Andowoon 2:17 - Yomgkom

¹⁷ kumban arewa o amun inamen kaadkeri ye ayob kuu anaab, kuu amob kowe. Ananeeb kuu anam bobnaneeb kowe.” andoon.

Andowoon 2:17 ပူးပေါင်းရင်းမြစ်များ

Andowoon 2:9

Kwane, Yariman Godbed at amun maa maayiib dembok andoone daare wonoon kuu, at ani yemaniib wedme kubi yemaniib kui. Yongbon kidangka kuyaom kuu at ayoob demboon. At mimo kuu wadkeri ye at. At mamaa kuu arewa o amun inamen kaadkeri ye at.

Andowoon 20:7

Kwani kowe, kibireb kee ebbed wonong kuu domondene, yu karub yaa. Ye kuu ne weng dakmi ye karub kowe, yembed eb yaa kurikuri keraneene bobnaabban. Kumban, angkon ika konokban keraneeb kuu nembed yedmebdaan kuu eb yoom eb nimakarub yoom duknaniib.” andoon.

Andowoon 3:11

Andoone, Godbed kaamonoon, “Kanembed yedmebdoonkob ebkadiibban idmo doreeb? Ayob amob kowaan kuu anewenoo?” andoon.

Andowoon 3:17

Kwanandekore, yembed Adam yaa yedmenoon, “Eb wonong yu weng wengamberekoreb anaib ande amob kowaan ye ayob kuu anewen kowe, okad kuu butun kande arewa keruun kii. Kwani kowe, ebkareb yongbon deme kuu yobdoodmo ambangkaneb ananeeb, kibikbed wene eb bobni yaron keranuun.

Andowoon 3:19

Ebkareb deme ambangke nimin kandenewe animan ananeeb. Eb kuu okadbed ongmaan kowe, bobnaneeb kuu okad keraneeb. Amborom kuu eb kuu ingkudmo kowe, bobnaneeb kuu ingkud ika keraneeb.” andoon.

Romdan 1:32

Yi kuu God ye yorokmo amob aombed yedmoon karub kaneya yi kwamune dobaraniib kuu Godbed dukni dowad kinaneen andoon yikaadkeriwen kumban, yi kuu keye inamen abdon kee awine kande doriib. Kuyaambedmomban, kane kanembed yi kangkon kwamune kamiib wedmendimaib kuu kube angkodmendenib karub amun andimaib.

Romdan 6:16

Yiib kuu karub kane ye dabderem yiri dobere no deme awinembiridan kere ye wengmo wengambere awini dowad yiibka konaniib kuu, ye wengmo wengambere awinimaib kumbed ye kuu yiib korok keraneene ye dabderem yiri dobere no deme awinembiridan keraniib kuu yiibkaadkerindokowoo? Yiib kuu ambarakmi ye dabderem yiri dobere ambarakmi ye dememo awinembiridan keraniib kuyiib kuu nenwene bobni ari nongkobaneen. Kwane, yiib kuu God ye weng wengambere awini ye dabderem yiri dobere no deme awinembiridan keraniib kuyiib kuu nenwene yorokmo kerundi ari nongkobaneen.

Romdan 6:23

Kedi, ambarakmi ye deme ye kakman kuu bobni, kumban God ye munob kondi yeman kuu wadkeri aron korem, nub Yariman Yesu Keresu yaambed.

Romdan 8:2

Amborom kuu Yesu Keresu yaambed aron korem ye wadkeri kondi ye Kingkin ye amobbed ambarakmiyiib bobniyiibbed nub oonendi yaa kuu yiib ben obon kerundoon kowe.

1 Korindan 15:22

Kedi, Adam yaambed nimakarub korem dukni yeman keriwen kwamune areb kuu, Keresu yaambed nimakarub korem wadkeri kandi yeman keraniib.

1 Korindan 15:56

Bobnimbed yewed kondi yaromkono kuu ambarakmi yaambed monoon. Kwane, ambarakmimbed burudande dori yaromkono kuu God ye amob domabangki kuyaambed monoon.

Galasiadan 3:10

Kane kane Moses ye amob yaambed awine angkumone doriibdan korem kuu arewa kerundi ye dabab aombed doriib, amborom kuu kekamune God Ye Weng aombed wongkoon, “Kane kane amob buk aom wongkoon ye weng mimim korem awine kande doberembaraibban kuu arewa kerundi ye dabab kandaneen.” andoon kowe.

Efesusdan 5:14

amborom kuu nambiri kuu ben dian keri yeman kowe. Kwanekob, ke kwamune yedmoon kei, “O unukudbob, dembe, bobnewen yiri kuu dembebko, Keresumbed eb niindem aom nambiri yurok.” andoon.

Kolosedan 2:13

Kwane, anukbed yiib ambarakmi kuyiib yiib id ye dowakenbed yiib oonoon kuyiib yaambed yiib kuu duknemoon areb dobiriwen. Kuyaron kuu Godbed Keresu kwamune areb yiib kuu ongmoone wadkeriwen. Godbed ambarakmi ye kakman kondi ye weng wongkooniib Moses yoom amob ongmooniib kuu nub yaa manmo keroon. Kumban kuye weng kuu Godbed benwene at ming arimbed bakumbed kaare kinoon kumbed, nub ambarakmi korem kuu are nonondandoon.

1 Timoti 5:6

Kumban wonong irib yena kuu yi kad ye inamen yaamo ambangkimaib kowe, wad doriib kumban yi kingkin kuu bobnemoon areb keroon.

Yems 1:15

Kwane, meeni dowaken kee wanabemoon areb keranuun kuu yu dana kuu ambarakmi. Ambarakmi kaine amnaneen kuu bobni keraneen.

1 Yoon 5:16

Yesu yaa anam andoonman mamaa kuu ye kingkin bobnaanban ye ambarakmi ma ambarakmaneen kuu, ye kuristen angkodmimbed wed-menaneen kuu yangkodmi kumbed kurikuri kerunok. Kwananeen kuu ambarakmoonman yaa Godbed wad-keri konaneen. Kingkin bobnaanban ye ambarakmi ye dowad kwane dakmaan. Kingkin bobnaneen ye ambarakmi angkeen. Kuye ambarakmi ye dowad kuu kurikuri kerunok ande nembed daandindo.

Korokboon 2:11

“Kanembed kerendemiib keroka, Kingkin Karadmombed anam andiwendan yaa weng ke dakmeen kee wengamborok. Kanembed arewa menebaneen yaa ninabone burudandaneen kuu angkon anam andindodan yi kingkin bobni yeman kuu ye yaa ma dedmonaanban.

Korokboon 20:14

Kwane, bobniyiib yoworiwenboniib kuu amot denembiri ye bowan yiri kiradmoon. Amot denembiri ye bowan kuu bobni ayoob andi yeman kui.

Korokboon 20:6

Kane kane ibduruk arimbed ika dembaniib kuu karadmo amun kerundaneen. Kwane, ika bobni yaromkonombed yi ma yenbandaane duknaibban. Angkon yi kuu God yoom Keresu yoom dore nimakarub dore wedyiri dobiridan kerenib ye yoom korok korok kere weeb 1,000iib oone dobaraniib.

Korokboon 21:8

Kumban undeekdaniib anam andindodaniib komyeng kamenabidaniib kumka kuman yenbandidaniib nenem kamenabidaniib waruk komobdaniib dudi god yi kuruwak yaa bumangkimaibdaniib dudanabidan koremiib yi dobirimbon kuu bot sulfaambed amot denembiri ye bowan yiri. Kekee bobni ayoob andi yeman kui.” andoon.