2 Timoti 4:1 - Yomgkom

¹ Kwane, God yoom wad doriibdaniib dukniwendaniib wengyundi ye karub Yesu Keresu yoom yi kerebiri arimbed angkane mananeen ye wengiiwa yembed korok kere ooni ye wengiib yaa meenaan yaambed, kee kwame ye weng kee eb yaa yedme kowaan kei.

2 Timoti 4:1 ပူးပေါင်းရင်းမြစ်များ

Yook 50:6

Kwane Ewen kuu ye yorokmo kerekmen kan dakme baandimaun, amborom kuu God yekareb kangdod kerundi ye karub keroon kowe. Selah

Yook 96:13

Yi kuu Yariman ye arinambo ari kwananiib, amborom kuu mananeen kowe. Okad yu kumkam yaa wengyundok mananeen kii. Ye kuu okad yu kumkam yaa yorokmo ye kerekmen yaambed wengyundene, nimakarub korem yaa aadidmiyiibban anammo wengyundaneen.

Yook 98:9

Yi korem kuu Yariman ye arinambo ari wingkime, amborom kuu ye kuu okad yiri mene wengyundok meneen kowe. Yembed okad yu kumkam kuu yorokmo wengyundene ambibkin mimimdan yaa konomdangmo wengyundaneen.

Matyu 16:27

“Kwane, Karub Ye Mingki kuu Yawodki ye nambiriyiibbed ye engyusiib mananeen kuu nimakarub mimo mimo komo kamiwen ye kakman yi yaa bangkandaneen.

Yesu Ye Weng Amun Lukbed Wongkoon 19:12

“Korok darewoob kuu ye ambibkindan korem yi king kerandamoon kowe, wenene ambibkin yemoon oonoon ye king darewoobbed ne yaa kinok ande wonoon. ‘Kwanekori, ika mene ne nimakarub yaa oona.’ ande meenoon.

Yesu Ye Weng Amun Lukbed Wongkoon 19:15

Kumban king darewoob kinoona, karub kuu ye ambibkindan yi king keroon. “Kwanekore, ika monoon kuu yembed yedmoon, ‘Karub kane kane ne od be wenebiwen kuu baandibko menebime. Ne dowaken kuu ambangkiwen kuu ari komoyiib biwen kuyaa kaadkerandamiin.’ andoon.

Yesu Ye Weng Amun Lukbed Wongkoon 23:42

Kwanandekore, Yesu yaa yedmoon, “Yesu, eb oonimbon aom menebka ne nonondanduwaab.” andoon.

Kwamiwen 10:42

“Kwane, Yesumbed nub yaa yedme kowoon kuu, ‘Wene ne weng amun dakmenib, “Ye kuu Godbed kine kowoona, dukniweniib wad doriiwiib kuu yembedmo wengyundandaneen.” ande dakmime.’ andoon.

Kwamiwen 17:31

amborom kuu nimakarub korem yorokmo wengyundaneen yaron kinekore, wengyundi korok kinoon kowe. Nimakarub korem yi dowad kwanoon yaa wedme anam andi yeman kuu Godbed korok kee bobnoon yirimbed nenkoonoone ika wadkere demboon kui.” andoon.

Romdan 2:16

Kwananiib yaron kuu Godbed Yesu Keresu yaambed nimakarub ben bikniwen ye meeni inamen kuyaa wengyundaneen yaron arimbed. God ye weng amun nembed awinaan kumbed kwamune daandimaan kii.

Kolosedan 3:4

Yiib wadkeri anam kuu Yesu Keresu kowe, aron kwane ye kuu mene angkadaraneen ari kuu yiib kwangkon ye yoom ibmo nambiriyiib angkadaraniib.

2 Tesalonaikadan 2:8

kumbed amowiibban ye karub kuu dian keraneen. Ye kuu Yariman Yesumbed ye mongkodkono aom nuuwiib ye mananeen ye nambiriyiib kumbed kan korare monmaraneen.

1 Timoti 5:21

God yoom Yesu Keresu yoom Godbed kingkoon ye engyus yoom yi arinambo arimbed nembed eb yaa amob kee yedme kowaan kuu, weng ke kabdaan kee nimakarub korem yi dowad ongme awinembere, yena yaa manmo keri ye inamen ambangkaab.

2 Timoti 1:10

kumban nub Bobni Yaa Burudande Bindi Ye Karub Yesu Keresu angkane monoon yaambed kibikee kabamoon kondoon ye mimyob dowaken kee dianmo keroon. Ye kuu bobni yaromkono monmarekore, ye weng amun yaambed wadkeri anamiib bobnindeban ye dobiriyiib ben dian keroon.

2 Timoti 2:14

Kowe, weng ke dakmaan kee anam andiwendan yaa monkone daandimame. God ye murubia arimbed ogood weng wengberenabi kuu korondime ande ongkande. Kuye wengberenabi kuu idiibban, angkon no kwamune wengaibdan kuu wengberenabi kembed monmaraneen kii.

2 Timoti 4:18

Kwane, arewambed nenbandi korem kuu Yarimanbed dorondare awawene ne amunmo kwane nenwene Ewen yembed oonoon aom kowaneen. Ye yaa nambiriyiib kerok, aron korem korem yeman. Anam kwanok.

2 Timoti 4:8

Kowe kibik kee yorokmo dobiri ye kakman kandi yeman korok ari dereni yeman kuu ne dowad Ewen ari angkeen. Keyeman kuu Yariman, Yorokmo Wengyundi Ye Korok kui, yembed kuye aron arimbed ne kakman dowad kawaneen. Ne yaamomban, kane kanembed ye dangkuro mananeen yaa meeni dowaken darewoob keriwendan yaa kwangkon kwane bangkandaneen.

Taitus 2:13

Kwamunembed awine doruub kuu nub Bobni Yaa Burudande Bindi Ye God Arimbed Yesu Keresu nambiriyiib angkadere mananeen yaron amun yaa meenmo doruub kii.

1 Pita 1:7

Kwane meneboon kuu yiib anam andi kuu anam ande korokbi ye dowad. Kwane anam ande awinaniib kuu Yesu Keresu dian keraneen yaron arimbed aningko kankooniyiib nambiriyiib aningko darewoob ariyiib Godbed bangkandaneen. Kedi, yiib anam andi kuu amotbed dene karadmo keroon ye bot gold burudandoon, amborom kuu aron yeenbon arimbed Godbed gold kuu monmaraneen kowe.

1 Pita 4:5

Kumban yimbed komo dowad kwamenabiwen ye weng kuu wadkeridaniib dukniwendaniib yaa wengyundi dowad nekwoon ye God yaa dakmaniib.

1 Pita 5:4

Kwamaniib kuu Korok Korem Yi Yariman angkadaraneen yaron arimbed korob kerindeban ye kakman nambiriyiib king ye korok ari dereni yeman areb kandaniib.

2 Pita 1:11

Kwane, yiib kuu kuye kiwaan wananiib kuu Godbed yiib yaa kube ee andene yiminmo ongmendaneene, aron korem yeman ye oonimbon nub Yariman nub Bobni Yaa Burudande Bindi Ye Karub Yesu Keresumbed oonoon kuu awunaniib.

2 Pita 1:17

Yesu kuu Nambiri Darewoob Arimbed Ye Ambe Godbed yedmenoon, “Kekee ne Dana Mingki, ne mimyob dowaken keenaan ye karub, ye yaa kubi dowaken darewoob keraan.” andoone, aningko kankooniyiib nambiriyiib boon.

1 Yoon 2:28

Ee, ne danaya, kibireb kee ye niindem aom doriib kuu kwane dobe-rembirime. Kwananuub kumbed ye mananeen kuu karakiibbaniiwa uniyiibbaniiwa aromkonoyiibbed ye arinambo ari dobaranuub.

Korokboon 1:7

Kedi, Yesu kuu wiib arimbed mananeene, nimakarub korem kuu yi indowiib wedmenaniib, kane kanembed ye kaare ayiwen kangkon wedmenaniib. Kwane, okad yiri ye nimakarub korem kuu wedmenenib yuudane ameng kamenabaniib. Anamaa, kwananeenaa.