Hibrudan 10:38 - Yomgkom

³⁸ Kumban ne yorokmodan kuu anam andi yaambed dobaraniib. Kwane, yi kuu ne yaa koronde ika anuk wananiib kuu ne kuu yi yaa kubendainban.” andoon.

Hibrudan 10:38 ပူးပေါင်းရင်းမြစ်များ

Yook 147:11

Kumban kane kane yi kuu Yariman yaa une bumangkimaib yaa kuu kubi dowaken kerimaan, kane kane yi kuu ye womoniyiibban ye mimyob dowaken monok ande meedmimaib kuyaa kubimaan kui.

Yook 149:4

Amborom kuu Yariman kuu ye nimakarub yaa kubi dowaken keendimaan kowe. Kwane kane kane yi kuu dabab wayiroon kuu burudande dori kerekmen kondaneen.

Yook 5:4

Eb kuu inamen arewa yaa dowakenban ye God, arewa kaimaibdan kuu eb arinambo ari dobirindeban.

Yook 85:8

Yariman Godbed komo yedmaneen kuu wengambaraniin, yembed yewenubmo dobaraniib andi ye weng kunduk yedme kowaneen, ye karuwa nimaya yaa, ye karadmo kerundoondan yaa kui. Kwane, yi yaa kuu inameniibban ye dobiri yaa ika wanaib ande kebenendaneen.

Matyu 12:18

“Kekee nembed kankowaan ye deme karub, ne mimyob dowakeniib ne kubi darewoowiib kowaan kuu kei. Ne Kingkin kuu kan ye niindem aom kowaniina, yembed ne wengyundi amun ye weng kankone nimakarub kumundin yaa kowene dakmaneen.

Matyu 13:21

Kumban God Ye Weng kuu yi niindem ambab yiri kubunebindo kowe, awinenib aron doboobban dobaraniib, amborom kuu God Ye Weng yaa arud barang o yenbandi mananeen kuu kwane kirodmo kombiri angkananiib kowe.

Romdan 1:17

Kwane, weng amun aombed Godbed ongmoon ye yorokmo dobiri kuu dianmo korokboon. Kuye yorokmo dobiri kuu anam andi yaambed kii, andowoonbed wene yeenbon. Kuu God Ye Weng aom yedmoon kwamune, “Yorokmoman kuu anam andi yaambed dobaraneen.” andoon.

Galasiadan 3:11

God Ye Weng aombed wongkoon kuu, “Yorokmodan kuu anam andi yaambed dobaraniib.” andoon kowe, dianmo korokboon karub maa Moses ye amob awini yaambed God ye kerebiri ari kuu ma yimin kere yorokmo kerindo.

1 Tesalonaikadan 2:15

Yuudan keembed Yariman Yesuyiib profesidaniib yenbande nongkobenib, nuwiib yenbande yenburiwen. Nubbed Yuudanban yaa dakmimaub kuu Godbed bobni yaa burudande bindaneen ye dowad dakmimaub. Kwane kumbed Yuudan kee kebengkandamiib kumbed nimakarub korem yaa manmo keriiwe, Godbed yi yaa dowakeniibban keroon. Kwamune kumbed yi ambarakmi kuu darewoob kere demboone God kuu norin wande yoon.

Hibrudan 10:39

Kumban yiiwa nuwa kuu koronde ika winiiwe monmariwendan kwamune arebban, yiiwa nuwa kuu anam anduuwe bobni yaa burudande bindoondan kwamune kii.

Yems 5:6

Kwane, yiibbed yorokmodan yiib yaa manmo kerindo kuyaa dudimbed wengyunde ambarakmiwen andekorib ogoodmo yenib nongkobiwen.

1 Yoon 2:19

Yi kuu kuristendan nubkan-mo kumbed yaro winiwen, kumban yi kuu nubkanmo mimo anamban. Kuu kwamune kii, yi kuu nubkanmo anam karen, yi kuu nub yoom ibmo doruub karen. Kumban, yi kuu koronde winiwen kumbed korokboon kuu yi korem kuu nubkanmo mimomban keroon kii.