Hibrudan 1:1 - Yomgkom

¹ Kurin yiri kuu Godbed nub awoya yaa profesidan yaambed aron yemoon kuu kiwaan yemoonbed daandemboroon.

Hibrudan 1:1 ပူးပေါင်းရင်းမြစ်များ

Andowoon 3:15

Dabab darewoob ke kowaan kee, eb yoom wonong yoom neman bon bon kamimamaniib kii. Kwani kowe, eb yob kuu wonong yu yowiib aron korem bon kerimamaniib. Yu yobbed eb korok kuu wowe monmaraneene ebbed yu yob ye yon daandum yaa domondaneeb.” andoon.

Andowoon 6:3

Angkon Yariman Godbed yedmoon “Kwana kowe, ne kuu kerendobaraina karub weeb darewoob dobaraibban, amborom kuu yi dobiri arewa keroon kowe. Weeb 120iib kwari burudande dobaraibban.” andoon.

Yesu Ye Weng Amun Lukbed Wongkoon 1:72

Nub awoya anuk yiri kuu mimyob keendemboroon. Kwane, amob weng yi yaa ongmoon kuu nonondandaanban.

Yesu Ye Weng Amun Lukbed Wongkoon 24:27

Kwanekore, Yesumbed ye dowad Moses ye wengiib profesidan yi wengiib ibduruk kedmengkandekore, God Ye Weng Karadmo kumundin yaambed kedmengkandoon.

Yesu Ye Weng Amun Lukbed Wongkoon 24:44

Kwane, yembed yi yaa yedmoon, “Anuk kuu ne kuu yiib yoom doburuwen kuu kekee dakmaan, Moses ye amob wengiib profesidan yi wengiib kurikuri yokiib yaa weng korem ne dowad wongkiwen kuu anam id keraneen.” andoon.

Yoon 16:13

Kumban anam anam korokbi ye Kingkin mananeen kuu yiib ben kinban wenene anam anam korem kuu korokbendaneen. Kwane, ye kuu yeka ye inamen yaambed dakmaanban, ye kuu komo wengambaraneen kumbedmo dakmaneen, aman ari komarewa keraneen kuu yiib yaa dakmaneen.

Yoon 7:22

Mosesbed kuu yiib karub dana yi kad wanabime andi ye weng kondoon. (Kumban anam kuu Mosesbedban, yiib awoya unyeman yirimbed andowiwen kii.) Kwani kowe, yiib kuu yiib karub dana yi kad kuu Sabat aron arimbed wanabimaib kii.

Yoon 9:29

Nubbed nubkaad kuu Moses yaa kuu Godbed dakmoon kumban, karub keyiib kee ye kuu kunayambed monoon kuu ma nubkaadkerindo.” andiwen.

Kwamiwen 13:32

“Nub kuu Godbed nub awoya anuk yaa weng kunduk kondoon kuye weng kibireb kee dakmuub.

Kwamiwen 2:30

Ye kuu profesiman kowe, God Ye Weng kundukbed amob ongmoon kuu ‘ye yobbed ye ooni ye yumbon ari kuu ye awo aman arimbed kandaneen’ kuu yekaadkeroon.

Kwamiwen 28:23

Kwane, yi korem kuu aron maa kinekoriwa, kuye aron keroona, Pool doreen yaa kuu yemoon menenib nedbiwen. Kwane, Poolbed amkimombed wene amnoom kuu Godbed korok kere ooni ye weng ambobande kedmengkandoon. Kwane, Mosesbed God Ye Weng wongkoon yaayiib profesidanbed kurin wongkiwen yaayiib kuyaambed daandene Yesu yaa anam andime ande nangkandande dakmoon.

Kwamiwen 3:21

Yesu kuu Ewen ari dobaraneene dobiriyiiwa okadiiwa inuminumiiwa komo komo arewa keroon kuu korem Godbed ongmenabaneen yaron keraneen. Godbed ye weng kunduk yedmoonkob ye karadmo ye profesidan daandiwen kowe kwananeen kii.

Hibrudan 11:2

Keye anam andi kee kurin kurin yiri dobiriwendan awiniwen kumbed Godbed nimakarub amun ande daandoon.

Hibrudan 12:25

Kaadkerime, dakmimaan ye God yaa wunekaraib. Kurin anuk kuu aangko Sainai miniwendan kuu kaadkeri weng okad arimbed daandoonman yaa wunekarekorib kirokmonindo, yembed wengyunde dabab kondoon. Kowe, nub kuu kaadkeri weng Ewen aombed daandimaanman yaa wunekaranuub kuu, yembed wengyunde dabab kondi kuyaa ma kirokmonanuub dee? Dowan!

Hibrudan 2:2

Kedi, God ye amob weng engyusbed kanminiwen kuu yenambed amonombe weng id mamaa kerindeban, kwane weng kuyaa wunesadmiwendan yoom wabkad keriwendan yoom korem kuu dabab anam kandiwen.

Hibrudan 2:3

Kowe, Godbed bobni yaa burudande bindi ye weng miin darewoob yaa yangmadandanuub kuu, komarewa kere dabab kandaubban ande kirokmonanuub? Dowan! Godbed bobni yaa burudande bindi ye weng kee Yarimanbed ibduruk daandaan kuu, wengambiriwendanbed kuu weng anam ande korokbendiwen nub yaa.

Hibrudan 3:5

Moses kuu deme awinimo ye karub, ma domondimokbanman, God ye nimakarub korem aom kuu. Kwane, yembed dakme korokboon kuu Godbed aman ari komarewa dakmaneen ye weng ye dowad.

Hibrudan 4:8

Kedi, Yosuambed yiidkimbon kondoon karen kuu, God kuu amaan ari aron maa yeman kuu kwane dakmindo karen.

Hibrudan 5:5

Kowe, Keresu kangkon yekareb nambiri kande God dore nimakarub dore wedyiri dobiri ye karub darewoob arimbed kerindo, Godbed ye yaa yedmenoon, “Eb kuu ne Dana, kibikee ne kuu eb Ambe keraan kii.” andoon.

Hibrudan 9:19

Kedi, Mosesbed amob weng korem nimakarub korem yaa daandekore, buromakau mana yi umkaniib naningkod ambi yi umkaniib okiib daboknene sibi kimi dodmo ongmiwen kuyiib at isop nondongiibbed buk bedmiweniib nimakaruwiib yaa engkeremabmo kiradme bunabende