Galasiadan 6:9 - Yomgkom

⁹ Kwane, amun amun ambangki yaa kuu nub odkeneb wande korondaub, amborom kuu nub kuu yinmone korondaubban keranuub kuu aron anam kinoon mananuun arimbed wadkeri aron korem ye id wandanuub kowe.

Galasiadan 6:9 ပူးပေါင်းရင်းမြစ်များ

Andowoon 29:7

Andiiwe, yembed yedmoon “Wedmime. Kuu oobnonban, kuu aron angkaramo kowe, sibi kuu nedbi yaron kuu mokeed. Kwani kowe, ok bangkandekorib bewene kereek yemoon yaa wenebime.” andoon.

Yook 104:27

Yi korem kuu ebbed animan maondaneewa ananuub manok ande dobirimaib, kwane ebbed aron anam arimbed bangkandimaab.

Yook 126:5

Kaneya yi kuu kab kibenib inok wandaniib kuu, yi kuu kube baandenib id wandaniib.

Yook 145:15

Wad doriib ye dingkaniib nimakaruwiib korem kuu eb kwananeeb ande kerebdombaraiwa, animan kuu aron anam arimbed yi yaa bangkandimaab.

Matyu 10:22

Nimakarub korem kuu yiib yaa arud darewoobmo wandembirimaib, amborom kuu yiib kuu ne karuwa nimaya kowe. Kumban, kanembed ne weng awinenmo dobaraneenkob wene yimin wandaneen kuu, Godbed burudande bindaneen.

Matyu 24:13

Kumban kane kanembed kwane yi anam ande awine dobaraniiwe wene yimin wandaneen kuu Godbed bobni yaa kuu burudande bindaneen.

Matyu 25:17

Kwane, talen ayoowiib ye karub kwamunemo kamene talen angkon ari ayoob ben daboknoon.

Matyu 9:19

Kwanandoone, Yesu yaro dore Yuudan yi korok yoom winiiwa, ye kedmengkandeendan kwangkon yiyiib dabokne winiwen.

Maak 3:3

Kwane Yesumbed karub dingki arewa yaa yedmenoon, “Nimakarub yi arinambo arimbed dembe.” andoon.

Yesu Ye Weng Amun Lukbed Wongkoon 18:1

Kwane, Yesumbed ye kedmengkandeendan yaa kedmengkandako aron korem kurikuriyiib kamimamime korondaib ye dowad kuu kuruweng kee dakmoon,

Romdan 2:7

Nimakarub yena yi kuu nambiriyiib aningko amun darewoowiib wadkeri aron korem yemaniib bi dowad yinmone korondiyiibban amun amun kamimaib kuu, Godbed yi yaa wadkeri aron korem kondaneen.

1 Korindan 15:58

Kwana kowe, mimyob dowaken keendimain ye angkodmia, kangdommo doberembirime. Korondaiwe, komombed ben mangdobaan andid. Aron mimim korem Yariman ye deme yaa yiib inamen kumundinmoyiib awinimamime. Amborom kuu yiib yiibkaad kui Yariman ye deme ambangkimaib kuu idiibban keri yemanban, idiib kerimaan kowe.

2 Korindan 4:1

Kwana kowe, Godbed mimyob keende kakman are nonondandi ye kerekmen yaambed keye deme awinuwen kowe mimyob wandiyiibban doruub.

2 Korindan 4:16

Kwana kowe, nub niindem aombed kuu yiminban korondanuub andi ye inameniibban doruub. Nub karub id angka kuu monmare weneen kumban, nub niindem aom wadkeri kuu Godbed aron mimim yeweb ongmimaan.

2 Korindan 9:6

Kekee meenime. Karub kanembed animan kab yemoonban bengkere arumaneen kuu animan id yemoonbanmo wandaneen. Ma, karub kanembed animan kab yemoon bengkere arumaneen kuu animan id yemoonmo wandaneen.

Efesusdan 3:13

Kwanikob, nembed yiib yaa yedmaan kuu, yiib dowad durud yewed kandaan kuyaa meenme dowakeniibban kere korondaib, amborom kuu kuye durud yewed kuu yiib nambiri kandi yeman kowe.

2 Tesalonaikadan 3:13

Kumban yiib dowad dakmandamaan kuu, yiibbed amun amun kamiib kuu yiminban keraane korondaib.

Hibrudan 12:3

Kedi, ambarakmidanbed kuye bon darewoob keruniiwe kangdommo doboroon ye karub keyaa meenime. Yiib kwananiib kumbed yiib anam andi kuu wuudnaibban, bon yaa nub kuu yiminban ande kubiyiibban kere korondaibban.

Hibrudan 12:5

Kwane, yiib kuu kube ongkandi weng yiib yaa ne meed ande daandoon kuu nonondandiwen. Yedmoon kuu kei, “Ne dana, eb arewa kamoon yaa Yarimanbed didangkoon kuyaa kuu korondaab, kwane, yembed dedmobde yedmebdoka ne kuu yiminban ande kubiyiibban keraab.

Hibrudan 3:14

Nub kuu ibduruk Keresu ye dowad kerebkarawiibban arudkonomo doburuwen kwane kangdommo dobaranuuwe yimin wandanuun kuu, Keresu yoom ibmo dobaranuub.

Hibrudan 3:6

Kumban Keresu kuu God ye Mingki, ma domondimokbanman, God ye nimakarub korem yaa kuu. Kwane, nub kuu arudkono doberenub yembed kwananeen ande kerengkanuwen ye weng awine dobaranuub kuu, nub kuu ye nimakarub keranuub.

Yems 5:7

Angkodmia, yodbirimban iwarimbed dobirime, kwane ari wene Yariman mananeen yaron kerok. Wedmime, yongbon yarian kuu okad ongme kab arumekoriwa yodbirimban iwarimbed doberemberenib am mini aron keruko am monoko nub kab kuu yeederene id yemoon keroka ande meedme doberembirimaib kii.

1 Pita 2:15

Amborom kuu God ye dowaken kuu yiibbed amun kamaniib kumbed inameniibbandan yi ogood weng kebengkok anded kowe.

1 Pita 3:17

God ye dowaken keroka, yiib kuu amun amun kamiiwe yenbandaniib, kedi, amun amun kamiiwe yenbandiiwa durud yewed kandi kuu amun, arewa kamiwed yenbandiwed durud yewed kandi arebban.

1 Pita 4:19

Kwanikob, God ye dowaken yaambed durud yewed kandiwendan kuu, ma korondiyiibban ye Ambengkan God ye dingki ari yiibka konenib, amun amun kamembirime, korondaib.

Korokboon 2:17

“Kanembed kerendemiib keroka, Kingkin Karadmombed anam andiwendan yaa weng ke dakmeen kee wengamborok. Kanembed arewa menebaneen yaa ninabone burudandaneen kuu nembed Ewen aom ye om mena bikdereboon kuu bangkanekori, angkon bot kawanmo kwari aningko yeeb wongkooniib kuu konaniine kandaneen kuu yena yikaadkeraibban, yembedmo aningko yeeb kuu yekaadkeraneen.

Korokboon 2:3

Kwane, yiib kuu dabab meneboone kangdommo doronib ne dowadbed durud yewed kandiwen kumban, yiminban keruub kii ande korondindo.

Korokboon 2:7

“Kanembed kerendemiib keroka, Kingkin Karadmombed anam andiwendan yaa ke dakmeen kee wengamborok. Kanembed arewa menebaneen yaa ninabone burudandaneen kuu nembed ye yaa wadkeri ye ayob God ye amunbon angkambed demboon kuu yembed ani kuu yimin ande kowaniin.