2 Timoti 1:5 - Yomgkom

⁵ Kedi, eb anam andi yorokmo awinimaab yaa ika meenaan. Kuye anam andi kuu eb awo Loisbed ibduruk ibmo anam anduune, kwane ari eb ena Eunis ibmo anam anduune, kwane ari eb kwangkon anam andewen kuu wedme nekaadkeraan kii.

2 Timoti 1:5 ပူးပေါင်းရင်းမြစ်များ

Yook 116:16

O Yariman, anam kuu ne kuu eb dememan. Ne kuu eb dememan, eb deme wonong yu mingki kui. Ne kuu yerengkiwen kuu ebbed dudbere nen obon keruwewen.

Yook 17:1

O Yariman, wengyundi amun kawe ande kaamobdako wengambere. Ne baandi kee wengambere. Ne kurikuri kee wengambere, ne weng kee birandi ye inamen yaambed dembindo kowe.

Yook 18:44

Yi kuu ne yaa wengambirimaib kuu no awine kandimaib, kwane owoddan kuu ne yaa unewe ika anuk irinambenimaib.

Yook 22:10

Woonaan yirimbed ne kuu eb yaambed yone dobaraan, kwane ena yu kabeyob kumaombed eb kuu ne God kerewen.

Yook 66:3

God yaa yedmime, “Ebbed ambangkanabewen kuu yeka mamaa yoo! Eb aromkono kuu miin darewoob kowe, eb bondan kuu unebde ika anuk irinambenimaib.

Yook 77:6

Anukbed amnoom yaa yook wingkaan kuu ika meenaan, kwane ne niindem aom meendobeni nekareb kaamobimain kuu kei.

Yook 81:15

Kane kane Yariman yaa arud wandembirimaib kuu ye yaa unene ika anuk irinambenaniib, kwane ukum kandaniib kuu aron korem kwane angkimbaraneen.

Yook 86:16

Ne yaa amonombeneb mimyob keewe kakman are nonondande. Eb deme karub ne yaa kuu eb aromkono kawe. Kwane, eb deme wonong yu karub dana ne kuu bobni yaa burudande nende.

Yoon 1:47

Kwane, Natenio meneena Yesumbed wedmene yedmoon, “Karub kee Israelman anam kii. Ye yaa kuu dudiyiibban.” andoon.

Kwamiwen 16:1

Pool kuu Deebe yaa wenekore Laistara yaa wonoon. Kuyaa kuu anam andoonman Timoti kuu doreen. Ye awaan kuu Yuu wonong kumbed Yesu yaa anam andeen, kumban yawodki kuu Gurik karub.

Kwamiwen 26:26

King Agripa kuu barang korem kee dakmiin kee ye kuu ma koroniibban kowe, ne kuu ye yaa arudkonomombed dakmiin. Yesumbed komo kamoon kuu nimakaruwiibban angkambed kamindo kowe, king Agripa kuu korem wengambere ye kaadkeroon, weng maa ma biknindo.

Romdan 14:14

Ne kuu Yariman Yesu yaambed kaadkere inamen ongme kangdommo awinaan kuu kei. Animan korem ani kuu yimin, animan maa kuu Godiib yaa wini ye kiwaan kebeni yemanban. Kumban kanembed kuu animanban Godiib yaa wini ye kiwaan kebeni yeman andoka, korondibko yembedmo kwane kamok, amborom kuu ye yaa kuu amob kowe.

Romdan 14:5

Karub maambed meenimaan kuu aron maa maa kuu aron yena yaa burudande God yaa kurikuri darewoob keri yeman andimaan. Kwane, karub maambed meenimaan kuu aron korem kuu ibonmo andimaan. Kuye karub mimim kuu yika yi meeni inamen aombed yika yi meeni yaa kangdom kerime.

Romdan 15:14

Nangkodmia, inamen ongme kangdommo awinaan kuu kei, yiib aom kuu amun amunbed yukne derenkoroone, kwane yiib kuu kaadkeri yiminmo kerenib, kwane yiib kuu marin kedmengkanoon kedmengkanoon kami yiminmo keriwen kii.

Romdan 4:21

Kwane, yembed kangdommo meenoon kuu God kuu ye weng kunduk yedme kowoon kuyaa kuu kwane ambangkaneen, aromkono yiminmo kowe.

Romdan 8:38

Kedi, ne kuu inamen ongme kangdommo awinaan kuu, bobnimbed o wadkerimbed o engyusbed o awad arewa arewadanbed o kibik yemanbed o amaan ari yemanbed o

2 Korindan 6:6

Kwane, nub kangkon doburuwen kuu karadmo inameniib kaadkeriyiib yodbirimban iwarimbed dobiriyiib awandiyiib Kingkin Karadmo yaambed dobiriyiib ma aadikmiyiibban ye mimyob dowaken keendiyiib

1 Timoti 1:5

Kwane andi ye weng kee daabdaan kuye dowad kuu, mimyob dowaken darewoob keri yeman. Mimyob dowaken kee niindem aom minikmanakiibbaniib inamen amunmoyiib aadidmiyiibban ye anam andiyiib yaambed minimaan.

1 Timoti 4:6

Kwane, kedmengkandi kee kuristen angkodmia yaa dakmimamaneeb kuu Yesu Keresu ye deme karub amun keraneeb, amborom kuu eb kuu anam andi ye wengiib kedmengkandi yorokmoyiib yi yoman weneneb eb kuristen inamen kainewen kowe.

2 Timoti 1:12

Kwamune kamaan kumbed dabab kee kandaan. Kumban ne kuu kuyaa karak bobnainban, amborom kuu kane yaa anam andaan kuu nekaadkereni, nembed komo komo ye dingki ari kowaan kuu yembed yiminmo oonaneen kwane wene nub benwananeen yaron keranuun kuu kangdommo meenaan.

2 Timoti 3:15

eb kuu dana mana yaambed God Ye Weng Karadmo kaadkerewen. Keye weng kee, Yesu Keresu yaa anam andi yaambed Godbed bindi dowad meeni kangdom kondi yeman.

Hibrudan 11:13

Nimakarub korem kee kwane anam andi yaambed doriib kumbed dukniwen. Yi kuu weng kunduk yedme kowoon yeman kuu kandindo, yi kuu amaan angkambed no wedmende wengmo wengambiriwen kumbed kubiwen. Kwane, yika nub kuu okad yirimbed kuu noroddan kere oworan keruwen ande dakmiwen.

Hibrudan 6:9

Angkodmia, nub kuu kee kwamune dakmuub kuned, yiib kuu kwamunemban ande meene kangdommo awinuwen. Kwane, yiib kuu amun kerundi arimbed kandaniib, kukuu bobni yaa burudande bindi ye kerekmen yeman.

1 Pita 1:22

Yiib kuu anam anam wengambere awiniwen kumbed yiib niindem aom karadmo kerenib, aadidmiyiibban ye mimyob dowaken yiiwangkodmia yaa keendimaib kowe, mimyob dowaken darewoob kere anammo keendime.