Andowoon 17:16 - Yomgkom

¹⁶ Yu yaa amun kerundaniin, angkon eb yaa yu yaambed dana mingki kabdaniine, yu kuu ambibkin yemoon yi awoya keranuun. Angkon, yu awoya yena kuu king keraniib.” andoon.

Andowoon 17:16 ပူးပေါင်းရင်းမြစ်များ

Andowoon 1:28

Yi yaa kuu amun kerunde yedmoon, “Dana yemoon woongkanabime. Okad yimin yimin yaa muubnime. Okad kumundin yaa oonime. Dingkan korem kuu yariman kerime, ok yiri ooniib ayari oniib dingkan korem bid ari yarebimaiwiib kui.” andoon.

Andowoon 12:2

Kwane, nembed eb awoya yemoon bangkabdaniina ambibkin yeweb kere yemoon kai keraniib. Kwane, amun kerubdaniin. Kwane, ongmaniina eb aningko kuu darewoob keraneen. Kwani kowe, eb yaambed yena kuu amun kerundaneen.

Andowoon 15:4

Kwanandoone, Yarimanbed yedmenoon, “Eb deme karub kuu eb yumboniib yiribmaniib baanban. Eb bobnaneeb kuu eb dana mingki eb umkan anam kumbed eb yumboniib yiribmaniib kuu baneen.” andoon.

Andowoon 17:15

Andekore, angkon ika yedmoon “Eb wonong yu aningko Serai kuu koronde, kumban aningko yeeb Sera ande.

Andowoon 17:19

Andoone, Godbed Abraham yaa yedmoon “Yii. Eb wonong Sera kuu karub dana woonanuun kuu yaningko Aisek ande. Ne weng kunduk kee ye yoom ye awoya yoom yaa kondaniin.

Andowoon 17:6

Eb awoya yemoon bangkabdaniin. Eb awoya kuu yemoon kerenib andokbe ambibkin yena keraniib. Eb awoya yena kuu king keraniib.

Andowoon 21:1

Kwane, Yarimanbed Sera yaa komo yedmoon kuu kwanoon, kwane angkon yembed Sera yaa ye weng kunduk dakmoon kuu kwamunemo yu yaa kerundoon.

Andowoon 24:60

yi kwane amun kwende weng kee Rebeka yaa wengobendiwen “Nub odak ee, kub kuu wene ari dana yemoon yemoonbed wanabebko, kub awoya yewudmo kerok. Angkon yimbed yi bondan burudaandeniiwa yi bondan yaa yimbed korok keraniib.” andiwen.

Andowoon 25:23

yembed inande daandoon, “Kub kabeyob aom kuu ambibkindan ayoob yi ambokab. Kwane, ambibkindan ayoob kuu andokbaniib. Ningki ye awoyambed ayi ye awoya yaa burudande aromkono arimbed keraniib. Kwane, ayi kuu ningki ye dabderem yiri dobaraneen.” andoon.

Andowoon 35:11

ari yedmenoon, “Ne kuu Aromkono Darewoob ye God kii. Eb kuu dana yemooniib kerebko eb awoya yemoon kerime. Ambibkin yemoon kuu eb yaambed andowaneen, angkon eb kuu king yemoon yi ambokab keraneeb.

Andowoon 36:31

Keke Idom aom king kere ooniwen yi weng. Israeldan kuu yaro korok kerindo yaron.

Romdan 9:9

Kowe, weng kunduk kekamune ande wongkoon kei, “Aron kinoon kuyaa ne ikakman mananiin kuu Sera karub dana kuu nendanuun.” andoon.

Galasiadan 4:23

Ye mingki maa kuu dabderem yiri dobere no deme awinembiri ye wonongbed wooneen kuu yeka mamaamban woonimaub kwanemo wooneen. Kumban ye mingki obonmo wonongbed wooneen kuu God ye weng kunduk yaambed.

1 Pita 3:6

Yi kuu Serambed Abraham ye weng wengamberenu ye yaa ne korok andimaun areb keriwen. Yiib kuu inamen yorokmo kamenib uniyiibban dobaraniib kuu yu meed keraniib.