Andowoon 29:31 - Yomgkom

³¹ Kuu ye weeb ediib kuyaombed, Yariman Godbed wedmoone Lea yaa kuu Yekob ye dowakenban keroon kowe, Godbed yu dana wooni ye kiwaan nandoon, kumban Reksel kuu kurong kereen.

Andowoon 29:31 ပူးပေါင်းရင်းမြစ်များ

Andowoon 11:30

Serai kuu kurong kowe yu dana kuu woonindo.

Andowoon 16:1

Abram ye wonong Serai kuu kurong kowe, yu deme no awinembiri ye Idyip wonong yu aningko Hagar konandameen kuu meeneen.

Andowoon 20:18

amborom kuu Abimelekbed Sera nendoone yi kuu oyoomiib kerindeban, Yariman Godbed kebendoon kowe.

Andowoon 25:21

Rebeka kuu kurong kowe, Aisekbed yu dowad Yariman yaa kurikuri keroon. Kwanoone, Yarimanbed inandoon kowe Rebeka oyoomiib kereen.

Andowoon 27:41

Andoone, kwane Isau ye niindem aom kuu norin ye inamen mene doreen, Yekob yaa, amborom kuu Aisekbed amun kerunoon kowe. Yekareb yedmoon “Nambe bobni aron kuu dia kereen. Bobaneene mimyob koweni yaron dowan keraneen kuu ne daman Yekob kuu ayaniine bobnaneen.” andoon.

Andowoon 29:30

Reksel konoone, Yekob kuu yu yoom dangiwen. Ye kuu Reksel yaamo dowaken darewoob kerundekore, Lea kuu dowakenban kerundoon. Kwanekore, angkon weeb ediib Leban ye deme ambangkoon.

Andowoon 29:32

Lea kuu oyoomiib kerekoru, dana mingki wooneen. Woonekoru, yumbed yedmeen “Yariman Godbed ne yaa dabab kandaan kuu wedmewoon kowe, anam ne ambimbed ne yaa dowaken keraneen.” andekoru, dana yaningko Ruben ande koween.

Andowoon 30:22

Kwane, Godbed Reksel yaa ika meenendekore, yembed dana wooni ye kiwaan nandoon.

Andowoon 35:23

Leambed yu karub dana wanabeen kuu kei, Ruben yoom Simeon yoom Livai yoom Yuda yoom Isekar yoom Sebulun yoom kui. Ruben kuu Yekob ye wonob dana.

Yook 127:3

Dana kuu Yariman ye kubi koni yeman, yi kuu kakman amun yembed kondimaan yeman.

Matyu 10:37

“Kanembed awodki o awaan yaa mimyob dowaken darewoob kerene ne yaa mimyob dowaken kowi burudandaneen keraneen kuu, ne karub andainban. Kanembed dana mingki o mungkan yaa mimyob dowaken kowi darewoob kerene ne yaa mimyob dowaken kowi burudandaneen keraneen kuu, ne karub andainban.

Matyu 6:24

“Karub mimo kumbed yariman maa ye deme kumundin awine yariman maa ye deme kumundin awine kamindeban. No ma koronde kongenekore, korondene maamo kube kone amun amunmo kamaneen. Yiib kuu God kuu yiib yariman kerene angkon od kuu yiib yariman kerene kamindeban.

Yesu Ye Weng Amun Lukbed Wongkoon 1:7

Kumban Elisabet kuu kurong kowe, danayiibban kere yi ayoob kuu kiomniwen.

Yesu Ye Weng Amun Lukbed Wongkoon 14:26

“Kanembed yambeya enaya ye wononga danaya yambanga oniya ye wadkeriya yaa mimyob kankubunindo keraneen kuu ne kedmengkandi ye karub kerindeban.

Yoon 12:25

Karub kanembed ye okad yiri doreen ye wadkeri dowadmo kube meenaneen kuu ye wadkeri kuu kombere biknaneen, kumban karub kanembed okad kiri ye kiwaan yaa bon keraneen kuu ye wadkeri kuu biknaanban, amonombe wadkeri anam keraneen.

Kwamiwen 7:8

“Kwane Godbed wekono kad wanabi ye amob Abraham yaa konoon. Konoone, amaan Abraham ye dana mingki Aisek wooneen. Wooneen kuu aron kaning kaningiib dowan keruuna, amowiib kowe wekono kad nariwen. Kwane amaan Aisekbed ye dana mingki Yekob yaa kad wandi ye amob kwanoon. Yekob kuu ye karub dana meed wad ayoowiib yaa kad wandi ye amob kwanoon. Yi kuu nub amyenimbon wad ayoowiib yi ambokab keriwen.