Hibrudan 10:22 - Yomgkom

²² Id ayoob keye dowad kumbed nub kuu aadidmiyiibban ye inamenbed anam ande kerebkarawiibban arudkonomo kerenub God ye dia menem, nub niindem aom kuu ye umkanbed engkeremab kiradme bunaboon kumbed, ambarakme karak kanduwen kuu nub meeni dobiri inamen kiwaan yaa arekore, nub id kuu ok karadmombed ogendoon kowe.

Hibrudan 10:22 ပူးပေါင်းရင်းမြစ်များ

Yook 111:1

Yarimanbed ye aningko kankoonime. Ne kuu ne niindem aom kumundin kumbed Yariman yaa eso andaniin, kangdommo doriibdan nedbimaib aombed.

Yook 119:10

Ne kuu ne niindem aom kumundin kumbed eb ande onmiin, domowaawe ebbed kwanime andi ye weng kuu domonene kimyen wanain.

Yook 119:145

O Yariman, ne niindem aom kumundin kumbed eb yaa baandaan kowe inanduwe. Ne kuu ebbed wongkewen yamob awine kandaniin.

Yook 119:2

Kaneya yi kuu ye kerekmen korokboon ye weng yaa awine kande doriib kuu amun kerundoon, yi meeni inamen kumundin kumbed ye ande onmiibdan kui.

Yook 119:34

Ne yaa inamen kaadkeri kankawebko eb amob wengambere awineni ne niindem aom kumundin kumbed awine kanda.

Yook 119:58

Ne niindem aom kumundin kumbed eb kubi dowaken kuu ne yaa keewe. Eb weng kunduk yaambed kabamon kondewen ye mimyob dowaken keewe.

Yook 119:69

Kerengkandanbed ne dowad dudanabi weng dakmiwen kuned, eb kongamki yamob kuu ne niindem aom kumundin kumbed awingkaniin.

Yook 119:7

Ne kuu eb wengyundi yorokmo yaa kaadkeraniin kuu ne niindem aom kangdommo kereni eb yaa eso andaniin.

Yook 119:80

Ebbed wongkewen yamob yaa kuu ne niindem aom ambarakmiyiibban kerok, kwananeen kuu ne kuu nen karak ari kowaibban. Kaf

Yook 32:11

Yorokmodan, yiib kuu Yariman yaa dowaken kere kubime! Kwane, niindem aom kangdommo doriibdan, yiib kuu ye yaa kube baandime!

Yook 51:10

O God, ne niindem aom yeweb karadmo ongme. Kwane ne inamen kuu kangdommo kerune.

Yook 73:28

Kumban nembed wedmaan kuu God ye dia dobiri kuu amun. Ne kuu Ambengkan Ye Yariman ye kukbimaanbon aombed doriin, kwane nembed ebbed komo komo kamenabewen korem kuu dakmaniin.

Yook 84:11

Amborom kuu Yariman God kuu aron ye nambiri areb, ye kuu kombe areb, Yariman kuu kubi dowakeniib aningko kankooniyiib bangkandimaan. Komo komo amun kuu yeka kirim kere amuknindo, kane kane kangdommo doriib kuyaa kwane bangkandimaan.

Yook 9:1

O Yariman, ne niindem aom kumundin kumbed ewaningko kankoonaniin, kwane binangke eb kuu anam andi yeman korokbendewen kuu dakmaniin.

Yook 94:15

Amaan ari kuu korok korokbed angkon ika yorokmo ye kerekmen yaambed wengyundaniib, kwane kangdommo doriibdan korem kuu kuye wengyundi yorokmo yaambed dukmonaniib.

Matyu 3:11

“Ne kuu okbed nimakarub yaa baptais kerundaan kuu ambarakmi yaa koronde God yaa amonombi ye akmi yeman kui. Kumban karub maa ari mananeen kuu ye aningko kuu ambab ari, ne kuu yirimo. Kwane kowe, nembed yambiwoom awunimaana ye yonkad biangke bi ye deme awini kuu yiminban. Yembed Kingkin Karadmoyiib amoyiib baptais kerundaneen.

Yesu Ye Weng Amun Lukbed Wongkoon 1:1

Tiofilus, karub amun yeman. Nub aombed komo komo anam id keroon ye weng kuu karub yemoonbed kwamune andowe wongkande kamiwen.

Yoon 3:5

Kwane, Yesumbed inande yedmoon, “Nembed ke anammo yedmebdaan kei, karub mim kanembed God ye oonimbon aom kuu aomnaanban, kumban okiib Kingkiniib yaambed woonaneen kumbedmo.

Yoon 8:9

Kwane, yi kuu ye weng wengambiriweniib kuu karub aamkonodandin wenebiiwe, kwane kobkandidan yi korem kuu mimo mimo wenebe dowan kere, kuri kuu Yesu yoom wonong kuyoommo domondiwen.

Kwamiwen 22:16

Kowe eb komande erebnare dibeeb? Eb yaro dembe, kwane eb baptais kere ye aningko yaambed kurikuri kerebko eb ambarakmi kuu arok.’ andoon.

Kwamiwen 8:21

Kwani kowe, God ye deme kemaom kee ewiibban, amborom kuu eb inamen God yaa kuu minikmanakiib kowe.

1 Korindan 6:11

Kwane areb kuu anuk kuu yiib yena kuu kwamunedan. Kumban yiib kuu ogoon. Yiib kuu karadmo kerundoon. Yiib kuu Yariman Yesu Keresu yaningko yaambed nub God ye Kingkinbed yorokmo kerundoon.

2 Korindan 7:1

Mimyob dowaken keendaandan, yiiwa nuwa kuu kuye weng kunduk buwen kowe, nub idiib kingkiniib yaa arewa kerundoka nub kuu God yaa arewa keri yeman korem kuyaa koronde inamen karadmo awinem. Kwanenub wene nub karadmo dobiri kuu demkoronmo kerem, God yaa une yaningko kankooni dowad.

Efesusdan 3:12

Yesu yaayiib ye yaa anam andiyiib kumbed God yaa kuu arudkonoyiib kangdommo wananuub kuu yimin.

Efesusdan 5:26

Kuye dowad kuu ye weng yaambed okbed ogende arene karadmo kerime ande ongmendi yemaniib,

Efesusdan 6:5

Yena yi dabderem yiri dobere no deme awinembiridan, yiib kangkodan okad yiri doriib yi weng yaa kuu Keresu ye weng wengambirimaib areb kwane uniyiibbed ne kangkoman kuu amun andiyiib aadidmiyiibban ye inameniib kwane yi weng wengamberendime.

1 Timoti 4:2

Yi kedmengkandi kuu dudanabi aadidmi ye karuwa nimayambed ben wenebe derendaraniib. Yi kuu inamen arewa o amun wengyundindebandan.

Taitus 3:5

yembed nub kuu bobni yaa kuu burudande bindoon. Kwane, nubbed amunmo kame doburuwen kumbed bindindo, yekareb ye mimyob keende kakman are nonondandoon kumbed nub bindoon. Ye kuu Kingkin Karadmombed nub niindem aom oganabe wadkeri yeeb inamen yeeb kondoon yaambed bindoon.

Hibrudan 10:1

Moses ye amob kuu kurumo, amun kerundi menebandameen kuyarebban. Kowe yi kuu amun kerundi anam yemanban. Keye dowad dingkan aye nengke agedmo kere baeb koni yeman weeb mimim ika ika konimaib kuu, God ye dia kerem ande konimaibdan yaa demkoronmo ongmi yemanban.

Hibrudan 10:19

Angkodmia, kwani kowe, nub kuu Yesu ye umkan yaambed Yumbon Miin Karadmo Anam aom kerebkarawiibban arudkonomo awuni kuu

Hibrudan 11:28

Anam andi yaambed Burudandoon orokiib umkanbed engkeremab kiradme bunabiyiib kuu kwane awinoon, kwanoked wonob dana yenbandi ye engyu kuu Israeldan yi wonob dana yaa kuu yenbandokban keri yeman.

Hibrudan 12:24

Yiib kuu amob weng yeeb ongmiwen yaa wedyiri dobiri ye karub Yesu yaa miniwen. Kwane, yiib kuu Abel ye umkanbed dakmoon arebban, weng miin amun arimbed dakmoon ye umkan engkeremab bunaboon yeman yaa miniwen.

Hibrudan 4:16

Kwani kowe, nub kuu kabamoon kondoon ye mimyob dowaken ye God dibere oonimbon ari dibeen yaa kuu kerebkarawiibban arudkonomo wene nandem. Kwananuub kumbed dabab menebaneen kuu nub yaa awandi dowad mimyob keende kakman are nonondandi kandenub, kabamoon kondoon ye mimyob dowaken wedmanuub.

Hibrudan 6:11

Nub dowaken yiib mimim kuu korondiyiibban ye inamen kee korokbiib kuu, kwane awinibko wene yeenbon aron ari keruk. Kuu yiibbed anam kwananeen ande meedmi kuu kangdommo kerok andi dowad.

Hibrudan 7:19

Kedi, Moses ye amob kuu komo komo ben demkoronmo ma ongmindo. Kwane, kuye amob burudandoon arimbed keroon ye inamen kuu, nub yaa kondoone amaan ari anam kwananeen ande meedmuub kumbed God ye dia munuub kii.

Hibrudan 9:10

Amowamob kee animan ani yemaniib ok ani yemaniib kurikuri dowad dingki ogenabi yemaniib kumbedmo. Kukuu kad angka yemanmo, kuu awinime andoon kwane wene yeeb ongmi yaron keranuun.

Hibrudan 9:19

Kedi, Mosesbed amob weng korem nimakarub korem yaa daandekore, buromakau mana yi umkaniib naningkod ambi yi umkaniib okiib daboknene sibi kimi dodmo ongmiwen kuyiib at isop nondongiibbed buk bedmiweniib nimakaruwiib yaa engkeremabmo kiradme bunabende

Yems 1:6

Kumban ye kaamoni God yaa kuu anam andene karekmiyiibban keraneen kumbed yimin, amborom kuu kanembed karekmoon kuu oknondok karamok ari nuubbed kanbarande kawene kamene kamenmo wenemoon areb kowe.

Yems 4:8

God ye dia mene dobirime. Kwananiib kuu yiib dia mene dobaraneen. Ambarakmidan, yiib dingki oganabime. Inamen amuniib inamen arewayiib kamenabidan, yiib niindem aom are karadmo kerime.

1 Pita 1:2

Yiib kuu kurin kurin kuu Ambe Godbed meenmendekoreked kinoon. Kukuu ye Kingkinbed karadmo ongmendi yaambed Yesu Keresu ye weng wengambere awini ye dowadiib ye umkanbed yiib niindem aom arendi ye dowadiib kinoon. God ye kabamoon kondoon ye mimyob dowakeniib yewenubmo dobiriyiib yiib yaa bangkandoka yiminmo kerok.

1 Pita 3:21

Ok kee Godbed yiib bindi ye baptais kerundi ye kumun korokboon. Kukuu yiib kad angka koroom okambi ye dowadban, God ye dowaken yaambed dobaraniin andi ye inamen ye dowad kui. Kukuu Yesu Keresu bobnoon yiri ika nen demboon yaambed Godbed bindoon.