2 Timoti 1:16 - Yomgkom

¹⁶ Kumban, Yarimanbed Onesiforus yoom yambiwoom doriibdan yoom yaa mimyob keendok, amborom kuu ye kuu awawimaane kubimaine ne wii aom seiniib boroniwen dibiin kuyaa karak bobnindo.

2 Timoti 1:16 ပူးပေါင်းရင်းမြစ်များ

Yook 18:25

O God, kane kane yi kuu eb yaa ma korondiyiibban doriib kuu ebbed yi yaa ma korondiyiibban ye dobiri kiwaan kuu korokbendimaab, kwane kane kane kuu karub maambed ambarakmoon ande kadwonokban kuu eb karub maambed ambarakmoon ande kadwonaanban ye kiwaan kuu yi yaa korokbendimaab,

Yook 37:26

Yorokmodan kuu aron mimim nindorokiibbed munob bangkandenib araben kondimaib, kwane yi dana kuu amun kerundi yeman.

Matyu 25:17

Kwane, talen ayoowiib ye karub kwamunemo kamene talen angkon ari ayoob ben daboknoon.

Matyu 5:7

Kane kane yi yaa kuu karub maambed ambarakmoon yaa mimyob keene kakman kuu are nonondandaniib kuu Godbed amun kerundaneen, amborom kuu Godbed yi yaa mimyob keene yi ambarakmi are nonondandaneen kowe.

Kwamiwen 21:33

Kwane, ana nangmi korokbed Pool awine yedmoone sein ayoobbed yenbeniwen. Kwane kaamondoon, “Karub kee kane, ye kuu komo kamoon?” andoon.

Kwamiwen 28:20

Kwanikob, weng keye dowad kumbed yiib wengandande baandaankob nedbiwen. Kowe kee, Godbed Kinaneena Mananeenman yaa Yuudanbed monok ande meedmiib kuye dowad kuu ne kuu sein keembed yenbewiwen.” andoon.

1 Korindan 16:18

Yi miniwen kumbed ne yaa kubi kawiwen, yiib yaa kangkon. Kwamunedan yi aningko kuu arimbed kankoonime.

Efesusdan 6:20

Kuye weng ye dowad ne kuu korok ye weng daandi ye karub areb keraan kumbed ne dingki ayoob yaa kuu seinbed yerengkiwen. Kee kwanaked yimin kowe, kurikuri kamibko uniyiibban dakma.

2 Timoti 1:12

Kwamune kamaan kumbed dabab kee kandaan. Kumban ne kuu kuyaa karak bobnainban, amborom kuu kane yaa anam andaan kuu nekaadkereni, nembed komo komo ye dingki ari kowaan kuu yembed yiminmo oonaneen kwane wene nub benwananeen yaron keranuun kuu kangdommo meenaan.

2 Timoti 1:17

Kwane, ye kuu Rom angka monoon kuu ne yaa meeni darewoob keroon kumbed onmenmo yarone mene ne wedmewoon.

2 Timoti 1:18

Kowe, Yarimanbed nub benwananeen yaron arimbed ye yaa mimyob keenok. Efesus aom dobaraan kuu yembed kiwaan yemoon yaambed awawimaan kuu anam ebkaadaa.

2 Timoti 1:8

Kowe, nub Yariman komo kamoon ye weng dakmiyiiwa ne ye dowad wii aom doriiniiwa yaa karak bobnaab. Kwane, eb kuu ne daboknebko Godbed komo aromkono kondoon kuyaambed Yesu ye weng amun ye dowadbed dabab kuu kandem.

2 Timoti 4:19

Prisila yoom Akwila yoom Onesiforus yoom ye ambiwoom doriibdan yoom yaa kubendi weng keende.

Failimon 1:20

Ee nangkodmi, ke kaamonaan kuu Yariman yaningko yaambed ne dowad awawe andid, angkon ne niindem aom kuu Keresu yaningko yaambed kubi dowaken kan kawe.

Failimon 1:7

Nangkodmi, eb mimyob dowaken keendimaab kuu wedmaan kowe, yewenubmo kubi darewoob kandaan, amborom kuu God ye karadkonodan yi niindem aom kuu kubi dowaken ben kondewen kowe.

Hibrudan 10:34

Yiib kuu wii aom nongkobiwendan kuyaa mimyob keendekorib, karub yenambed yiib yiribman ogoodmo kenambun biwen kuye dowad nangmindo kubimo dobiriwen, amborom kuu yiibkaad, yiib kuu aron korem ye amun kerundi miin amuniib, ogoodmo biwen ye yiribman arebban, yiib dowad Ewen aom dangoon kowe.

Hibrudan 6:10

God kuu yorokmo, yiib kuu ye nimaya karuwa yaa anukiib kibikiib awandembirimaib kumbed, ye deme awine ye yaa mimyob dowaken keenimaib kuu nonondandaanban.