Andowoon 5:22 - Yomgkom

²² Kwanekore, Inok ye dana yenayiib ari wanaboon. Kuyaom doboroon kuu weeb 300iib God ye dowakeniib doboroon.

Andowoon 5:22 ပူးပေါင်းရင်းမြစ်များ

Andowoon 17:1

Abram ye weeb kuu 99iib keroone, Yarimanbed angkaderene yedmenoon, “Ne kuu Aromkono Darewoob Arimbed Ye God kowe, ne dowaken yaambed dobereneb eb yaa ambarakmoon kii ande kadwoniyiibban dobere.

Andowoon 24:40

Andaane, yembed man yedmoon kuu ‘God ye weng aron korem wengambaraan kowe, ye engyumbed yedin wene awabdaneene nambe aweneyiib yaa ne amyenimbon yaambed wonong benaneeb.

Andowoon 48:15

Kwane, Yosef yaa amun kerune yedmoon “Ne God kuu nawo Abraham yoom nambe Aisek yoombed wengambiriwen yi God. Ye kuu ne yaa kuu sibi oonidan areb oonewembirimameen ari mene kibikee ye God.

Andowoon 5:21

Inok kuu weeb 65iib doberekore, ye mingki Metusela kuu woonoon.

Andowoon 5:23

Ye weeb korem kuu 365iib doboroon

Andowoon 5:24

kuned Godbed nendoon, amborom kuu ye kuu God ye murubia ari amunmo doboroon ye karub kowe. Kwani kowe, korem wonoon, okad yiri dobirindo.

Andowoon 6:9

Kekee Noa ye weng. Noa yembedmo inamen yorokmo awine doboroon. Kuyaron dobiriwen ye nimakarub kuu yembedmo ambarakmiyiib kii ande dedmone daandiyiibban ye karub keroon. Noamo kuu God ye murubia ari amunmo doboroon ye karub.

Yook 116:9

Ne kuu wad dobiridan yi ambibkin aom doriin kuu Yariman ye arinambo ari amunmo dobiri ye kiwaan ari dodkanmo yarebaniin.

Yook 128:1

Yariman yaa unimaibdan korem kuu amun kerundoon, ye kiwaan ari weniibdan kui.

Yook 16:8

Ne kuu Yariman kuu barang darewoob ande meenimain. Ye kuu ne dingki wiwi angka doreen kowe, ne kuu kiringmaanban kangdommo keraniin.

Yook 26:11

Kumban ne kuu ambarakmoon kii ande kadwoniyiibban ye kerekmen yaambed doriin, kowe ne nen arud yaa burudande angka koweneb ne yaa mimyob keewe kakman are nonondande.

Yook 56:13

Amborom kuu ebbed ne nen bobni yaa burudande angka kowewen. Kwane ebbed ne yon kuu boknande kombaraan ande awawewen. Kwanewen kuu eb arinambo arimbed dodkanmo wonok andewed, wad doriibdan yaa yuroon ye nambiri aombed.

Yook 86:11

O Yariman, eb kara kedmengkawe. Kwananeeb kuu ne kuu eb anam anam yaambed dobaraniin. Ne niindem aom andokbiyiibban ye inamen kawe. Kwananeeb kuu ne kuu ewaningko yaa une bumangkaniin.

Yesu Ye Weng Amun Lukbed Wongkoon 1:6

Yi ayoob kuu God ye yorokmodan, God ye amob korem yaamo wengambere kwanimaib.

Kwamiwen 9:31

Kwane kuyaambed ari kuu, anam andiwendan korem Yudea ambibkin aomiib Galeli ambibkin aomiib Samaria ambibkin aomiib doriib kuu yewenubmo dobiriwen. Kwane, Kingkin Karadmombed awandene weng amuniib kube ongkandoona, Yariman yaamo une bumangki kiwaan yaambed dobiriwen kowe, yemoon kuu anam andenib yi yoom dabokniwen.

Romdan 8:1

Kwani kowe, yiib kuu kibikee Yesu Keresu yaambed doriib kuu wengyundi ye dabab ma kandaibban.

1 Korindan 7:17

Yiib mimim kuu okad yiri dobiri dowad yumbon Yariman Yesumbed nekwane bangkandoone Godbed baandoon yaambed dobirime. Amob weng kekee anam andiwendan korem yaa kondaan kii.

2 Korindan 6:16

Kwane, God ye kurikuri boyambib darewoobdan yoom dudi god yoom amob weng ongmiwenoo? Dowan! Kedi, wad doreen ye God ye kurikuri boyambib darewoob kuu nub kei. Kuye dowad Godbed Ye Weng aombed yedmoon, “Ne kuu yi yoom dobereni yi yoom ibonmo dewenebaniin. Kwane, ne kuu yi God keraniine, yi kuu ne karuwa nimaya keraniib.” andoon.

Efesusdan 5:15

Kwanekob, yiib dobiri yaa kuu korobe kaadkerime, meeni kangdom kerindodan areb keraib, meeni kangdomdan areb kerenib,

Kolosedan 1:10

Kwanikob, Yariman Yesu yaningko kankooni ye kerekmen yaambed dobirime andi ye dowad kwane kurikuri kamuub. Yiib kuu kwane dobaraniib kuu yiib yaa kubi darewoob kamendaneen. Kuye aningko kankooni kiwaan yena kuu, deme amunmo korem awinaniib kumbed yowiib iriyiib, God yaa kaadkeri yaambed kaine amniyiib,

Kolosedan 4:5

Aron denekmen angkimboroka ma korondiyiibban kumbed yiibbed inamen kangdommo ye kerekmen yaambed bunangka doriibdan yaa kamime.

1 Tesalonaikadan 2:12

Kube ongkandiyiib kangkudere amukniyiib kame Godbed kubaneen ye kiwaan yaambed kamime ande dakmenabuwen. Ye kuu “Ne oonimbon aom minime, ne nambiri kandime.” ande yiib yaa baandimaan ye God kii.

1 Tesalonaikadan 4:1

Weng yeenbon kei, angkodmia, Godbed yiib yaa kubendaneen ye kiwaan ari dobirime ye weng kuu kedmengkanduwen. Anamaa, yiib kuu kwamunemo doriib. Kibikee Yariman Yesu yaningko yaambed nangkande yedmuub kuu inamen kee darewoob keroka kwane kamembirime,

1 Yoon 1:7

Kumban, ye kuu nambiri aom doberembirimaan kowe, nub kangkon nambiri ye kiwaan ari wana-nuub kuu manman ibmo yone dabok-nanuuwe, ye Mingki Yesu ye umkanbed nub ambarakmi korem yaa kuu ogawande araneen.