Hibrudan 1:9 - Yomgkom

⁹ Yorokmo dobiri yaa dowakenmo kerewen, kumban inamen arewa yaa arud wandemberewen. Kwanikob, God, eb Godbed eb korok ari kubi yeman olif ambod ye oiyo bune kinoon kumbed, eb nendene eb angkodmia burudande ari nenkowoon.” andoon.

Hibrudan 1:9 ပူးပေါင်းရင်းမြစ်များ

Yook 11:5

Yariman kuu yorokmodan yi niindem aom andangkimaan, kumban arewa kamembiridaniib yenbandi yaa dowaken keriwendaniib yaa kuu ye kingkinbed arud wandembirimaan.

Yook 119:104

Eb kongamki yamob yaabed inamen kaadkeri kandimain, kwanekob ne kuu abdon kami kiwaan korem yaa kuu dowakenban odkenebmo kerimain. Nun

Yook 119:128

Kwanekob, inamen korem yaa kuu eb kongamki yamob kuu yiminmo ande wedmaan, kowe dudanabi kiwaan korem yaa kuu naawonmo kongendimain. Pe

Yook 2:2

Okad yiri ye kingdan korem menebe ibonmo dabokne inamen nekwe manmo keriib, Yariman yoom yembed Kinoonman yoom yaa.

Yook 2:6

Kuye weng dandimaan kuu, “Neka nembed ne King kuu, ne aangko karadkono Saiyon arimbed nenkonaane oone doreen.” andimaan.

Yook 23:5

Eb kuu ne bondan yi kerebiri arimbed ne dowad orok ongmimaab. Ne nen kine ne korok ari kuu oiyo bunewen, kwane ne dobiri yaa kuu yiminmo bangkawimaab.

Yook 33:5

Yariman kuu yorokmo dobiriyiib wengyundi anammoyiib yaa dowaken darewoob keroon, kwane ye womoniyiibban ye mimyob dowaken kuu okad yimin yimin yaa derendaroon.

Yook 37:28

Amborom kuu Yariman kuu wengyundi anam yaa dowakeniib kerunoon, kwane kane kane ye yaa korondiyiibban ye weng awine doriibdan kuu yembed ma domondaanban. Yi kuu aron korem dorondandaneen, kumban arewadan yi dana meed kuu yumbon kuyaambed nadme ben kiradmaneen.

Yook 40:8

O ne God, eb dowaken yaambed ambangkande meenaan. Eb amob kuu ne niindem aom angkeen.” andaan.

Yook 45:6

O God, eb dibere oonimbon kuu aron korem angkimbaraneen, kwane eb ooni ye inamen kuu wengyundi anammo.

Yook 45:7

Eb kuu yorokmo kerekmen yaa dowaken darewoobmo kereneb arewa kami yaa miin dowakeniibban anam kerimaab kowe, God, eb God kumbed eb nen ari kowoone, eb angkodmia kuu yirimo keriwen. Yembed eb yaa kubimaan ye oiyo eb ari bunoon kumbed eb nen ari kowoon kui.

Yook 89:20

Ne deme karub Dewid wedmenaan. Ne oiyo karadmombed ye ari bune kinaan.

Yook 89:26

Yembed ne yaa baande yedmaneen, ‘Eb kuu ne Ambe, ne God, ne Bobni Yaa Burudande Nendi Ye Karub, ne aromkonombon.’ andaneen.

Yesu Ye Weng Amun Lukbed Wongkoon 4:18

“Yariman ye Kingkin kuu ne yaa doreen, amborom kuu kamboknondan yaa weng amun kedmengkandi ye deme dowad kuu yembed ne korok ari amob ok bune kinoon kowe. Godbed yedmoona manaan kuu bonmanbed karuwa nimaya yembed boon yaa kuu be yeedere wananeen ye wengiib indob tutdan kuu ongmaneene ika wedmaniib ye wengiib be meneni, dabab wayiroondan yaa kuu ben yeedereni,

Yoon 1:41

Endrumbed ibduruk awinoon kuu ye aagorok Saimon kerekanmo wene yedmenoon, “Godbed Kinoona Monoonman Keresu kuu wedmenuwen kii.” andoon. (Keresu Hibru wengbed kuu “Mesaiya” kui.)

Yoon 10:17

“Ne Ambembed ne yaa mimyob dowaken keewoon, amborom kuu neka ne wadkeri yiri kankowaniin, ika kande kankooni dowadbed.

Yoon 20:17

Kwane, Yesumbed yedmoon, “Ne yaa awinewaab, komoyiibkob ne kuu Ambeyiib yaa ikakman winindo kowe. Kumban nangkodmiayiib yaa weneneb ne kuu ikakman ne Ambe, angkon yiib Ambe, ne God, angkon yiib Godiib yaa wanaan kii andi ye weng yi yaa daande.” andoon.

Yoon 3:34

Kane kuu Godbed nenkowoona monoon kuu God ye weng dakmimaan, amborom kuu God kuu ye Kingkin yiminmo konoon kowe.

Kwamiwen 10:38

Kukuu Yesu Nasaretman kuu Godbed kine ye aromkono konoona, Kingkin Karadmombed ibnenoona, wene amun amun kamimaane Setenbed kebendoondan korem ongmenaboon, amborom kuu Godiib awanenoon kowe.

Kwamiwen 4:26

Okad yiri ye king king korem menebe ibonmo dabokne inamen nekwe manmo keriwen, Yariman yoom yembed Kinoonman yoom yaa nangbandiwed.’ kwane wongkoon.

Kwamiwen 4:27

“Anam dakmoon amborom kuu King Erod yoom Pontius Pailet yoom ambibkin maa maadan yoom Israeldan yoom yi korem kuu taun kemaom nedbenib manmo kere ebbed kinoon karadmo dememan Yesu yaa bon keriwen.

Romdan 12:9

Yiib mimyob dowaken keendi kuu ma aadikmiyiibban kerok. Arewa kami ye barang yaa kuu miin dowakeniibban kerime, kwane amun kami ye barang yaa kuu amuknime.

Romdan 15:13

Kowe, yiib kuu God yaamo angkumone doriib kuu, yembed kwananeen ande meedmimaib ye Godbed yiib yaa kubiyiib yewenubmo dobiriyiib bangkandoko yiminmo kerok. Kwananiib kumbed Kingkin Karadmo yaromkono yaambed Godbed kwananeen ande meedmibka yiminmo kerok anded.

1 Korindan 1:9

Ye kuu weng awinimo ma korondiyiibban ye God, ye Mingki nub Yariman Yesu Keresu yoom ibmo dabokne dobirime yiib yaa ande baandoon ye God.

2 Korindan 11:31

Yariman Yesu ye Ambe God, aron korem yaningko kankoonaniib ye God, ye yekaad ne weng dakmandamaan kee dudi wengban.

Galasiadan 5:22

Kumban God ye Kingkin ye yob irimaan kuu, mimyob dowaken keendiyiib kubi ye inameniib yewenub dobiriyiib yodbirimban iwarimbed dobiriyiib awandiyiib amun amun kamiyiib korondiyiibban kwane awinembiriyiib

Efesusdan 1:3

Nub Yariman Yesu Keresu ye Ambe God yaa kubem, amborom kuu nub kuu Keresu yaa ben daboknoon kowe Godbed Ewen aom oonoon yeman kingkin ye kerekmen ye amun kerundi korem kuu nub yaa bangkandoon.

Filipaidan 2:9

Kwana kowe, Godbed Keresu kuu yumbon korem burudandoon ye yumbon arimbed nendune kowene, aningko korem burudandoon ye aningko darewoob arimbed konoon.

Hibrudan 2:11

Nimakarub ongmaane karadmo kerimaib ye karub Yesuyiib angkon ongmendoone karadmo keriwendaniib, yi ayoob kuu yeka yekamban id mimo. Kowe, Yesu kuu yi yaa damana andimaan kuu karak yemanban yiminmo.

Hibrudan 2:9

Kumban Yesumo wedmenuub, ye kuu aron dukmen engyu arebban yiri kankubunoone, amaan ye yaa kuu nambiriyiib aningko kankooniyiib bangkanoon, amborom kuu yembed nub dowad bobnoon kowe. Kwanoon kumbed God ye kabamoon kondoon ye mimyob dowaken yaambed nimakarub korem yi dowad durud yewed kande bobnoked yimin ande kwanoon.

Hibrudan 7:26

Nub dowad God dore nimakarub dore wedyiri dobiri ye karub darewoob arimbed kwamune kuu yimin. Ye kuu karadmo ye karub, ambarakmoon kii ande kadwonimokban ye karub, ambarakmiyiibbanman, ambarakmidan yaambed nen angka kowoonman, Ewen ari nen burudandoon ye karub, kui.

1 Pita 1:3

Nub korem nub Yariman Yesu Keresu yambe God yaningko kankoonem! Godbed mimyob miin darewoob keende nub kakman aroon kumbed, Yesu Keresu bobnoon yiri ika demboon yaambed wadkeri yeeb kondoone, ika woonenub anam kwananeen ande meedmi anammoyiib doruub.

1 Yoon 1:3

Nubbed kee wedme wengamburu-wen kuu yiib yoom dakmenduub kuye dowad kuu yiib yoom nub yoom ibmo mene yone dabokni yeman. Nub kuu Ambe God yoom ye Mingki Yesu Keresu yoom mene dabokne yonendu-wen.

Korokboon 2:15

Kwane areb kuu yiib yena kuyaom kangkon Nikolasbed kedmengkandeenkob ambarakmimaibdan keriwen.