Andowoon 28:15 - Yomgkom

¹⁵ Kedi, ne kuu eb yaa dore awabdimain kowe, ebbed kuna yaa wananeeb kuu keebdombereni, angkon nembed eb kuu okad keyaom ika nenmananiin. Ne kuu eb yaa domobdainban, nembed eb yaa komo yedme kowaan kuu kwananiin.” andoon.

Andowoon 28:15 ပူးပေါင်းရင်းမြစ်များ

Andowoon 21:20

God kuu dana yaa oonenoone kainoon. Kaine, amiibban koknoon ambibkin yaningko Paran yaa doboroon. Dobere, anambed dingkan yenbandi ye karub keroon.

Andowoon 26:24

Wonoone, kuye amnoom aombed Yariman God kuu angkaderene ye yaa yedmenoon “Ne kuu eb ambe Abraham ye God. Eb unaab, amborom kuu ne kuu eb yaa dore awabdimain kowe. Kwani kowe, nembed eb yaa amun kerubdeni, eb awoya yemoon kabdaniin, amborom kuu ne deme karub Abraham yaa ne weng kunduk kowaan kowe.” andoon.

Andowoon 26:3

Ambibkin keyaom doberebko, ne kuu eb yoom doberenub amun kerubda. Nembed eb yoom eb awoya yoom yaa keye ambibkin korem wedmeeb kee kondaniin, ne amob eb ambe Abraham yaa ongme kowaan kuu eb yaa kangkon kowaniin.

Andowoon 30:25

Kwane, Reksel kuu Yosef wooneen ye yondem kuu Yekobbed Leban yaa yedmoon “Ne kuu domowebko, nambibkin yaa wana.

Andowoon 31:13

Ne kuu God, Betel yaambed wane angkarene wengabdaane ebbed bot doboob numone kowekore, oil bune amob ongmewen ne yaa kii. Kibireb yaa eb yiribman korem nekwekoreb, ambibkin kee koronde eb wooneen ye okad yaa ika wene.’ andoon, kiyuum angkambed ne yaa.” andoon.

Andowoon 31:3

Kwane Godbed Yekob yaa yedmenoon “Eb ambeya yi okad yaa angkon eb karubkim yaa ika wene. Ne kuu eb yaa dore awabdaniin.” andoon.

Andowoon 31:5

Miniiwa, yembed yi yaa daandoon “Ne nekaadkeraan, yiib ambe kuu ne yaa kubiyiibban keroon anukbed ne yaa kamimaan arebban. Kumban nambe ye God kuu ne yaa awawe doreen.

Andowoon 32:9

Kwamune, Yekob kurikuri kere yedmoon “Oo nawo Abraham ye God, nambe Aisek ye God! Yariman oo! Ebbed yedmewewen ‘Ika eb ambibkiniib eb ena ambeyiib eb karubkimiib yaa wene. Eb yaa oone amun amun kamaniin.’ andewen.

Andowoon 35:3

Kwane minime. Minibko, nub korem Betel ari wenem. Wene kwarimbed God yaa nembed botbed dingkan agedmo keri yeman wuubaniin. Yembed ne dabab kandimain yaa awawembirimaan, angkon kuna yaa yarebimain yaa yembed dore awawembirimaan kowe.” andoon.

Andowoon 39:2

kowe, ye korok Idyipman yambiwoom doboroon. Yariman God kuu Yosef yaa dore awanimaan kowe, komo komo kamoon kuu amunmo keroon.

Andowoon 39:21

Yariman Godbed amun kerune dore awanimaan kowe, wii yariman kuu Yosef yaa amun amun kamenekore,

Andowoon 46:4

Idyip yiri wananeeb kuu oonebdaniin, angkon eb awene ika be mananiin. Angkon bobnaneewe, Yosef yembedmo eb indob kebenekore mangkaneen kii.” andoon.

Andowoon 48:16

Ye kuu Engyu areb arud ye barang korem yaambed ne yaa awawimaan ye God. Kewed ayoob keya amun kerundok. Godbed awandoko nawo Abrahamiib nambe Aisekiib neyiib nub aningko areb aningko darewoob kerime. Kwane yi awoya yemoon kerok.” andoon.

Andowoon 48:21

Kwanekore, Israelbed Yosef yaa yedmoon “Ne kuu bobnandamiin kumban, God kuu eb yaa dore awabdimamaneen kowe, yembed eb kuu eb ambeya yi okad kari ika nenwananeen.

Yook 46:11

Ana nangmidan yemoon ye Yariman kuu nuwiib yaa doreen, Yekob ye God kuu nub dorondandi ye karub. Selah

Yook 46:7

Ana nangmidan yemoon ye Yariman kuu nuwiib doreen, Yekob ye God kuu nub dorondandi ye karub. Selah

Yook 91:11

Amborom kuu Godbed ye engyus eb dowad ben yuraneena eb kuna kuna wini ye dowad kerebdombere oonaniib kowe.

Matyu 18:20

Kwane, yiib ayoob o ayoobmim doberenib naningko yaambed kowenib weng kan mimo keraniib kuu, ne kangkon yi yaa dabokne dobaraniin.” andoon.

Matyu 24:35

Ambidiib okadiib kuu dowan keranuun kumban, ne weng kuu dowan keraanban, aron korem korem angkimbaraneen.

Matyu 28:20

Kwane, nembed yiib yaa kwamime ye weng komo komo kedmengkande kondaan ye weng korem kuu yi yaa awinime ande kedmengkandime. Kedi, anam anam kuu ne kuu aron korem yiib kuu domondainban kwane doberembaraniinkob, kwane wene okad miin yimin wandanuun kii.” andoon.

1 Timoti 4:8

Kedi, id aromkono keri ye deme kuu amun kumban, ebka ebmeren God ye dowaken yaambed dobiri keembed kuyaa kuu burudande barang darewoob yeman keroon kii. Kukuu meeni korem ye awandi yeman, okad yiri dobiriyiib Ewen ari dobiriyiib yaa kuu.

Kerek Judbed Wongkoon 1:1

Jud nembed kei, Yesu Keresu ye deme karub, Yems ye daman kui. Ambe Godbed kinene mimyob dowaken keendene Yesu Keresu yaambed oonoondan, yiib yaa wongkani keendaan kii.