2 Timoti 3:15 - Yomgkom

¹⁵ eb kuu dana mana yaambed God Ye Weng Karadmo kaadkerewen. Keye weng kee, Yesu Keresu yaa anam andi yaambed Godbed bindi dowad meeni kangdom kondi yeman.

2 Timoti 3:15 ပူးပေါင်းရင်းမြစ်များ

Yook 19:7

Yariman ye amob kuu demkoronmo, kingkin yaa aromkono yeeb konimaan. Yarimanbed komo kamoon ye weng kuu anam anammo, mengmengiibban iwari doriibdan ben meeni kangdomdan kerundimaan.

Yook 71:17

O God, ne kuu ne kewed yaambed mene kibikee ebbed kedmengkawimaab, kwane kuyaronbed mene kibikee binangke eb yaa anam andi yeman ongmenabewen kuu daandimain.

Matyu 22:29

Kwane, Yesumbed inande yedmoon, “Yiib meeni kuu anamban, amborom kuu yiib kuu God Ye Weng Karadmoyiiwa yaromkonoyiiwa kuu yiibkaadban.

Yesu Ye Weng Amun Lukbed Wongkoon 1:15

amborom kuu ye kuu God ye murubia arimbed karub amun kere aningko darewoob keraneen. Kwane, ye kuu ok wainiib ok arewayiib animokban ye karub kerene ye wooni aron yaambed Kingkin Karadmombed ye yaa ibnenaneen, domonenaanban.

Yesu Ye Weng Amun Lukbed Wongkoon 2:40

Kwaniiwe, dana kuu kaine aromkonoyiib inamen amunmoyiib keroone, Godbed amun kerundi karayiib kwane ibnenoon.

Yesu Ye Weng Amun Lukbed Wongkoon 24:27

Kwanekore, Yesumbed ye dowad Moses ye wengiib profesidan yi wengiib ibduruk kedmengkandekore, God Ye Weng Karadmo kumundin yaambed kedmengkandoon.

Yesu Ye Weng Amun Lukbed Wongkoon 24:32

Kwanoone, yikareb man yedmenoon yedmenoon kamiwen, “Kwane, Yesumbed kiwaan ari yarene nub yaa God Ye Weng Karadmo yaambed daandoon kuu, amot areb komberene nub niindem aom denemoon areb keroon kii.” andiwen.

Yesu Ye Weng Amun Lukbed Wongkoon 24:45

Kwane, yembed yi inamen nandoone God Ye Weng Karadmo ye weng id kuu meeniwen.

Yoon 5:47

Kumban yiib kuu yembed wongkoon ande anam andunindo kowe, komarewa angkon ne weng kee dakmiin keyaa kee wengambere anam andaniib? Dowan.” andoon.

Kwamiwen 10:43

Kwane, profesidan korem kurin dobiriwen kumbed weng kee dakmiwen kuu ye yaa anam andaniib kuu yiib ambarakmenabi yaa kuu yembed are nonondandundaneen.” andoon.

Kwamiwen 13:29

Komo God Ye Wengbed komo dakmoon kuu ye yaa kwane kame dowan kerekoriwa, at ming ari kuu biande mangkiwen.

Kwamiwen 16:1

Pool kuu Deebe yaa wenekore Laistara yaa wonoon. Kuyaa kuu anam andoonman Timoti kuu doreen. Ye awaan kuu Yuu wonong kumbed Yesu yaa anam andeen, kumban yawodki kuu Gurik karub.

Kwamiwen 17:2

Kwane, Pool ye koobdande kurikuri ambiwoom wonoon. Sabat aron ayoobmimiib kumaom kuu God Ye Weng Karadmo yaambed ongme ambobandoon.

Kwamiwen 26:24

Kwane kuyaambed Festusbed Pool ye weng ombedandene emendene yedmoon, “Warudki weng ai! Pool, eb kaadkeri darewoob kumbed nen warudki kerubdoon kii!” andoon.

Romdan 1:2

Kuye weng amun ye dowad kuu unyeman anukbed Yesu okad yiri minindombed Godbed weng kunduk ongmekore ye profesidan yaambed Ye Weng Karadmo ye buk aom wongkoon.

Romdan 16:26

Aron korem korem ye Godbed kwanime ande yedme kowoon kumbed profesidan God Ye Weng Karadmo wongkiwen yaambed ambibkin koremdan yaa ye weng kuu kan dian korokboon, ye yaa anam ande ye weng awine kandime anded.

Romdan 2:27

Eb kuu Yuudan yi amob wongkiweniib kad wandiyiib kumban amob domabangkimaab kowe, karub kane ye kuu id yaa kad wandindo kumban ye kuu amob ye kerekmen yaambed doreen kuu, eb yaa wengyunde karub arewa andaneen.

1 Korindan 1:21

Kedi, God ye meeni kangdom aom kuu okad yiridan kuu yi meeni kangdom yaambed ye yaa yikaadkerunindo. Kowe, weng amun daandoone anam andiwendan kuu bobni yaa burudande bindi ye weng kuu okad yiridanbed weng inameniibban ande meeniwen kumbed Godbed kuboon.

Efesusdan 6:4

Ambeya, yiib dana yaa kuu norin wengbed daandaiwe arud wandaib, koronde benmene Yariman ye weng yaambed dobiri amun korokbenib kedmengkandime.

1 Timoti 4:13

Eb kuu kidangkambonbed God Ye Weng Karadmo kimingkaneb God Ye Weng Karadmo ambobande wengambirime andeneb kedmengkande ningmone kuyaamo doberemberebka, ne kuu mana.

2 Timoti 1:1

Ne kuu Pool, Yesu Keresumbed God ye dowaken yaambed kinoona ye apaso keraan. Yesu Keresu yaa anam andiwendan wadkeri kandaniib ye weng kunduk dakmi dowad ne kinoon.

2 Timoti 1:5

Kedi, eb anam andi yorokmo awinimaab yaa ika meenaan. Kuye anam andi kuu eb awo Loisbed ibduruk ibmo anam anduune, kwane ari eb ena Eunis ibmo anam anduune, kwane ari eb kwangkon anam andewen kuu wedme nekaadkeraan kii.

2 Pita 3:16

Ye kerek wongkoon korem kuu ibmo, inamen maa maa kerindo. Nembed kwane ke wongkaan keye inamen kuu kwane ye kerek kuyaom wongkoon. Ye kerek aom weng id yena kuu yobdood kii, kowe kedmengkandindodan yoom God yaa dobiri aromkonoyiibbandan yoombed kan amonombe weng id maa maa kerimaib. Yi kuu God Ye Weng Karadmo yenayiib yaa kwanimaib kowe, yikarebmo monmari ye dabab kandaniib.

Korokboon 19:10

Kuyaambed ne kuu engyu ye yon yiri bumangke korok kankibineni yaningko kankoonande kamaan kumban, yembed yedmewoon, “Kwamaab! Ne kuu eb areb, eb angkodmia Yesu ye weng awinimaibdan areb, nub kuu ibmo, God ye demedan kui. God yaningko kankoone! Amborom kuu Yesu ye weng dakme korokbi kuu profesi weng ye inamen ye id kowe.” andoon.