Efesusdan 2:3 - Yomgkom

³ Anuk kuu nub korem kuu yi yoom ibmo doburuwen, nub kuu id ye dowaken ye moom yaambed mikmone doberemberenub kuye inameniib meeni dowakeniib ye yoman winimaub. Kuyaron kuu nub kuu okad kiridanmo kowe, nimakarub yena areb God ye norin aom wunuwen kii.

Efesusdan 2:3 ပူးပေါင်းရင်းမြစ်များ

Andowoon 5:3

Adam kuu weeb 130yiib doberekore, ye mingki Set kuu woonoon. Ye kuu Adam areb.

Andowoon 6:5

Kwane, Yariman wedmoonka nimakarub yi dobiriyiib inameniib korem kuu miin arewamo keroon kowe

Andowoon 8:21

Kwane, Yarimanbed kuyaa kuwekore yekareb yedmoon, “Amaan angkon okad kamune ne ika arewa kerundainban, kwane karubbed komo kamaniib yaa kui. Ne nekaad aron korem kuu nimakarub danambed wene aamkono yaa yi inamen kuu arewamo. Kumban, angkon nembed okad yiri wad doriibdan kuu angkon ika monmarainban, kibikee monmaraan kwamune.” andekore, ika yedmoon

Yook 51:5

Kedi, ne kuu woonaan yaambed ambarakmimain, kwane enambed ne nendeen yaron kuu ne kuu ambarakmi ye karub.

Maak 4:19

kumban, okad kiri doruub ye meenimo dobiriyiib, yiribman yemoon baan kowe God yaamban yiribman yaamo kubimo dobiriyiib, yiribman maa maa bi ye inameniib kumbed God ye weng amun dabuknandoon kowe, God ye weng amun kuu ye idiibban keriwen.

Yoon 1:13

Yi kuu God ye dana meed keriwen kuu ayowa ayowa dobere dobere miniwen yaambedban o ambimban yi dowaken yaambedban o karub ye dowaken yaambedban, kukuu God yaambed kui.

Yoon 8:44

Kwani kowe yiib kuu yiib ambe Seten ye meed kii, kwane yiib ambe kuye dowaken yaamo awine kanwenemberem ande kamimaib kii. Ye kuu andowoon yirimbed kumka kuman yenbandi ye karub. Ye kuu anam anam yaa awinindeban, amborom kuu ye niindem aom kuu anamiibban kowe. Kwane dudanabi kuu ye weng anam, amborom kuu ye kuu dudanabi ye karub, kwane ye kuu dudanabi korem kuye awodki kowe.

Kwamiwen 14:16

Kurin anuk kuu nimakarub korem kuu Godbed domondoona yika yi kiwaan onme dobiriwen.

Romdan 1:24

Kwana kowe, nimakarub kuu Godbed bendune yi id ye ambarakmi dowaken yaambed nenem ye inamen aom nongkoboon, karakiib arewa kai ongmenabi ye inamenbed nimayiib karuwiib yi id ben neman konoon konoon kami dowad.

Romdan 11:30

Anuk yiri kuu yiib kuu God yaa wabkad keriwendan. Kumban kibikee Yuudan wabkad keriwen kumbed yiib kuu God ye mimyob keende kakman are nonondandi kuu kandiwen.

Romdan 13:14

Kumban Yariman Yesu Keresumbed kan derenime. Kwane, id ye dowaken kuu ma awine kamaib, kuyaa meeni maa ongmaib.

Romdan 2:14

Yuudanban kuu Yuudan yi amob ma kandindo kumban, God ye amob ye kerekmen yaambed yikareb dobirimaib kuu yika yi amob ongmiwen.

Romdan 5:10

Kwane, nub kuu God ye bondan kuye aron kuyaa kuu, ye Mingki bobnoon yaambed nub kuu God yaa kunum keruwen kowe, inamen arimbed yeman kuu ye wadkeri yaambed nub kuu bobni yaa burudande bindaneen kii.

Romdan 5:9

Ye bobnoon kuye umkan kumbed nub kuu Godbed ben yorokmo kerundoon. Kwanoon kumbed inamen arimbed yeman kuu Yesu yaambed God ye norin arud kuu nub ben burudandaneen kii!

Romdan 6:12

Kwane kowe, yiib id kuu dukni yeman kowe, korondaiwe yiib id kuu ambarakmimbed oonendaana arewa ye inamen dowaken yaa wengambere awinaib.

Romdan 7:18

Ne nekaad, amun kuu ne aom kuu ma dorokban, ne id ye aromkono kuyaom kui. Ne kuu amun kami ye inamen dowakeniib kumban, ne kuu kwamune kaminban.

Romdan 9:22

Ma, Godbed ye arud darewoob ambarakmidan yaayiib ye aromkonoyiib korokbandameen kumban, arud darewoob kerundoondan monmari dowad nekwoon kuyaa kuu yodbirimban ema darewoobbed meedme doreen kii.

1 Korindan 4:7

Kedi, yiib kuu kanembed ongmendoonkob nimakarub yena arebban yeka mamaa keriwen? Yiib yaa komo barang angkeen kuu Godbed yiib yaa bangkandindo kumbed? Yiib kumkam korem kuu Godbed bangkandoone biwen kowe, komande yiib kuu nubkareb buwen ande kerengkan kamiib?

2 Korindan 7:1

Mimyob dowaken keendaandan, yiiwa nuwa kuu kuye weng kunduk buwen kowe, nub idiib kingkiniib yaa arewa kerundoka nub kuu God yaa arewa keri yeman korem kuyaa koronde inamen karadmo awinem. Kwanenub wene nub karadmo dobiri kuu demkoronmo kerem, God yaa une yaningko kankooni dowad.

Galasiadan 3:22

Kumban God Ye Weng Karadmo yedmoon kuu okad kiridan korem kuu ambarakmi ye wii aom ben kambungkoon. Kwanandoon kumbed weng kunduk kuu Yesu Keresu yaa anam andi yaambed kondi yeman kowe, kane kane anam andaniib kuu yi yaa weng kunduk kee kondaneen.

Efesusdan 2:2

Kuyaron kuu yiib kuu okad kiri ye inamen arewa yaayiib ambid wedya ye oonimbon ye korok Seteniib ye yoman wenenib dobirimaib. Kuye awad arewambed kibikee wabkaddan yaa yi korok keroon kui.

Efesusdan 4:22

Yiib kurin dobiriwen yaa ye dowad yiib yaa kedmengkandoon kuu, yiib id ye dowaken birandi yemanbed yiib inamen meeni korem kuu ben amonombe abdon kerimaan kuu, ebkad areb korem biandibko,

Kolosedan 1:21

Anukbed yiib kuu God yaa ambabbed doberenib God ye bondan keriwen, amborom kuu yiib meeniyiib kamiyiib kuu arewamo kowe.

1 Tesalonaikadan 4:13

Angkodmia, yiib kuu dukniwendan yaa komo keraneen kuu yiibkaadban areb keri kuu nub dowakenban. Nimakarub yenambed bobni yiri kuu ika dembaubban ande dakmenib kwane mimyob wandemberenib yuudimaib areb kwane keraib anduwed.

1 Tesalonaikadan 5:6

Kwane kowe, nub kuu yena unuk dangiwen areb keraub. Kuned nubkareb keenombere kangkadmem.

1 Timoti 6:9

Kwane, kane kanembed yiribman yemoon benamberem ande meenimaib kuu ambarakmaniib dee andi ye komboon yi yaa mananeene, inameniibban ye dowakeniib arud ye barang yaa dowaken keeniyiib baniib kumbed yi monmaraneen.

Taitus 3:3

Kurin anukbed doburuwen kuu nub kangkon inameniibban wabkaddan, nub kuu nemengkandoone nub id dowaken deme arewa yemoonbed nub yariman keriwen. Nub dobiri kuu karub ma ayem andi meenenub inwirine keenomboroon keenomboroon kamenub neman arud wandemboroon arud wandemboroon kamuwen.

1 Pita 1:14

Arian yi weng wengambiri dana areb, yiib kuu anuk God yiibkaadbanbed dobiriwen ye inamen arewa kuye yoman ika wanaib.

2 Pita 2:14

Yi inamen korem kuu nenem kami yaa kui. Kowe, yi ambarakmi yaa kuu deerewandinban kwane kamemborokmo. Kwane, yimbed God yaa dobiri aromkonoyiibbandan kuu nemengkande yikanmo yi kerekmen angka benminimaib. Kwane, yi kuu kiwaan korem yaambed barang yemoon be amukni ye inamen yikaaddan, yi kuu Godbed butun kerundoon ye dana kii!

2 Pita 2:18

Kedi, yi mongkod daande kobkob weng kerengkan dakmimaib. Kwane, kibirebya anam ande ambarakmi yaa kirokmoniwendan kuu dudi ye kedmengkandi korok korok kembed birandande kamiib, id ye dowakeniib okad yiri ye nenem inameniib kuye kerekmen yaambed kii.

1 Yoon 2:16

Kwane, idiib indowiib ye kirim inameniib kereng-kan wengiib, okad yiri ye inamen korem kui, yi kuu okad kirimbed menebeen, Ambe God yaambedban.

1 Yoon 2:8

Kumban weng keyiib kee yeweb areb keroon. Kukuu Yesuyiiwa yiiwiiwa yaambed anam id keroon, amborom kuu kumun kuu are weneene nambiri anam kuu ware weneen kowe.