Efesusdan 1:10 - Yomgkom

¹⁰ aron anam nanduune kwanoon. Kuye dowad kuu kumkam korem okad yiriyiib Ewen ariyiib korem kuu Keresu yembed korok kerok anded.

Efesusdan 1:10 ပူးပေါင်းရင်းမြစ်များ

Andowoon 49:10

Yuda yoom ye awoya yoom kuu Israeldan yi king keraniib. King yaromkono kuru awinekorib, king kere dobaraniiwe wene king anam kuu mananeen, kui. Ambibkin korem yi karub kuu ye yaa kube wengambaraniib.

Matyu 25:32

Ambibkin korem ye nimakarub korem kuu ye yaa ben menebaniiwe doraniib. Doraniiwe, yekareb andangkane yeka yeka kamaneen, sibi ooni ye karubbed sibi kuu andokbe yeka kere naningkod kuu yeka kere kamemoon areb keraneen kii.

Maak 1:15

“Amonombi yaron kuu muneen kii! Godbed nimakarub yaa korok kere ooni yaron kuu dia kereen kowe, ambarakmi yaa koronde amonombe weng amun yaa anam andime!” andimaan.

1 Korindan 10:11

Yi yaambed ke kamenaboon kee kuru kingkoon, kuye weng wongkoon kuu nub kaadkeri dowad. Amob minindo yaroniib amobbed oonoon yaroniib aron maa maayiib anam id keri yeman ku monoone wedmuwen kui.

1 Korindan 11:3

Kumban ne dowaken kuu yiib kuu meenime andid, karub korem yi korok kuu Keresu, kwane nima yi korok kuu yi karub, kwane Keresu ye korok kuu God kui.

Galasiadan 4:4

Kumban wene aron kowoon yaa kuu mene nanduuna, Godbed ye Mingki nenkowoona monoon. Ye kuu okad wonongbed woonuuna Moses ye amob dabderem yirimbed doboroon.

Efesusdan 1:22

Kwane, Godbed kumkam korem kuu ye yon dabderem yiri ben nongkobene korem yaa korok kere ooni ye dowad nenkowoon, anam andiwendan yi korok keri dowad.

Efesusdan 3:15

Ye aningko kuu ye dana meed korem okad yiriyiib Ewen ariyiib kuu kandiwen.

Efesusdan 3:2

Kedi, yiib wengambiriwen, yiib yaa God ye kabamoon kondoon ye mimyob dowaken kedmengkandi ye deme kawoon.

Kolosedan 1:16

Amborom kuu ye yaambed kumkam korem kuu ongmenaboon kowe. Kumkam korem, Ewen ariyiib okad yiriyiib, wedmuuwiib wedmokbaniib, korok korok yi ooni yaromkono o aromkono maa maa ye yumbon o yarian yi yumbon o korok korok deme ye aromkono ye yumbon kwamune awene kui, korem kuu ye yaambed ye dowad ongmenaboon.

Kolosedan 1:20

Kwane, Yesu yaambed God kuu yeka ye yaa kunum keri ye kiwaan ongmoon, okad yiriyiib Ewen ariyiib korem ongmenaboon yi dowad. Kiwaan ongmoon kuu bon dowan keri yeman, ye umkan at ming arimbed onduknoon yaambed ongmoon.

Kolosedan 3:11

Kuye dobiri kerekmen yaambed andokbe yeka yekayiibban, Gurikdan kuu yika Yuudan kuu yika kuyiibban, kad wandiwendan o kad wandindodan kuyiibban, ambibkin maadan kuu dobiri arewa andi yemanban o ambibkin maadan kuu inamen miin arewa andi yemanban, yena yi dabderem yiri dobere no deme awinembiridan o yika oone obonmo doriibdan kuyiibban kui. Kedi, Keresu kuu meeni darewoob arimbed, kwane ye kuu ye karuwa nimaya korem yi niindem aom doreen.

Hibrudan 1:2

Kumban kibik aron yeenbon kee, ye Dana Mingki yaambed nub yaa daandoon. Kwane, ye kuu Godbed kumkam korem yaa kangkoman keruni ye dowad kine kowoon. Kwanekore, ye yaambed Godbed kumkam korem kuu ongmenaboon.

Hibrudan 11:40

amborom kuu Godbed nub dowad inamen amun arimbed ongmoon kowe, yi kuu nub kuristendan yoom ibmo daboknaniib kumbed Godbed yiya nuwa ben demkoronmo ongmaneen.

Hibrudan 9:10

Amowamob kee animan ani yemaniib ok ani yemaniib kurikuri dowad dingki ogenabi yemaniib kumbedmo. Kukuu kad angka yemanmo, kuu awinime andoon kwane wene yeeb ongmi yaron keranuun.

1 Pita 1:20

Ye kuu okadiib kumkam koremiib ongmenaboon yaron anuk yirimbed Godbed kinoona, yeenbon yaron kemaom yiib dowad angkadere dian keroon.

Korokboon 5:9

Kwane, yimbed yook yeeb wingkiwen, “Eb kuu aningko darewoob ariyiib kumbed, beegod bedmiwen kuu kandeneb, at nunung karangkiwen daadmi kuu yimin, amborom kuu eene kowiiwe, ewumkanbed nimakarub kuu God ye dowad amoddewen kowe, kwanewen kuu amyenimbon mimim korem yaambed weng mimim korem yaambed ambibkin mimim korem yaambed kad mimim korem yaambed nimakarub amoddewen kii.