Efesusdan 4:32 - Yomgkom

³² Neman amun kamoon amun kamoon kamenib neman mimyob keenoon mimyob keenoon kamime. Godbed yiib kuu Keresu yaa ben daboknoon kumbed yiib ambarakmi are nonondandoon kowe, kwamune areb neman are nonondandoon are nonondandoon kamime.

Efesusdan 4:32 ပူးပေါင်းရင်းမြစ်များ

Yook 112:9

Yembed nindorokiibbed kamboknondan yaa munob bangkandimaan, kwane ye yorokmo kerekmen kuu aron korem kwane angkimbaraneen, kwane ye kuu aningko darewoob arimbed kankoonaniib.

Yook 145:9

Yariman kuu nimakarub korem yaa amun amun kamendimaan, kwane ongmenaboon ye kumkam korem yi dabab kandimaib yaa kuu mimyob keende awandimaan.

Matyu 6:12

Kaneyambed nub yaa ambarakmiwen kuu are nonondanduwen areb kuu, kwamune ebbed nub ambarakmi yaa kuu are nonondandunde.

Maak 11:25

Kwane kurikuri kerebka, karub maa yaa kongenewen kuu ika meenebka, yambarakmi eb yaa kuu are nonondande ande. Kwananeeb kumbed eb Ambe Ewen ari doreen kumbed eb ambarakmi kuu are nonondandaneen.” andoon.

Yesu Ye Weng Amun Lukbed Wongkoon 1:78

Nub God kuu mimyob keendembiri ye God kowe, karub mananeen kuu aron ye nambiri areb, yaro yeedere Ewen arimbed nub yaa mananeen.

Yesu Ye Weng Amun Lukbed Wongkoon 11:4

Nub ambarakmi komo kamuwen kuu are nonondande, amborom kuu kane kanembed nub yaa komo ambarakmiwen kuu are nonondanduwen kowe. Kwane, nub ben ambarakmaniib dee andi ye kiwaan ari nongkobaab.’ andime.” andoon.

Yesu Ye Weng Amun Lukbed Wongkoon 17:4

Kwane, yiib angkodmimbed aron mimo arimbed yiib yaa ambarakme ediib kerekore, mimim kuyaom kuu ‘Sori, anam ambarakmaan kowe are nonondande.’ andimo kame ediib keroka are nonondandunime.” andoon.

Yesu Ye Weng Amun Lukbed Wongkoon 6:35

“Kwanimaib kumban yiib kuu bondan yaa mimyob dowaken keendenib amun amun kamenib yi yaa yiib yiribman araben bangkandime. Kwanekorib angkon ika kandi ye inamen kowaib. Kwananiib kumbed kakman darewoob kandaniib. Kwane, yiib kuu Korem Burudandoon Arimbed ye God ye dana keraniib, amborom kuu God kuu eso andimokban ambarakmidan yaa amun amun kamimaan kowe.

Yesu Ye Weng Amun Lukbed Wongkoon 6:37

“Karub yena yaa wengyundandaab. Wengyundaabban kuu eb yaa wengyundabdaanban. Yena yaa nima arewa karub arewa andaab. Kwane andaabban kuu eb yaa kangkon karub arewa andaanban. Yena yi ambarakmi yaa are nonondandaneeb kuu eb ambarakmi yaa kangkon are nonondandaneen.

Kwamiwen 28:2

Kwane, amiib muneene yuruk darewoowiib kanduwen. Kwane, dudbidan kuu nub yaa angkodmende amoyiib nengkenib nub yaa kubende miin amun amun kamendiwen.

Romdan 12:10

Ambang oni daman areb ye mimyob dowakenbed marin marin keenoon keenoon kamime. Yiibka yiibmeren oonimaib kuu burudande aningko kankoonoon aningko kankoonoon kamime.

1 Korindan 13:4

Mimyob dowaken keendi kuu yodbirimban iwarimbed dobiri yeman, mimyob dowaken keendi kuu yena yaa awandi yeman. Kukuu wungkandi yemanban, kerengkan kami yemanban, nembedmo yimin andi yemanban.

2 Korindan 2:10

Kwane, yiib kuu kane kane yi ambarakmi kuu are nonondandaniib kuu, ne kwangkon are nonondandaniin. Nembed are nonondandi yeman kuu wedmaniin kuu kwane are nonondandaniin. Kukuu yiib dowad Keresu ye murubia arimbed are nonondandaniin kii.

2 Korindan 2:7

Kowe, kibikee yiib kuu ye ambarakmi are nonondandenib ye mimyob wandi kuu kankubunime. Kwananiib kuu ye mimyob wandi kuu miin darewoob kere korem yiminban keraanban.

2 Korindan 6:6

Kwane, nub kangkon doburuwen kuu karadmo inameniib kaadkeriyiib yodbirimban iwarimbed dobiriyiib awandiyiib Kingkin Karadmo yaambed dobiriyiib ma aadikmiyiibban ye mimyob dowaken keendiyiib

Efesusdan 5:1

Yiib kuu God ye mimyob dowaken keendoon dana kowe, yembed kamimaan areb ye koob kandime.

Yems 5:11

Kwane, iwari meenme kangdommo doberembiriwendan kee Godbed amun kerundoon ande yedmimaub kuda. Jobbed dabab meneboon kuyaa iwari meenme kangdommo doberemboroone Godbed ye dowad komo ambangkoon ye weng kuu yiib kuu wengambiriwen. Yariman kuu mimyob keendiyiib mimyob keende kakman are nonondandiyiib yiminmo awinoon.

2 Pita 1:7

God ye dowaken yaambed dobiri yaa kuu ambang oni daman yaa amun amun kamemoon areb kerundi kan daboknenib, ambang oni daman yaa amun amun kamemoon areb kerundi yaa kuu God yaromkono yaambed mimyob dowaken keendi kan daboknime.

1 Yoon 1:9

Ma, nub ambarakmi dakmanuub kuu, nub ambarakmi are nonondandene arewa korem ogawande araneen, amborom kuu ye weng kundukiib inamen yorokmoyiib awinimo kameen kowe.

1 Yoon 2:12

Ee, danaya, kerek kee yiib yaa wongkain, amborom kuu yiib ambarakmi kuu ye aningko yaambed kowene are nonondandoon kowe.