Galasiadan 4:4 - Yomgkom

⁴ Kumban wene aron kowoon yaa kuu mene nanduuna, Godbed ye Mingki nenkowoona monoon. Ye kuu okad wonongbed woonuuna Moses ye amob dabderem yirimbed doboroon.

Galasiadan 4:4 ပူးပေါင်းရင်းမြစ်များ

Andowoon 3:15

Dabab darewoob ke kowaan kee, eb yoom wonong yoom neman bon bon kamimamaniib kii. Kwani kowe, eb yob kuu wonong yu yowiib aron korem bon kerimamaniib. Yu yobbed eb korok kuu wowe monmaraneene ebbed yu yob ye yon daandum yaa domondaneeb.” andoon.

Andowoon 49:10

Yuda yoom ye awoya yoom kuu Israeldan yi king keraniib. King yaromkono kuru awinekorib, king kere dobaraniiwe wene king anam kuu mananeen, kui. Ambibkin korem yi karub kuu ye yaa kube wengambaraniib.

Matyu 1:23

Yembed daandoon kuu, “Wonong koyu karub maayiib angkindo kumbed oyoomiib kerenu karub dana woonanuuna yaningko Imanyuel andaniib.” andoon. Imanyuel ye weng id kuu “God nub yaa doreen” kui.

Matyu 3:15

Kumban Yesumbed neman yedmoon, “Kibireb kwamunaneeb kumbed yimin, nub yaa. Kukuu yorokmo inamen Godbed ongmenaboon korem anam id keri yeman kowe, kwane kame.” andoone, Yoonbed eyoka kwana andoon.

Matyu 5:17

Kwane, Yesu kadaareb yaa ika yedme daandoon, “Yiib ambarakme inamen arewa meenmaib. Ne kuu mene Mosesbed God ye amob wengambere wongkooniiwa profesidan yi wengiiwa bongme benkirarundande minindo. Ne kukuu amowiib wengiib dakme wongke kamiwen kuu kan anam id keri dowad manaan.

Maak 1:15

“Amonombi yaron kuu muneen kii! Godbed nimakarub yaa korok kere ooni yaron kuu dia kereen kowe, ambarakmi yaa koronde amonombe weng amun yaa anam andime!” andimaan.

Yesu Ye Weng Amun Lukbed Wongkoon 1:31

Kub kuu oyoomiib kerekoreb dana mingki woonaneeb. Yaningko kuu Yesu ande kowaneeb.

Yesu Ye Weng Amun Lukbed Wongkoon 1:35

Anduune, engyumbed inande yedmoon, “Kingkin Karadmombed kub yaa menene Ambab Ari Ye God yaromkonombed ongmaneen. Kwani kowe, dana karadmo woonaneeb kuu God Ye Mingki andimamaniib kii.

Yesu Ye Weng Amun Lukbed Wongkoon 2:7

yumbed karub dana wonob wooneen. Kwane, ebkad baradbed bedmenekoru, dingkan animan bangkandimbon aombed koween, amborom kuu ambib korem aom kuu diiriwen kowe, dingkan ambiwoombed dobiriwen.

Yesu Ye Weng Amun Lukbed Wongkoon 20:44

“Dewidbed Keresu yaa kuu ‘Yariman’ andoon kowe, komarewa kere ye awo ari keraneen?” andoon.

Yoon 1:14

Weng kee karub kerekore nub aom doboroon. Ye aromkono nambiri kuu wedmuwen, God ye Mingki mimo ye aromkono nambiri kui, ye kuu Ambe God yaambed monoon. Ye kuu kabamoon kondoon ye mimyob dowakeniib anam anamiibbed ibnenoon.

Yoon 10:36

‘Ne kuu God ye Dana Mingki.’ ande yedmaan kuu komande yiib kuu ne yaa ‘God yaningko monmarewen.’ ande yedmiib? Ne kuu Ambembed yeka ye dowad nenkine kowekore okad yiri nenkowoona manaan.

Yoon 3:16

Kwamune, God kuu okad nimakarub yaa ye mimyob dowaken darewoob keendoon kumbed ye Mingki mimo kondoon. Kowe, kane kanembed ye yaa anam andaniib kuu bobnaibban, wadkeri aron korem korem kandaniib.

Yoon 6:38

“Ne kee Ewen arimbed kee kamanaan kuu neka ne dowaken ambangki dowad minindo. Ne nenkowoona manaan ye God ye dowaken yaambed ambangkok manaan.

Yoon 8:42

Kwane, Yesumbed yi yaa inandundoon, “God kuu yiib Ambe kuu anam keraneen kuu yiib kuu ne yaa mimyob dowaken keewaniib, amborom kuu ne kuu God yaambed manaan kowe. Ne kuu ne kabamoon minindo. Ne kuu yembed nenkowoonkob manaan.

Kwamiwen 1:7

Kwanandiiwe, Yesumbed inande yedmoon, “Aron kuu yeka Ambe yembedmo kowoon. Komo aron kwananeen kuu yiibbed yiibkaadkeri yemanban.

Romdan 1:3

Weng Karadmo wongkoon kee ye Mingki ye dowad. Nimakarub yi kerekmen yaambed ye kuu king Dewid ye ambokab yaambed monoon.

Romdan 15:8

Yesu Keresu kangkon ke kamonoon kii, ye kuu Yuudan yi deme karub keroon, God ye anam anam dowadbed. Keyiib kee Abraham awene yaa weng kunduk ongmenaboon kuu anam id kere korokbi dowad Yesumbed kwanoon.

Romdan 5:6

Kedi, nub kuu nubka aromkonoyiibban aron kuu Godbed aron kowoon yaa yimin kereen yaambed, Keresu kuu God yaa angkurom korokbenuwendan nub dowad bobnoon.

Romdan 8:3

Kwane, id ye dowakenbed Moses ye amob kuu kankubunoone wuud kere ambangkindeban keroon kumban, Godbed ambangke yimin keroon. Godbed ye Dana nenkowoone ambarakmidan areb kere nub ambarakmi are nub biddi dowad bobnoon kowe, id ye dowaken ye ambarakmi yaa kuu wengyunde dabab konoon.

Romdan 9:5

Kwane awo awoya Abraham awene kuu yikanmo, kwane karub ye kerekmen yaambed Godbed Kinoona Monoonman Keresu kuu yikanmo kii. Ye kuu korem burudande arimbed ye God, aron korem korembed yaningko kankoonem! Anam kwanok.

Efesusdan 1:10

aron anam nanduune kwanoon. Kuye dowad kuu kumkam korem okad yiriyiib Ewen ariyiib korem kuu Keresu yembed korok kerok anded.

1 Timoti 2:6

Ye kuu yeka yemeren nimakarub korem biddi dowad kondoon. Kukuu yi akmi yeman, aron anam ari keroona bindi ye kiwaan ongmoon.

1 Timoti 3:16

Weng dakmandamaan kee aadidmindeban ye weng kii, God ye dowaken yaambed dobiri korokboon kuu barang miin darewoob kai. Ye kuu karub anam kere monoon. Monoone, Kingkin Karadmombed ye kuu yorokmoman kii ande korokboon. Korokboone, engyus kuu wedmeniwen. Wedmiiwe, ambibkin maa maa yaa ye weng daandiwen. Daandiiwe, okad yiridan anam andiwen. Anam andiiwe, nambiri ari nen daanoon.

Hibrudan 2:14

Nimakarub kangkon yomiib umkaniib kowe, ye kangkon yi id arebmo kerene bobnoon kumbed bobni yaromkono awinoonman kuu yaromkono monmaroon. Kuu ye aningko kuu awad arewa Seten kui.

Hibrudan 9:10

Amowamob kee animan ani yemaniib ok ani yemaniib kurikuri dowad dingki ogenabi yemaniib kumbedmo. Kukuu kad angka yemanmo, kuu awinime andoon kwane wene yeeb ongmi yaron keranuun.

1 Yoon 4:14

Kwane, Godbed ye Mingki kuu okad kiri doriibdan Bobni Yaa Burudande Bindi Ye Karub keri dowad kowoona monoon kuu wedmenekorub ku dakmuub kui.

1 Yoon 4:2

Kwane, kingkin maa mananeen kuu Yesu Keresu kuu karub anam kere monoon kii andaneen kuu yiibkaadkeri yeman, kingkin kuu God yaambed kui.