Andowoon 26:2 - Yomgkom

² Wonoone, Yarimanbed angkaderene Aisek yaa yedmoon, “Idyip yiri wanaab. Nembed kunaya dobere ande yedmebdako kuyaombed dobere.

Andowoon 26:2 ပူးပေါင်းရင်းမြစ်များ

Andowoon 12:1

Kwane, Yarimanbed Abram yaa yedmenoon, “Ewambe yokadiib eb karubkimiib eb ambibkiniib domondekorewa, nembed ambibkin maa korokbebdaniin yaa wene.

Andowoon 12:7

Doboroone, Yarimanbed wadbare angkaderene Abram yaa yedmenoon, “Ambibkin kee eb yob yaa kondaniin.” andoon. Kwanandoona, Abrambed bot wuuboon, Yarimanbed ne yaa angkadoroon kii ande korokbi yeman. (Abram yoom ye yoom winiwendan yoom kuu Keenan ambibkin aom dewinimaib, ye dingkan kab kuu kereek yemoon animaib kowe. Yi kuu ambib anam yenbenabindo, dingkan kadbed ongmiwen ye ambib kombon aombed dangimo kamen yariwen. Kwane, bidambib maa yaa wanande kaimaib kuu yi ambib kombon yeman kuu bedmenabe be kemo yi angkurom ari nongkobekorib bewinimaib.) (Yi kuu animan kab ma kibingkindo, dingkanmo bangkanandiwen. Yi dingkan yena kuu animaib, yena kuu ari berengkimaib, karub yena yi berengke yeen ani dowad. Kuye od kuu Abram ye nimakarub yoom kuu karub yena yaambed yongbon animan berengkimamiwen. Wiid yob kangkon berengkekorib flawa ongmenib bred nengkimamiwen.)

Andowoon 17:1

Abram ye weeb kuu 99iib keroone, Yarimanbed angkaderene yedmenoon, “Ne kuu Aromkono Darewoob Arimbed Ye God kowe, ne dowaken yaambed dobereneb eb yaa ambarakmoon kii ande kadwoniyiibban dobere.

Andowoon 17:19

Andoone, Godbed Abraham yaa yedmoon “Yii. Eb wonong Sera kuu karub dana woonanuun kuu yaningko Aisek ande. Ne weng kunduk kee ye yoom ye awoya yoom yaa kondaniin.

Andowoon 18:1

Kuyaron kuu Abraham kuu Mamre ye at kubun keedbon dia ambib kombon yenbe doboroon. Kwane, aronkobbed Abraham kuu ye ambib kombon kiwaan ari diboroone Yarimanbed mene angkadoroon.

Andowoon 26:24

Wonoone, kuye amnoom aombed Yariman God kuu angkaderene ye yaa yedmenoon “Ne kuu eb ambe Abraham ye God. Eb unaab, amborom kuu ne kuu eb yaa dore awabdimain kowe. Kwani kowe, nembed eb yaa amun kerubdeni, eb awoya yemoon kabdaniin, amborom kuu ne deme karub Abraham yaa ne weng kunduk kowaan kowe.” andoon.

Yook 25:12

Yariman yaa une bumangkimaibdan, yi kuu kane kane? Yi kuu kedmengkandaneene kiwaan kinoon arimo wananiib.

Yook 37:3

Yariman yaa angkumone doberenib amun amun kamenabime, kwane okad kirikee doberenib korondiyiibban ye weng awinime.