Efesusdan 4:18 - Yomgkom

¹⁸ Yi kaadkeri kuu kumunbed kebenoone Godbed kondoon ye wadkeri kuyaa daboknindo, amborom kuu yi niindem aom kuu kamkono keroon kumbed nonoon keriwen kowe.

Efesusdan 4:18 ပူးပေါင်းရင်းမြစ်များ

Yook 74:20

Eb amob weng nub dowad ongmewen kuyaa kuu meene ongme awine, amborom kuu okad keyaom kee bendom mirikni miriknimbon kuu yeremboromdaniib diiriwen kowe.

Matyu 13:15

amborom kuu kwamune keyedan kee yi niindem aom kamkono kerenib, yi wengambiri korondenib, yi indob korem imbune winiwen kowe. Kwanaibban kuu yi indobbed wedmenib, yi kerendembed wengamberenib, yi niindem aombed weng id kandenib, amonombiiwa, nembed ongmendaniin.’ kwane wongkoon.

Maak 3:5

Kwane, Yesu kuu yi niindem aom wabkad kara kuu yekaad kowe, norin wande miin kubiyiibban kerekore, kereknanabe karub dingki arewa yaa yedmoon, “Eb dingki yire.” andoone kwanoon. Kwanoone, ye dingki kuu kirodmo amunmo keroon.

Yoon 12:40

“Godbed yi indob kebendene, yi niindem aom ongmoone kamkono keroon. Kwanindo kuu yi indobbed wedmenib, yi niindem aom kaadkerenib amonombaniiwe, Godbed yi ongmenaba ande ongmaneen.” andoon.

Kwamiwen 17:30

Kurin anuk kuu God kuu dudanabi god kee ongmenabimaib yaa kuu wedmimaan kumban ukum kondimokban. Kumban kibikee yembed baande yedmimaan kuu ‘Korondime, amonombime.’ andimaan,

Kwamiwen 3:17

“Ee angkodmia! Ne nekaad, yiib yoom yiib korok korok yoom kuu angkuna koronkob Yesu yaa kwaniwen.

Romdan 1:28

Kwane, yimbed meeniwen kuu God yaa kaadkeruni kuu wunekarem andiwen kowe, yembed yikareb moranmi ye inamen yaa ben nongkoboon, komo komo inamen kuu awine kandi yemanban kuu awine kandiwen.

Romdan 11:25

Angkodmia, araben Yuudan kamkono ongmendoon kuye weng biknoon kuyaa yiib koron keri kuu ne dowakenban. Kowe yiib kuu kerengkan keraib andi dowad yiib yaa yedmandamaan ye weng kuu kei. Yuudan yena yi niindem aom kamkono ongmendoon kuu Yuudanban kinoon korem God yaa miniwedned.

Romdan 11:7

Komo keroon kuu kei. Israeldanbed yorokmo kerundi ye kiwaan yaa nindorokiibbed onmembere kerekniwen kuu akmindo keriwen, kumban Godbed kinoondan kuu kandiwen. Kwane, Israeldan yena kuu yi niindem aom kuu kamkono kerundoon.

Romdan 2:19

indob tutdan ben kangkadme kinban wini ye karub kereni, kumun aom doriibdan yaa nambiri keraan ande meeneneb,

1 Korindan 1:21

Kedi, God ye meeni kangdom aom kuu okad yiridan kuu yi meeni kangdom yaambed ye yaa yikaadkerunindo. Kowe, weng amun daandoone anam andiwendan kuu bobni yaa burudande bindi ye weng kuu okad yiridanbed weng inameniibban ande meeniwen kumbed Godbed kuboon.

1 Korindan 2:8

Kuye weng kuu okad kiri korok kere ooni ye karub kanembed ma id kandindo, amborom kuu id kandiwen karen Yariman nambiriyiib kuu at ming ari aye kinindo karen.

2 Korindan 3:14

Israeldan yi inamen meeni kuu kebenoon, amborom kuu anukbed mene kibikee kurin Moses ye amob weng kimingkimaib kuu kuye ebkad baradbed kebenimaane id awine kandimokban kowe. Kuye kebeni yeman kuu bongmindo, amborom kuu Keresu yaambedmo bongmaneen kowe.

2 Korindan 4:4

Kwane kuu awad arewa kibikee okad kiri dorone oonoonman kumbed anam andindodan yi meeni inamen kebengkoon. Kwanoonkob yi kuu God yoom miin ibmo ye karub Yesu Keresu ye weng amun nambiriyiib yuroon kuu wedminban.

Galasiadan 4:8

Yiib kuu anuk God yaa yiibkaadkerunindo kuu, yiib kuu dudi god yi dabderem yiri dobere yi dememo awinembirimaib.

Efesusdan 2:1

Kumban yiib kuu anukbed yiib wabkad inameniib ambarakmiyiib kumbed yiib kingkin kuu bobnoon.

Efesusdan 2:12

Meenime, anuk yiri kuu yiib kuu Keresu yaa daboknindo, Israeldan kerindeban, weng kunduk ye amob weng Abraham ye dowad ongmenaboon yaa kuu owoddan keriwen, yiib kuu Godbed nub dowad kwananeen ande meedmiyiibban, Godiibban okad kiri doriib kii.

Kolosedan 1:21

Anukbed yiib kuu God yaa ambabbed doberenib God ye bondan keriwen, amborom kuu yiib meeniyiib kamiyiib kuu arewamo kowe.

1 Tesalonaikadan 4:5

Kwane, God yaa anam andindodanbed yi niindem aom nenem inamen meenimaib kwane kamaib.

Hibrudan 5:2

Ye kuu kane kane nonoon kerenib kimyen weniibdan yaa kuu nangkemmo awandaneen kuu yimin, amborom kuu ye kangkon ye dobiri inamen awine kandi kuu aromkonomban kerimaan kowe.

Hibrudan 9:7

Kumban wadnari niindem aom kuu God dore Yuudan dore wedyiri dobiridan yi korok darewoob arimbed yembedmo awunimaan, kwane weeb mimoyaom kuu mimo kerimaan. Kwane umkaniibbed awunimaan, yeka ye ambarakmi dowadiib nimakarub amob yaa yi nonoon kumbed ambarakmiwen ye dowadiib kakman arok ande umkan engkeremabmo kiradme bunabimaan.

Yems 4:4

Yiib inamen God yaa kuu nenem wonong yu karuwiib kumban koronde karub yena yaa yarebimaun areb. Karub kanembed okad yiri ye inamen yaa kube daboknaneen kuu God yaa arud wandembaraneen kuu yiibkaadkerindokowoo? Anamaa, kane kanembed okad yiri ye inamen yaa kube daboknaniib kuu God ye bondan keraniib kii.

1 Pita 1:14

Arian yi weng wengambiri dana areb, yiib kuu anuk God yiibkaadbanbed dobiriwen ye inamen arewa kuye yoman ika wanaib.

1 Yoon 2:11

Ma, karub kanembed ye kuristen angkodmi yaa arud wandenembaraneen kuu, kumun yiri dorone kumun yiri kwane yareen kii. Kwani kowe, ye kuu yareen kuu ye koron, amborom kuu kumunbed ye indob kuu kebenenoon kowe.