Filipaidan 1:27 - Yomgkom

²⁷ Ma, Yesu Keresu ye weng amun ye kerekmen yaambed yiibka oone dobirime. Kwananiib kuu, yiib yaa kuu meneni wedmendaniin o manainban no dobereni wengambaraniin kuu, nekaadkeraniin yiib inamen mimombed kangdommo doberembere meeni mimombed weng amun ye anam andi ye dowad bamdaane ambangkenib,

Filipaidan 1:27 ပူးပေါင်းရင်းမြစ်များ

Yook 122:3

Yerusalem siti yenbiwen kuu kande kobkokmo kande daboknenib yenbiwen.

Yook 133:1

Kedi, ayiyambed mene wengbiriyiibban weng mimo kere ibmo dobiri kuu amun angkon manimanandeb kii.

Matyu 12:25

Yesu kuu yimbed meenmiib kuu yekaadkeroon kowe, yi yaa yedmoon, “Ambibkin mimodan andokbe yeka yeka kere yikanmo nangmiwen karen, korem kuu monmariwen karen. Kambong mimodan o ambib mimodan kwangkon andokbe yeka yeka kere yikanmo nangmiwen karen, korem kuu dobaraibban, yowore dowan keriwen karen.

Kwamiwen 2:46

Yi korem kuu menenib, kurikuri boyambib darewoob kuuk aombed aron korem kuu mene nedbenib, kubi dowakeniibbed animan numbere yi ambiwoom nedbe anenib,

Kwamiwen 24:24

Kwane, Feliks kuu aron yena kere ye wonong Durusila yu kuu Yuu wonong kuyoom menene Pool yaa baandoone, mene Yesu Keresu ye weng dakmoona yi wengambiriwen.

Kwamiwen 4:32

Kuyaron kuu anam andidan korem yi kuu mimyob mimo inamen mimo keriwen. Yi yiribman korem kuu ibmo neman konoon konoon kamiwen. Ma yeka yeka kamindo.

Romdan 1:16

Kedi, ne kuu Yesu ye weng amun yaa ma karak kerindo, amborom kuu weng amun kee God ye aromkonoyiib angkeen, kane kane anam andibka bobni yaa burudande bindi dowad kowe. Yuudan yaadin korokbendekore yoman Yuudanban yaa korokboon.

Romdan 1:5

Ye yaambed yaningko kankooni dowad nub kuu kabamoonmo apaso deme kine kondoon. Kwanoon kuu Yuudanban ambibkin mimimdan korem anam andime anded. Angkon yi anam andi yaambed ye weng wengambere awine kandime anded.

Romdan 1:9

Kowe, ye Mingki ye weng dakmi ye deme yaa kuu neka ne inamen korembed awinaan ye God, yembed wedme yekaadkeroon, ne kuu aron korem yiib dowad meene

Romdan 10:8

Kumban komo andanuub? God Ye Weng ke dakmem kei, “God ye weng kuu ambabban yiib dia. Kuye weng dakmaniib kuu yimin, kuye weng yaa meenaniib kuu yimin.” andem. Kukuu anam andi ye weng nubbed kanyare daandimaub. Weng kuu kei.

Romdan 15:16

Yuudanban yi dowad Yesu Keresu ye deme awinaan kumbed God dore nimakarub dore wedyiri dobiridan areb God ye weng baande daandimain kowe. Kwanimain kumbed Yuudanban kuu Kingkin Karadmombed ben karadmo kerundoko God yaa koni yeman areb keribko konako ne karuwa nimaya andok andid.

Romdan 15:29

Ne nekaadkeraan, ne yiiwiib yaa mananiin kuu Keresumbed dowakeniib kere amun kerundoon kumundinmo yaambed mananiin kii.

1 Korindan 1:10

Angkodmia, nembed nub Yariman Yesu Keresu yaningko yaambed nangkande yedmaan kuu, yiib korem kuu weng mimo kerime. Kwananiib kumbed yiiwaom kuu andokbiyiibban kerenib no dabokne meeni inamen ibmo keraniib.

1 Korindan 15:58

Kwana kowe, mimyob dowaken keendimain ye angkodmia, kangdommo doberembirime. Korondaiwe, komombed ben mangdobaan andid. Aron mimim korem Yariman ye deme yaa yiib inamen kumundinmoyiib awinimamime. Amborom kuu yiib yiibkaad kui Yariman ye deme ambangkimaib kuu idiibban keri yemanban, idiib kerimaan kowe.

2 Korindan 13:11

Angkodmia, yeenbon weng kuu kei. Kubime. Demkoronmo kerundoka kwamunemo doberembirime. Ne ongkandi weng awine kandime. Inamen mimo kerime. Yewenubmo dobirime. Kwamibka, mimyob dowaken keendiyiib yewenubmo kerundiyiib ye God kuu yiib yoom doborok.

2 Korindan 4:4

Kwane kuu awad arewa kibikee okad kiri dorone oonoonman kumbed anam andindodan yi meeni inamen kebengkoon. Kwanoonkob yi kuu God yoom miin ibmo ye karub Yesu Keresu ye weng amun nambiriyiib yuroon kuu wedminban.

2 Korindan 9:13

Ku kamiib kumbed yiib anam andi kuu yiminmo korokboon kowe, nimakarub yemoon kuu God yaningko kankoonaniib, yiibbed Keresu ye weng amun kuu anam ande yedmiwen kumbed kuye weng yaamo wengambere awine kandiwen kuu yi wedmiwen ye dowad kuyiib, ma kuu yiib kubi darewoob kondi yeman yi yoom yena korem yaa numbiriwen ye dowad kuyiib kui.

Galasiadan 1:7

Kumban anam kuu weng amun kuu mimo, maayiibban kii. Kuned karub yenambed yiib kuu benib kerebkarab aom kiradmiib kii. Kwane, Yesu ye weng amun kuu kan amonombe yeka mamaa kerandamiib kii.

Efesusdan 1:13

Kwane, yiib kangkon yiib bobni yaa burudande bindi ye weng amun anammo wengamberenib anam andiiwe, Keresu yaa ben daboknene ne karuwa nimaya andi dowad ye kumuniib deroon. Kuye kumun kuu yembed yedme kowoon ye Kingkin Karadmo kui.

Efesusdan 1:15

Godbed kwamoon kowe, yiib kuu Yariman Yesu yaa anam andenib God ye karadmodan korem yaa mimyob dowaken keendimaib kuu wengamberekori,

Efesusdan 4:1

Yariman ye dowad wii ye karub keraan kowe, nembed yiib yaa nangkande yedmaan kuu, Godbed ye dowaken yaambed dobirime ande baandoone kandiwen kuyaambed kwane dobirime.

Filipaidan 1:5

amborom kuu yiib kuu ibduruk weng amun wengambere awine kandiwen yaronbed mene kibikee yiib kuu weng amun ye dowad dabokne awandimaib kowe.

Filipaidan 2:12

Nangkodmia, kukuu kwamune kowe, ne yiib yoom dobaraan kuye aron kuu yiib kuu God yaa wengambere awine doberembiriwen, kumban kibikee ne yiib yoom dorokban kumban kuye inamen darewoob arimbed kere wengambere awine doriib kii. Kowe, kwamune ambangke wene Godbed burudande bindi ye inamen ibmo kere uniyiib kiringmiyiibbed kwane awine ambangkembirime.

Filipaidan 2:24

Ne kuu Yariman yaambed keyiib kembed arudkonoyiib keraan kuu aron dukmen arimbed yiiwiib yaa nekayiib mananiin.

Filipaidan 3:18

Kumban yemoon yi dobiri kerekmen kumbed Keresu ye at ming arimbed bobnoon ye inamen yaa bondan areb kere doriib kii. Keyiib kee aron yemoon anukbed yiib yaa daandaan kumban, kibikee inok wani yiib yaa ikakman yedmaan kii.

Filipaidan 3:20

Kumban nub aningko kuu Ewen aombed angkeen. Kwane, nub kuu kuyaambed menene Bobni Yaa Burudande Bindi Ye Karub yaa kuu dowaken darewoowiibbed meedmuub kii, kuu Yariman Yesu Keresu.

Filipaidan 4:1

Kwani kowe, ne mimyob keendaan ye angkodmia, yiib kuu Yariman keye kiwaan yaambed kangdommo doberembirime. Yiib yaa kuu ne mimyob angkeen. Yiib kuu ne kubi yeman, yiib kuu nembed deme awinaan ye kakman areb keriwen kii.

Kolosedan 1:10

Kwanikob, Yariman Yesu yaningko kankooni ye kerekmen yaambed dobirime andi ye dowad kwane kurikuri kamuub. Yiib kuu kwane dobaraniib kuu yiib yaa kubi darewoob kamendaneen. Kuye aningko kankooni kiwaan yena kuu, deme amunmo korem awinaniib kumbed yowiib iriyiib, God yaa kaadkeri yaambed kaine amniyiib,

Kolosedan 1:4

amborom kuu Yesu Keresu yaa yiib anam andiyiib God ye karadmodan korem yaa yiib mimyob dowaken keendiyiib wengamburuwen kowe.

1 Tesalonaikadan 3:6

Kumban Timoti kuu kibireb kee, yiiwiib yaambed mene yiib anam andi kara amuniib mimyob dowaken kara amuniib ye weng nuwiib yaa kanmene daandoon. Nub yaa kangkon yedmendoon kuu nuwiib yiiwiib ibmo doburuwen yaron yaa kuu, yiib kuu amun doburuwen ande meenimaib. Kwane, nubbed yiib wedmendem ande meenendimaub, kwane man yiibbed nub yaa kangkon kwanimaib ande daandoon.

1 Tesalonaikadan 4:1

Weng yeenbon kei, angkodmia, Godbed yiib yaa kubendaneen ye kiwaan ari dobirime ye weng kuu kedmengkanduwen. Anamaa, yiib kuu kwamunemo doriib. Kibikee Yariman Yesu yaningko yaambed nangkande yedmuub kuu inamen kee darewoob keroka kwane kamembirime,

1 Timoti 1:11

nambiriyiib amun kerundiyiib ye God ye weng amun daboknoon. Kwane, yembed weng amun kee oone dakmok ande kawoon.

1 Timoti 1:19

Eb anam andi ongme awine. Meeni dobiri inamen kiwaan amunmombed dobere. Nimakarub yena kuu inamen kee korondiiwe yi anam andi kuu kan kubunoon, karub yena yi konoo aombed arewa domiiwe bot ari wowe monmaroone kankubunemoon areb keriwen.

2 Timoti 4:7

Ne ana kuu amunmo nangbaan, ne kabaaneni yimin yaa nandaan, ne anam andi kuu ooneni awinaan kii.

Taitus 2:10

yi yiribman yid baib kui. Amun amun kamaniib kuu kangkodan yaa korokbi yeman, komo komo deme kondaniiwe ambangkaniib kuu yimin amun. Kwamunaniib kuu kiwaan korem yaambed nub Bobni Yaa Burudande Bindi Ye God ye kedmengkandi yaa kuu amun kowe wedme wengamberem andi yeman keraneen.

Failimon 1:5

amborom kuu eb anam andi Yariman Yesu yaayiib eb mimyob dowaken God ye karadkonodan yaayiib kuu wengain kowe.

Yems 3:18

Karub maa dore karub maa dore wedyiri dobere kiwaan ongme kunum keri ye karub kuu kab kibingkemoon areb yewenub bangkandaneen kuu yob wandemoon areb yorokmo dobiri kandaneen.

2 Pita 3:11

Kumkam korem kuu kwamune monmaraneen kowe, yiib kuu komarewa ye karub kere dobaraniib? God ye aron mananuun ande nindorokiib meedme kirod monok andi dowad ma korondiyiibban kwane ambangkaniib kumbed, inamen karadmoyiib awine kande God ye kerekmen yaa dobirime. Kuyaron ari kuu ambid kuu amotbed nengke monmaranuuna aroniib woodiib mindongiib kuu nimin darewoob kaimbed denobe okmo keraneen.

2 Pita 3:14

Kwana kowe, mimyob dowaken keendaan ne angkodmia, kuyaa nindorokiib meedme doberembirimaib kowe, kiwaan korem yaambed demkoronmo kerenib, yenambed yiib yaa kuu ambarakmiwen kii ande kadwonokban kerenib, God yoom yewenubmo dobirime.

Kerek Judbed Wongkoon 1:3

Ee angkodmia, ne dowaken darewoob kuu neyiib yiiwiib bobni yaa kuu burudande bindoon ye dowadbed wongkani keendandamiin kumban, meeni maa kerekori anam andi kara ye dowad dudanabi meneboon yaa kuu koromone dore nangmime ande wongkandid. Kedi, Godbed ye karuwa nimaya karadmo yaa anam andi ye weng kondoon, weng maa ari daboknaanban.