Hibrudan 11:6 - Yomgkom

⁶ Kwane, karub kane anam andiyiibban kumbed komo kamaneen kuu Godbed ye yaa kubaanban, korem yiminban, amborom kuu karub kane Godiib yaa manandameen kuu God kuu doreen andene kane kane God yaa nindorokiibbed onmidan kuu Godbed kakman amun kondaneen andodned yimin.

Hibrudan 11:6 ပူးပေါင်းရင်းမြစ်များ

Andowoon 15:1

Kwane, amaan Yarimanbed Abram yaa wane korokbene yedmenoon, “Abram, eb unaab. Arud ye barang yaa kuu kombe areb kukbebdembaraniin. Ne kuu eb kakman amun miin darewoob keraan.” andoon.

Yook 106:24

Amaanbed yi kuu okad amun kuyaa korondenib ye weng kunduk kuyaa anamban andiwen.

Yook 119:10

Ne kuu ne niindem aom kumundin kumbed eb ande onmiin, domowaawe ebbed kwanime andi ye weng kuu domonene kimyen wanain.

Yook 58:11

Kwananeene nimakarubbed yedmaniib, “Anam kuu yorokmodan kuu kakman amun bangkandimaan, anam kuu okad yiridan wengyundi ye God kuu doreen kii!” andaniib.

Yook 73:28

Kumban nembed wedmaan kuu God ye dia dobiri kuu amun. Ne kuu Ambengkan Ye Yariman ye kukbimaanbon aombed doriin, kwane nembed ebbed komo komo kamenabewen korem kuu dakmaniin.

Yook 78:22

Amborom kuu yi kuu God yaa anam andindo, kwane yi kuu yembed nub awande oone bindaneen ande meenindo.

Yook 78:32

Kwamune keroon kumban yi kuu yi ambarakmi yaa deerewandindo, kwane yembed binangke ye aningko kankooni yeman ongmenaboon kuned ye yaa anam andindo.

Matyu 11:26

Ee, Ambe, kwamune kamewen, amborom kuu eb kubi dowaken kerewen kowe.” andoon.

Matyu 5:12

Meenmembaraib, kubime, amborom kuu Godbed yiib yaa kakman darewoob Ewen arimbed nongkobaneen kowe. Meenmembaraib, kubime, amborom kuu anuk kurin kwangkon profesidan kuu kwamune yewed konde yenbandiwen kowe.” andoon.

Matyu 6:16

“Aadidmidan yenambed animan koronde God yaa meenimo kamimaib yaron kuu yi kara karub yenambed wedmendi ye dowad kuu okambimokban angkon murubia kubiyiibban kamimaib kui. Yiib kuu kwamune kamaib. Nembed yiib yaa ke anam yedmendaan kei, yi kwamiib ye kakman kuu okad yirimbed korem kuu kandiwen kii, dowan.

Matyu 6:33

kowe, ibduruk kuu Godbed yiib korok kere ooni ye inameniib ye yorokmo dobiri ye inameniib onme kamiwed. Kwamaniib kuu yiribman kee kuu kwamune Godbed yiib yaa bangkandaneen.

Matyu 6:5

Kwane, Yesumbed ika dakmoon, “Aadidmidan yenambed yi dowaken darewoob kuu kurikuri ambiwoomiib kambong wedyayiib kuyaa wene dembe nub yaa wedmime andiwed kurikuri kamimaib. Yiib kuu kwamune kamaib. Nembed yiib yaa ke anam yedmendaan kei, yi kwamiib ye kakman kuu okad kirimbed korem kuu kandiwen kii, dowan.

Maak 16:17

Ne weng wedme anam andi yeman kuu anam andiwendanbed dud korokbaniib kuu kei. Ne aromkono yaambed awad arewa yaa yedme yenburaniiwe angkanimo kamaniib. Angkon weng yeeb dakmaniib.

Yesu Ye Weng Amun Lukbed Wongkoon 12:31

Kwane, Godbed korok kere ooni ye inamen yaa kereknime. Kwananiib kuu yiribman kee yiib yaa bangkandaneen.

Yesu Ye Weng Amun Lukbed Wongkoon 6:35

“Kwanimaib kumban yiib kuu bondan yaa mimyob dowaken keendenib amun amun kamenib yi yaa yiib yiribman araben bangkandime. Kwanekorib angkon ika kandi ye inamen kowaib. Kwananiib kumbed kakman darewoob kandaniib. Kwane, yiib kuu Korem Burudandoon Arimbed ye God ye dana keraniib, amborom kuu God kuu eso andimokban ambarakmidan yaa amun amun kamimaan kowe.

Yoon 14:6

Kwane, Yesumbed inandoon, “Nembedmo kuu kiwaaniib anamiib wadkeriyiib. Ambe yaa wananiib kuu ne yaambed dore dangkoro wananiib, kumbedmo.

Yoon 8:24

Yiib kuu ambarakmimaib kumbed duknaniib kuu kwanandaan kii. Kedi, ne kuu kane andimain yaa anam andokban keraniib kuu, anamaa, yiib kuu ambarakmimaib kumbed duknaniib.” andoon.

Romdan 10:14

Kwane, komarewa kere yi kane kane God yaa anam andindo kumbed ye yaa baandaniib? Dowan, anam andaniib kumbed ye yaa baandaniib. Kwane, komarewa kere God ye weng ma wengambirindo kumbed ye yaa anam andaniib? Dowan, wengambaraniib kumbed anam andaniib. Kwane, komarewa kere karub maambed yiyiib yaa wene God ye weng daandindo kumbed God ye weng wengambaraniib? Dowan, karub maambed wene daandaneen kumbed wengambaraniib.

Galasiadan 5:6

Kedi, Yesu Keresu yoom daboknuwen kumbed kad wanabi ye inamen o kad wanabindo ye inamen kuu ma meendobaibban yeman. Meendobi yeman kee anam andimbed mimyob dowaken keendi yaambed ambangki.

Hibrudan 11:26

Yeka meenoon kuu Idyip ye od darewoob ye yiribman yaa kuu korondeni Godbed Kinoone Mananeenman Keresu ye dowad durud yewed kandaniin kuu yimin andoon, amborom kuu ye yekaad kuu ye kakman Ewen ari angkeen kuu darewoob arimbed Idyip ye yiribman arebban kowe kandaniin andoon.

Hibrudan 3:12

Angkodmia, korobe kaadkerime, yiib kuyaa karub mim kuu ambarakmiyiib kerene niindem aom anam andindo kumbed wad doreen ye God yaa angkurom korokbenaan andid.

Hibrudan 4:2

Kedi, nub kangkon weng amun kuu yi yaa daandiwen areb kumbed nub yaa daandiwen, kumban yi yaa ma awandindo, amborom kuu yi kuu weng amun wengambiriwen kumban anam andindo kowe.

Hibrudan 4:6

Nimakarub yena kuyaom yiidkimbon aom awuni yeman kuu kwane angkeen, kebenindo. Kwane, kane kane anukbed weng amun yi yaa daandiiwe wengambiriwen kumban wunesadmiwen, yi kuu kuyaom awunindo.

Hibrudan 7:19

Kedi, Moses ye amob kuu komo komo ben demkoronmo ma ongmindo. Kwane, kuye amob burudandoon arimbed keroon ye inamen kuu, nub yaa kondoone amaan ari anam kwananeen ande meedmuub kumbed God ye dia munuub kii.

Hibrudan 7:25

Kwanikob, kane kane ye yaambed God yaa mananiib kuu, yembed yi kumundinmo kuu bobni yaa burudande bindaneen kuu yimin, amborom kuu ye kuu aron korem doberemberene God yaa yi awandi dowad dakmembaraneen kowe.

2 Pita 1:10

Kwani kowe, nangkodmia, Godbed yiib yaa baande kinoon kuu anammo kwane keri dowad yiib nindorok kuu ari kerime, amborom kuu kuye inamen awine kande ambangkaniib kuu yiib kuu kombaraibban kowe.

2 Pita 1:5

Kowe kuye dowadbed kiwaan korem yaambed yiib anam andi yaa kuu inamen amunmo kan daboknenib, inamen amunmo yaa kuu kaadkeri kan daboknenib,

2 Pita 3:14

Kwana kowe, mimyob dowaken keendaan ne angkodmia, kuyaa nindorokiib meedme doberembirimaib kowe, kiwaan korem yaambed demkoronmo kerenib, yenambed yiib yaa kuu ambarakmiwen kii ande kadwonokban kerenib, God yoom yewenubmo dobirime.

Korokboon 21:8

Kumban undeekdaniib anam andindodaniib komyeng kamenabidaniib kumka kuman yenbandidaniib nenem kamenabidaniib waruk komobdaniib dudi god yi kuruwak yaa bumangkimaibdaniib dudanabidan koremiib yi dobirimbon kuu bot sulfaambed amot denembiri ye bowan yiri. Kekee bobni ayoob andi yeman kui.” andoon.