Efesusdan 4:29 - Yomgkom

²⁹ Yiib mongkodkono aombed weng arewayiib dembaane dakmaib. Kwane, yena yaa dowan kuyaa awandi ye kerekmen yaambed wengambiridan yi inamen aromni dowad dakmimamime.

Efesusdan 4:29 ပူးပေါင်းရင်းမြစ်များ

Yook 45:2

O king, eb kuu miin kerengkabdimbon kai, yena korem arebban, kwane kabamoon kondoon ye mimyob dowaken keendi weng kuu eb mongkod aombed menebimaan, Godbed amun kerubdoon aron korem kowe.

Yook 5:9

Ne bondan yi dakmi ye weng kuu anam ande awini yemanban, yi niindem aom kuu monmari ye inamen kumbedmo. Yi mongkodem kuu dabunindo ye bobkonombon areb, kwane yi ongbed birandimaib.

Yook 52:2

Eb ong kuu monmari yeman nuubnaan kamimaan. Ye kuu yukud ye arud kwane. Eb kuu birandi kerekmen yaambed dakmimaab kui.

Yook 71:24

Aronki doboob kuu eb yorokmo kamenabi kuu daandembaraniin, amborom kuu kaneyambed ne nenbandandamiibdan kuu karak kondene kerebkarab kerundoon kowe.

Matyu 5:16

Ibonmo kwamunene yiib amun kami kuu nambiri areb, kwangkon namborok nimakarub yaa. Yiib kwananiib kuu yi wedme yiib Ambe Ewen ari doreen yaa kubenib yaningko kankoonaniib.” andoon.

Yesu Ye Weng Amun Lukbed Wongkoon 4:22

Kwanandoone, nimakarub korem kuu kubenib, weng amun yeman dakmoon yaa binangkenib yedmiwen, “Kee Yosef ye danamo kii.” andiwen.

Yoon 1:37

Kee kwane Yoonbed yedmoona ye kedmengkandeendan ayoob kuu kwane Yesu ye yoman winiwen.

Romdan 14:19

Kwani kowe, kiwaan korem yaambed yena yoom yewenubmo dobiri ye kiwaan ongmem. Kwane, kiwaan korem yaambed yiib anam andi darewoob keri dowad marin marin ambib areb yenbenmo daanemoon areb kerem.

Romdan 15:2

Nub korem kuu nub dia doriibdan yaa amun amun kamende yi anam andi darewoob keri dowadbed kube awandem.

1 Korindan 14:19

Kumban kurikuri ambiwoom kuu, weng dukmen mana weng angkoyiib areb dakmaniine id kandaniib kuu inamen darewoob arimbed, weng maambed weng doboob doboob dakmaniine id kandaibban ye inamen arebban.

Efesusdan 4:12

Kuye dowad kuu God ye karuwa nimaya ben nekwane yena yaa awandi ye deme awini yeman. Kwaniwed, anam andidan Keresu ye id nub kuu arume daane

Efesusdan 4:16

nub kuu ye id areb kowe, ye yaambed dabokne mimyamo kere, id kumundin kuu kono yaa mekmeed ingkimaan areb kwane ingkanan wene awingkaane mimyob dowakenbed kaine daanaane, nub mimim kuu deme yeka yeka ambangkimaub kui.

Kolosedan 4:6

Yiib weng dakmi kuu korem kabamoon kondoon ye mimyob dowakeniib, amunmo karam ambod areb kerok. Kwananiib kuu nimakarub mimim korem yaa komarewa inandi yiibkaadkeraniib.

1 Tesalonaikadan 5:11

Kwanekob, yiibkareb man kube ongkane man kube ongkane kame aromnime, kibirebya kamiib kwane kamime.

1 Pita 2:12

Yiib kuu God yaa anam andindodan kuyaom doriib kuu miin amun dobirime. Kwananiib kuu yiib yaa ambarakmidan andaniib kumban yiib amun amun kami kuu wedmendekore Godbed mananeen yaron arimbed ye aningko kankoonaniib.

1 Pita 3:1

Kwani areb kuu nima yiib kwangkon yiibka kankubune yiib amered yi dabderem aom dobirime. Yiib amered kuu Yesu ye weng yaa anam andindo kumbed yiibbed inamen kee kamaniib kuu, yiib wengbedban, yiib dobiri amuniib yiib inamen karadmoyiib God yaningko kankooni ye inameniib wedmekoriwa yena kuu God yaa anam andaniib.

2 Pita 2:18

Kedi, yi mongkod daande kobkob weng kerengkan dakmimaib. Kwane, kibirebya anam ande ambarakmi yaa kirokmoniwendan kuu dudi ye kedmengkandi korok korok kembed birandande kamiib, id ye dowakeniib okad yiri ye nenem inameniib kuye kerekmen yaambed kii.