2 Timoti 1:12 - Yomgkom

¹² Kwamune kamaan kumbed dabab kee kandaan. Kumban ne kuu kuyaa karak bobnainban, amborom kuu kane yaa anam andaan kuu nekaadkereni, nembed komo komo ye dingki ari kowaan kuu yembed yiminmo oonaneen kwane wene nub benwananeen yaron keranuun kuu kangdommo meenaan.

2 Timoti 1:12 ပူးပေါင်းရင်းမြစ်များ

Yook 25:2

O ne God, eb yaambed angkumone doriin. Korondaawa yenambed ne nen karak ari kowaib. Kwane, korondaawa ne bondanbed ne nen burudande doraib.

Yook 31:5

Eb dingki ari kuu ne kingkin kowaan. O Yariman, anam anam ye God, ne bidde.

Yook 56:9

Nembed awawe ande baandaniin kuu ne bondan kuu ika angkurom korokbe korondaniib. Kwane wedmeni nekaadkeraniin kuu God kuu ne dowad doreen kii.

Yook 9:10

O Yariman, eb yikaaddan kuu eb yaambed yonenib ebbed kwananeeb ande inamen kowaniib, amborom kuu eb ande miniwendan kuu eb kuu yi yaa angkurom korokbaabban kowe.

Matyu 12:21

Yaningko yaambed ambibkin koremdanbed anam kwananeen ande meedmaniib.” kwane ande wongkoon.

Matyu 24:36

“Kwananeen yaron kuu komo aron arimbed kuu karub maa yekaadban. God ye engyusiib God ye Mingkiyiib kangkon yikaadban, kumban Ambe God yembedmo yekaad.

Matyu 7:22

Wengyundi yaron arimbed, nimakarub yemoon daawaniib, ‘Ne Yariman ee! Eb aromkono yaambed eb weng amun ben dakmenub awad arewa yedme yenburenub God yaromkono wedmi yeman yemoon kamuwen kii.’ andaniib,

Yesu Ye Weng Amun Lukbed Wongkoon 10:12

Nembed yiib yaa ke yedmendaan kei, wengyundi aron keranuun kuu taun kuyaom ye nimakarub kuu Sodom arebban dabab miin arewa kandaniib.

Yesu Ye Weng Amun Lukbed Wongkoon 23:46

Kwanoone, Yesu kuu naawonmo komkoon, “Ambe, ne wadkeri kuu eb yaa kabdaan.” ande inum yeenbon narekore bobnoon.

Yoon 17:15

Ne kaamobdi kuu ebbed yi kuu okad kari kee ben angkanimban. Kukuu miin arewaman yaa dorondare yi kuu awande.

Yoon 6:44

Karub kanembed ye dowakenmo ne yaa mini kuu yiminban, Ambembed ye inamen konaneene ne yaa mananeen kumbedmo. Kwane aron yeenbon arimbed ye kuu nen yeedere wadkeri konaniin.

Kwamiwen 13:46

Kwane, Pool yoom Baanabas yoom arudkonomo inandunde yedmiwen, “Kiwaan amun kuu God ye weng yiib yaadin dakmuwen kui. Kumban yiib kuu wedmendandenib kwane wadkeri aron korem korem kuu korondiwen kowe, Yuudanban yaa wenuub.

Kwamiwen 13:50

Kumban Yuudanbed wene God yaa kurikuri kerimaib ye nima aningkoyiiwiib taun aom doriib ye karub aningkoyiiwiib yaa kwane daandiwen, “Pool yoom Baanabas yoom kuu arewadan kowe, yi yaa manmo kerem.” ande kamiiwe, kwane kamekorib, taun kuyaom kuu ben angka kirariiwa winiwen.

Kwamiwen 21:13

Kumban Poolbed man inande yedmoon, “Yiib komande ameng kamiibkob ne niindem aom kubiyiibban keraan? Ne kuu Yerusalem arimbed Yariman Yesu ye dowadbed nong yerengkaniib kuu yimin, naniiwa bobnaniin kwangkon yimin.” andoon.

Kwamiwen 7:59

Kwane, Stiwin kuu kwane bot barambere ayiiwe kurikuri kere yedmoon, “Yariman Yesu, ne kingkin kuu ebka kande!” andekore,

Kwamiwen 9:16

Ne dowad durud yewed dabab kandaneen kuu nekareb korokbenaniin.” andoon.

Romdan 1:16

Kedi, ne kuu Yesu ye weng amun yaa ma karak kerindo, amborom kuu weng amun kee God ye aromkonoyiib angkeen, kane kane anam andibka bobni yaa burudande bindi dowad kowe. Yuudan yaadin korokbendekore yoman Yuudanban yaa korokboon.

Romdan 9:33

God Ye Weng aombed kekamune yedme wongkoon, “Kedi, Saiyon aom kuu bot areb karub nenkowaan kumbed nimakarub yi boknandimbon keroon. Kukuu dumnad areb kumbed manmo kerimaib. Kwane, kane kane kuu kuye karub yaa anam andaniib kuu yi anam andi kuu idiibmo keraneen.” andoon.

1 Korindan 1:8

Yembed aromkono kerundaneene kwane wene yimin wandi aron keraneen, nub Yariman Yesu Keresu ye aron ari keranuun kuu yiib yaa ambarakmiwen ande kadwondaanban ye dowad.

1 Korindan 3:13

ye deme kuu dianmo korokbaneen, amborom kuu Keresu yaron arimbed ye deme kuu kanmene nambiri ari korokbaneen kowe. Kwane, amotbed nimakarub mimim yi deme amun komarewa kuu nengke komboon darobe korokbaneen.

Filipaidan 1:20

Ne kuu dowaken darewoowiib meenmoni kereniin kuu dakmaniin kuu ma karak bobnainban. Kukuu meenmoni kereniin kuu aron koremiib angkon kibirebyayiib arudkono yimin kereni, wad dobaraniin kumbed o bobnaniin kumbed komo kamaniin yaambed Keresu yaningko kankoonaniin kii.

Filipaidan 3:10

Ne dowaken kuu Keresuyiib ye bobnoon yiri ika demboon ye aromkonoyiib ye durud yewed kandoon kuyaa dabokne yonendiyiib yaa kaadkerandid. Ye bobnoon kwane ne kwangkon kwamune kerandid.

Filipaidan 3:21

Ye kuu korem be ye dabderem yiri nongkobi ye aromkonombed kuu, nub id okad yiri yeman kuu nengkidme ye id nambiriyiib areb ongmendaneen.

Filipaidan 3:8

Keyiib kembedmomban, nembed komo komo yaambed awinaan korem kuu ben kiranme bikni yeman ande meenaan, amborom kuu kuye kumkam kuu yirimo, ne Yariman Yesu Keresu kaadkeruni kuu korem yaa burudandoon arimombed kowe. Ye dowadbed ne kumkam korem kuu kan bikderebe dowan keroon. Kumkam kuyaa kuu morokmorok andaan kumbed Keresu ye karub kere amun amun kandeni,

1 Tesalonaikadan 5:4

Kumban, yiib kuu kumun aom dorokban kowe, kuyaron kuu yid ye karub minimaan areb keraneen kuu yiib binangki yemanban.

1 Timoti 6:20

O Timoti, komo komo bangkabdekore ongme oone andoon kuu arewambed monmaraan ande amukne. Inameniibban ye wengiib God yaa bon kami ye weng yenambed weng anam dudanabe dakmiweniib yaa kuu manakeende.

2 Timoti 1:14

Inamen amun bangkabdoon ebbed oone andi dowad kuu korobe oone. Kingkin Karadmo nub niindem aom doreen ye awabdi kumbed kwane korobe oone.

2 Timoti 1:16

Kumban, Yarimanbed Onesiforus yoom yambiwoom doriibdan yoom yaa mimyob keendok, amborom kuu ye kuu awawimaane kubimaine ne wii aom seiniib boroniwen dibiin kuyaa karak bobnindo.

2 Timoti 1:18

Kowe, Yarimanbed nub benwananeen yaron arimbed ye yaa mimyob keenok. Efesus aom dobaraan kuu yembed kiwaan yemoon yaambed awawimaan kuu anam ebkaadaa.

2 Timoti 1:8

Kowe, nub Yariman komo kamoon ye weng dakmiyiiwa ne ye dowad wii aom doriiniiwa yaa karak bobnaab. Kwane, eb kuu ne daboknebko Godbed komo aromkono kondoon kuyaambed Yesu ye weng amun ye dowadbed dabab kuu kandem.

2 Timoti 2:9

Ye weng amun ye dowad kuu durud yewed ye dabab kandaan. Kedi, ne kuu seinbed yerengkiwen, amob domokbidan areb kii. Kumban God ye weng kuu yerengkindo.

2 Timoti 4:8

Kowe kibik kee yorokmo dobiri ye kakman kandi yeman korok ari dereni yeman kuu ne dowad Ewen ari angkeen. Keyeman kuu Yariman, Yorokmo Wengyundi Ye Korok kui, yembed kuye aron arimbed ne kakman dowad kawaneen. Ne yaamomban, kane kanembed ye dangkuro mananeen yaa meeni dowaken darewoob keriwendan yaa kwangkon kwane bangkandaneen.

Taitus 3:8

Kekee weng dudi wengban, weng anam kii. Kwane, ne meeni kuu weng kee eb ongme kedmengkandimame. Kwanebko, God yaa anam andiwendan kuu amun amun kami kara ongme awinime. Inamen kee amunmo, awinaniib kuu amunmo angkon idiib keraniib kui.

Hibrudan 12:2

Nub indob kuu Yesu yaambed keenomberem, ye kuu nub anam andi yaa kuu andowe ongmene demkoronmo kerundi ye karub kowe. Ye kuu kubi kandi dowad kine kowoon kowe, at ming arimbed bobni ye karak kuu ma meenindo kumbed, kwari durud yewed kuu kangdommo kandekore, God ye oone dibirimbon dingki wiwi angkambed diboroon.

Hibrudan 2:18

Amborom kuu ye yaa ambarakmok ande biranande kamoon kuu yekareb durud yewed kandoon kowe, kane kane yaa Setenbed ambarakmok ande birandande kamaneen kuu Yesumbed yi yaa awandaneen kuu yimin.

Hibrudan 7:25

Kwanikob, kane kane ye yaambed God yaa mananiib kuu, yembed yi kumundinmo kuu bobni yaa burudande bindaneen kuu yimin, amborom kuu ye kuu aron korem doberemberene God yaa yi awandi dowad dakmembaraneen kowe.

1 Pita 1:5

Kwane, yiib yaa dabab menebaneen kuu yiib anam andi yaambed God yaromkonombed dorondare oonendaneene kwane wene aron yeenbon arimbed Godbed bindaneen ye kerekmen kuu dian keraneen.

1 Pita 4:16

Ma, yiib kuu kuristen keriwen ye dowad durud yewed kandaniib kuu karak bobnaib, Keresu yaningkoyiib yiiwaningko yaa ibmo daboknoon kowe God yaningko kankoonime.

1 Pita 4:19

Kwanikob, God ye dowaken yaambed durud yewed kandiwendan kuu, ma korondiyiibban ye Ambengkan God ye dingki ari yiibka konenib, amun amun kamembirime, korondaib.

Kerek Judbed Wongkoon 1:24

Yiib kuu ambarakmi yiri kombaraib ande awandi kuu God yembedmo yimin. Yiib kuu yiib ambarakmiyiibbaniib yiib kubi miin darewoowiib ben ye aromkono nambiri arinambo benmini kuu kangkon God yembedmo yimin.