Galasiadan 4:3 - Yomgkom

³ Kee kwamune areb kuu nub kuu dana yaron kuu okad yiri dobiri ye amowamobbed yerengke ye dabderem yiri ben nongkoboone doburuwen.

Galasiadan 4:3 ပူးပေါင်းရင်းမြစ်များ

Matyu 11:28

“Kane kane dabab darewoob awiniwen kuu ne yaa minime. Nembed owongab yiidki kondaniin kii.

Yoon 8:31

Kwane, Yesumbed Yuudan ye yaa anam andiwen yaa yedmoon, “Yiib kane kane ne kedmengkandi wengambere awine kandiib kuu yiib kuu ne kedmengkandiindan anam kii.

Kwamiwen 15:10

“Moses ye amob awini ye dabab kuu nuwiiwa nub awoya yiriyiiwa kuu awinindeban kowe, komande yi yaa kondandiwed, komande God ye komboon kaamonenandiwed?

Romdan 7:14

Nub kuu nubkaad, Moses ye amob kuu kingkin ye kerekmen yaambed andowoon. Kumban ne kuu id ye dowaken yaambed doriin, ne kuu ambarakmi ye dabderem yiri dobereni ambarakmi ye deme awinembiri ye karub keraan.

Romdan 8:15

Yiibbed Kingkin Karadmo kuu nendiwen kuu yiib ben yena yi dabderem yiri dobere no deme awinembiri ye karub ongme unimbed oonendi dowadban, kukuu yiib kuu God ye meed keri dowad Kingkin Karadmo kuu nendiwen. Kwanikob nub kuu God yaa “Ambe, Ambe” ande baandimaub, Kingkin Karadmo yaambed.

2 Korindan 11:20

Kumban anam kuu, karub kanembed yiib ben ye dabderem yiri nongkobi ye karub, o yiib birande od bi ye karub, o yiib yaa yeka ye dowadmo keanime kwanime andi ye karub, o yeka yiib kankubune yiib korok keri ye karub, o yiib murubia yakdari ye karub kuu menebaniib kuu, yiib kuu ee yimin andimamaniib kii.

Galasiadan 2:4

Kad wandime andi ye weng kee demboon kuu aadidmidanbed kuristen angkodmia irariwen kumbed Yesu Keresu yaambed Yuudan yi amob yaa dudboroon ye dobiri awinuwen kuyaa darobi dowad yemyeb awuderenib, nub benkubudere Yuudan yi amob ye dabderem aom nongkobem ande kamiwen.

Galasiadan 3:19

Kwani kowe, Moses ye amob keyiib kuu komo dowadbed kondoon? Kuu ambarakmi kuu ben dian korokbi dowad kondoon. Kondoked wene weng kunduk Abraham yaa konoon ye Yob monoon yaron yaa kereen. Amob kuu Godbed engyu yaa kondoone, yimbed God dore nimakarub dore wedyiri dobiri ye karub Moses yaa koniiwe, yembed awinoon kumbed amob kuu andowe ambangkoon.

Galasiadan 4:2

Ye kuu awodkimbed kinoone araben ooni ye karubbed oonaankob wene awodkimbed aron kowoon yaa kerimaun.

Galasiadan 4:24

Nima ayoob keyiib kee wiim aangke amob weng ongmenaboon ayoob dowad korokboon. Amob weng maa kuu aangko Sainai arimbed ongmoon, kuye amob weng kumbed amowamob ye dabderem yiri dobere no deme awinembiri dana wanabimaun. Kukuu Hagaa kui.

Galasiadan 4:25

Kedi, Hagaa kee aangko Sainai ambibkin Arabia aombed angkuun kerekmen dowad kineen. Kuu Yerusalem kibikee angkuun ye siti kuu yu areb kereen, amborom kuu yu kuu yu danayiib kuu amowamob ye dabderem yiri dobere no deme awinembiri ye kerekmen angkambed doruun, Yuudan yi amowamob ye dabderem yiri doruun kowe.

Galasiadan 4:31

Angkodmia, kuu kwamune kowe, nub kuu dabderem yiri dobere no deme awinembiri ye wonong yu dana meedban kowe, Yuudan yi amob ye dabderem yiri dorokban. Nub kuu obonmo wonong yu dana meed kowe, Yuudan yi amob yaa obonmo keruwen kii.

Galasiadan 4:8

Yiib kuu anuk God yaa yiibkaadkerunindo kuu, yiib kuu dudi god yi dabderem yiri dobere yi dememo awinembirimaib.

Galasiadan 4:9

Kumban kibikee yiib kuu God yaa yiibkaadkeriwen. Kumban anam kuu God kuu yiib yaa yekaadkerundoon. Kowe, komarewa yiib kuu amonombe okad yiri dobiri ye amowamob yaa ika wanandamiib kee? Kuye amowamob kuu inamen amuniibban, awandi yemanban kii. Yiib dowaken kuu ikakman amowamobbed awine yerengkoon ye dabderem yirimbed doberem andiwedoo?

Kolosedan 2:20

Yiib kuu Keresu ibmo keriwenkob okad yiri dobiri ye amowamowiib yaa duknemoon areb keriwen kowe, komande okad yiridan areb kuye amowamob ye dabderem yiri dobirimaib? Amowamob kuu kei.

Kolosedan 2:8

Kudi wedmime, yenambed okad kiri yi meendobi aombed meneboon ye wengiib dudi idiibban ye wengiib yaambed yiib ben ye dabderem yiri nongkobaib andid. Kuye weng kuu karub ye amowamowiib kingkin yi aningko kankooni ye amowamowiib yaambed menebimaan, Keresu yaambedban.

Hibrudan 5:12

Kedi, kibik aron kee yiib kuu God ye weng kedmengkandidan keri yeman kuned, anam kuu yiib yaa kuu God ye weng yaambed ibduruk kedmengkandimaib ye weng kuu karub maambed ika korem kedmengkandaneen kumbed yimin. Yiib kuu animan kamkonomban muk ambodbed animaib ye dana areb keriwen kii!

Hibrudan 7:16

Ye kuu God dore nimakarub dore wedyiri dobiri ye karub keroon kuu Livaidan yiman ye amob ambokab arimbedban, monmarindeban ye wadkeri ye aromkono ye ambokab arimbed God dore nimakarub dore wedyiri dobiri ye karub keroon.