana meed keruwen kumbed kumkam korem ongmenaboon kuu burudande yumbon ari kanduwen.

1 Pita 2:23

Ye yaa nongdomatom ande yedmiwen kuu ye kuu neman kwamune inandindo. Ye yaa durud yewed koniwen kuu yiib yaniin andi ye weng inandindo. Ye inamen maa keroon kuu yorokmo wengyundi ye God ye dingki ari yeka kan konoon.

Korokboon 13:8

Okad yiridan korem kuu ye yaa kurikuri kere yaningko kankoonaniib, kukuu aye kowiwen ye Sibi Mana ye wadkeri buk aombed kumkam korem ongmenaboon yaron yirimbed aningko wongkindodan kui.

Korokboon 14:4

Kekee, yi kuu nima yoom ma dangindodan, nima yaa ma ambarakmindo. Yi kuu Sibi Mana kunaya winimaan kuu yiyiib yoman winimaib. Yob ibduruk wandimaib kuu be God yaa bangkanimaib kwamune areb kuu yi kuu nimakarub aombed biddekore God yoom Sibi Mana yoom yaa yidin be bangkandoon.

Korokboon 20:15

Kane kane yi aningko wadkeri ye buk aom wongkindo kuu amot denobembiri ye bowan yiri ben kiraraneen.

Korokboon 6:11

Kwane, yi mimim kuu ebkad kawanmo bangkandekore yedmendoon, “Aron dukmen areb yiidkibko kwane wene yiib kuristen angkodmia yiib deme mimodan yenbandi dowad kinoondan kuu yi korem kuu yiib yiwen areb kwane keriwed.” andoon.

Korokboon 6:9

Kwane, yembed karangkiwen angko andi kuu daandoon. Kwanoone, dingkan nengke baeb konimbon wedmaan. Kuye dabderem aom kuu yenbandiiwe dukniwendan yi kingkin wedmendaan, amborom kuu yi kuu God ye weng dakmenib God kuu anam kii ande korokbimaib kowe.