Andowoon 49:24 - Yomgkom

²⁴ kumban ye anangkab kuu korobe dedmene, ye dingki kuu korobe aromnoon, amborom kuu Yekob ye Aromkono Korem Ye God, aningko maa kuu Israeldan yi Ooni Ye God, aningko maa kuu Israeldan Yi Kombe Ye God kumbed ye aromkonombed awanembirimameen kowe.

Andowoon 49:24 ပူးပေါင်းရင်းမြစ်များ

Andowoon 45:11

Nembed eb dowad kuu oonaniin, amborom kuu weeb angkoyiib kuu animaniibban keraneen kowe. Kwananeeb kuu eb yoom eb ambiwoom doriibdan eb awene yoom eb deme karub yoom eb dingkan yoom, yiib korem kuu mungi bobnenib duknaibban.’ ande yedmime.” andoon.

Andowoon 45:5

Kowe, yiib kuu ne mooniwen kwande meenenib yiibkareb norin keraib angkon unaib, amborom kuu duknaubban, Godbed nedin keyaa nenmonoon kowe.

Andowoon 45:7

Kumban Godbed yiib yaa kuu nedin nenmonoone, dabab darewoob yaambed yiib kuu benmene awandanded, amborom kuu yiib yoom yiib awoya yoom korem duknaniib kuu God ye dowakenban kowe. Kwanikob, yiib kuu dukni miin arewa yeman koronde kombiri benmonoon kii.

Andowoon 47:12

Kwaniiwa, Yosefbed ye aagoroka yi meed korem kimingkoon kowe, yi korem yaa animan yiminmo bangkandimaan.

Andowoon 48:15

Kwane, Yosef yaa amun kerune yedmoon “Ne God kuu nawo Abraham yoom nambe Aisek yoombed wengambiriwen yi God. Ye kuu ne yaa kuu sibi oonidan areb oonewembirimameen ari mene kibikee ye God.

Andowoon 49:23

Ye bondanbed arudiib ayenmo menenib, ye yaa anangkabbed ana baradmiwen,

Andowoon 50:21

Kwana kowe, yiib ne yaa unaib. Nembed yiib yoom yiib dana yoom yaa korobe oonaniin.” andoon. Kwanandoone, yi uni kuu dowan keroona dobiriwen.

Yook 118:22

Bot kuu boyambib yenbidanbed kankorariwen kuu, ambib kumundin amun yenbi ye dongka bot keroon.

Yook 132:1

O Yariman, Dewid kuu ika meene. Yobdood wedmenaboon korem kuu ika meene.

Yook 132:2

Yembed Yariman yaa weng kunduk yedme kowoon, Yekob ye God Aromkonomo kuyaa wiim aangke yedmoon kui.

Yook 132:5

wene Yariman ye ambib arumi yumbon baamonekorid yimin keraneen, Yekob ye God Aromkonomo ye dobirimbon kui.

Yook 18:1

O Yariman, eb kuu ne aromkono, eb yaa mimyob dowaken keebdaan.

Yook 18:30

Ma, God kee ye kiwaan kuu demkoronmo, Yariman ye weng kuu karadmo. Kane kane kuu ye kukbimaanbon aombed dobirimaib kuu, ye kuu yi kombe keroon.

Yook 23:1

Yariman kuu ne nen dorondare oonimaan ye karub kowe, ne yaa komo dowan keroon kuu yembed nekwawimaan.

Yook 27:14

Yariman yaa meedme dobirime. Aromne arudnime, kwane Yariman yaa meedme dobirime.

Yook 28:8

Yariman kuu ye karuwa nimaya yi aromkono, kwane ye kuu yembed kinoon ye karub ye dowad aromne dorondandi ye karub.

Yook 44:7

Anam kuu ebbed nub bondan yaa nangbe burudandi yaromkono kondimaab, kwane ebbed nub yaa manmo keriwendan yaa karak kondimaab.

Yook 73:23

Kuned ne kuu eb yoommo doberembirimain, kwane ebbed ne kuu ne dingki wiwi angkambed awinewe yarimaab.

Yook 80:1

O Israeldan Oonimaabman, nub wengamberende. Yosef ye awoya ari kuu sibi oonemoon areb ben kinban winimaabman, engyus burawiib yi kidangkambed king ye dibere oonimbon ari diberewenman kui, eb kuu yure.

Yook 89:1

Ne kuu Yariman ye womoniyiibban ye mimyob dowaken ye dowad aron korem yook wingkaniin, kwane eb ma korondiyiibban eweng awini ye kerekmen kuu nimakarub yaro dobere dobere yaro wananiib korem aom ne mongkodkonombed kedmengkandaniine yikaadkeraniib.

Matyu 21:42

Kwanandiiwe, Yesumbed yi yaa yedmoon, “Yiib kuu God Ye Weng Karadmo kee ma kimingkindokowoo? ‘Bot kuu boyambib yenbidanbed kankorariwen kuu, ambib kumundin amun yenbi ye dongka bot keroon. Kukuu Yarimanbed kwane ongmoon kedi! Nub indob ari kee wedmuwen kowe, kubi darewoob keruwen kii!’ kwane wongkoon.

Maak 12:10

Yiib kuu God Ye Weng Karadmo kee ma kimingkiwenoo? ‘Boyambib yenbimaibdanbed bot kankaariwen kuu ambib kumundin amun yenbi ye dongka bot keroon.’ andoon.

Yesu Ye Weng Amun Lukbed Wongkoon 20:17

Kumban Yesumbed yi yaa keendomberene kaamondoon, “Kwani kowe, God Ye Weng wongkoon kee, ‘Boyambib yengbimaibdanbed bot kankaariwen kuu ambib kumundin amun yenbi ye dongka bot keroon kii.’ andoon kuye weng id kuu kuna?

Kwamiwen 4:11

“Yesu kuu kekei. ‘Ambib yengbimaibdan, yiibbed bot kankaariwen kuu, ambib kumundin amun yenbi ye dongka bot keroon.’ kwane wongkoon.

Romdan 14:4

Yiib kanekob karub maa ye dememan yaa kuu wengyundandamiib? Kuye karub kuu yeka yarimanbed yiminmo doberewen o yiminban komberewen andi yeman. Kwane, ye kuu yiminmo dobaraneen, amborom kuu Yariman Yesumbed yiminmo ongmaneene kwane dobaraneen kowe.

Efesusdan 2:20

Kwane, God ye karuwa nimaya kuu ambib areb ongmoon. Yi dodkono kuu apasodaniib profesidaniib kui. Yi ambib kumundin amun yenbi ye dongka bot kuu Yesu Keresu, yembedmo.

Kolosedan 1:11

anam andi yaa erekmab anam ande doberembiri darewoowiib, yodbirimban iwarimbed doberembiri darewoowiib, kwamune bime andi ye dowad God ye aromkono nambiriyiib, ye kerekmen yaambed aromkono korembed aromniyiib, Ambe God yaa kubimo eso andiyiib, kui. Kuye God kuu nambirimo ye oonimbon aom ye karadmodan yi yumbon kuu yiiwiib ibmo dobiri dowad yiib yaa yiminmo kerundoon.

2 Timoti 4:17

Kuned kuu Yariman kuu ne yoman nangkurom dorone aromkono kawoone ye weng daandaan. Kowe, ne yaambed God ye weng amun kuu yiminmo dakme korokbendako Yuudanban korem wengambaraniib kerok. Kwane, ne kuu laiyon ye mongkodkono yaambed nenwonoon.