Hibrudan 1:4 - Yomgkom

⁴ Kowe, Godbed kine kowoon yaningko Mingkimbed awinoon kuu engyu yi aningko burudandoon arimbed areb, Mingki kuu arimbed, engyu arebban.

Hibrudan 1:4 ပူးပေါင်းရင်းမြစ်များ

Efesusdan 1:21

Ku dibeen kuu ooniwendaniib korok korokiib aromkonodaniib yarimandaniib deme aningkoyiibdaniib korem kuu yirimbed, yembedmo kuu ari, kibik yaronmomban mananeen yaron ari kangkon.

Kolosedan 1:18

Kwane, anam andiwendan kuu ye id areb, ye kuu yi korok kui. Ye kuu bobnoon yirimbed ibduruk dembekore wonob dana keroon, kowe kumkam korem yaa yembedmo kuu ari.

Kolosedan 2:10

Kwane, Keresu yaambed ye meeni koremiib inamen koremiib dowaken koremiib aromkono koremiib kuu yiib yaa bangkandoon. Ye kuu aromkono maa maa korem awinidaniib korok maa maa koremiib yi korok kui.

2 Tesalonaikadan 1:7

yiib yaa dabab bangkandiib kuu ben kiradmaneen, nub yaa kangkon kwananeen. Yesu angkon Ewen arimbed amot ye nambiri darewoowiib engyu aromkono darewoowiib be angkadaraneen yaron arimbed kwananeen.

Hibrudan 1:9

Yorokmo dobiri yaa dowakenmo kerewen, kumban inamen arewa yaa arud wandemberewen. Kwanikob, God, eb Godbed eb korok ari kubi yeman olif ambod ye oiyo bune kinoon kumbed, eb nendene eb angkodmia burudande ari nenkowoon.” andoon.

Hibrudan 12:17

Yiibkaad kui, kuye yoman kuu keye amun kerundi kee kandande kamoon kumban ye kuu wunekaroon. Ye kuu amun kerundi kandi dowad weng ongmaan amonomba ande kamene amengiib kamoon kuned yiminban.

Hibrudan 2:9

Kumban Yesumo wedmenuub, ye kuu aron dukmen engyu arebban yiri kankubunoone, amaan ye yaa kuu nambiriyiib aningko kankooniyiib bangkanoon, amborom kuu yembed nub dowad bobnoon kowe. Kwanoon kumbed God ye kabamoon kondoon ye mimyob dowaken yaambed nimakarub korem yi dowad durud yewed kande bobnoked yimin ande kwanoon.

1 Pita 3:22

Ye demboon kumbed Ewen ari daanekore God ye dingki wiwi angkambed doroona, engyusiiwa kane kane korok keriwendaniiwa kane kane aromkono keriwendaniiwa yi kuu ye dabderem aom doriib.