2 Pita 1:1 - Yomgkom

¹ Ne kuu Saimon Pita, Yesu Keresu ye dememan, kwane yembed kinoona ye apaso keraan. Nub God, nub Bobni Yaa Burudande Bindoonman, Yesu Keresu kui, kane kane ye inamen yorokmo yaambed nuwareb anam andi ibmo kandiwendan, yiib yaa kerek kee keendaan.

2 Pita 1:1 ပူးပေါင်းရင်းမြစ်များ

Matyu 10:2

Apasodan wad ayoowiib yi aningko kuu kei. Saimon yaningko maa Pita yoom, ye daman Endru yoom, Yems Sebedi ye mingki yoom, ye daman Yoon yoom,

Matyu 4:18

Kwane, Yesu kuu bowan ok Galeli kebed angka yare mene oon bi karub wedmendoon, ayi ningki. Yi kuu oon bi ye men kamberenib oon bandiwed. Yi aningko kuu Saimon yaningko maa Pita yoom Endru yoom.

Yesu Ye Weng Amun Lukbed Wongkoon 11:49

“Kwamunekob, God yeka ye meeni kangdom yaambed yedmoon, ‘Nembed profesidaniib apasodaniib yedmaniine yi yaa wananiib. Kwananiib kumban, yena kuu yaniiwe duknaniib, angkon yena kuu yaniiwe durud yewed kandaniib.’ andoon.

Yoon 1:42

Kwanandekore, nen Yesuyiib yaa wonoona Yesumbed Saimon yaa wedmene yedmoon, “Eb kuu Yoon ye mingki Saimon. Kumban eb kuu Sefas yedmimamaniib kii.” andoon. (Aningko kuye weng id kuu Pita.)

Yoon 12:26

Karub kanembed ne deme awinandamoka ne yoman monok. Kwane, ne kunaya dobaraniin kuu ne dememan neyiib dobaraneen. Kwane, karub kanembed ne deme awinaneen kuu ne Ambembed ye aningko kuu darewoob ari kankowaneen.

Yoon 20:21

Kwane, Yesumbed ikakman yedmoon, “Iwari yewenub kuu yiib yaa angkimborok. Ambembed ne nenkowoona manaan kwamune areb, kibireb nembed yiib ben nongkobako winime.” andoon.

Kwamiwen 15:14

Saimonbed dakmoon kuu Godbed ye inamen ibduruk korokbendoon kuu Yuudanban yaambed yena yeka boon. Profesidanbed weng yena wongkiwen kuu kwamune ibmo keroon.

Romdan 1:1

Ne kuu Pool, Yesu Keresu ye dabderem yiri dobereni ye deme awini ye karub. Baandoone apaso keraane God ye weng amun kanyare daandi dowad kinoon.

Romdan 1:12

Ku kekamune kedi, yiib yoom ne yoom kuu nub anam andi yaambed neman kube ongkanoon neman kube ongkanoon kamanuub andid.

Romdan 1:17

Kwane, weng amun aombed Godbed ongmoon ye yorokmo dobiri kuu dianmo korokboon. Kuye yorokmo dobiri kuu anam andi yaambed kii, andowoonbed wene yeenbon. Kuu God Ye Weng aom yedmoon kwamune, “Yorokmoman kuu anam andi yaambed dobaraneen.” andoon.

1 Korindan 1:30

Kedi, yiib kuu Yesu Keresu ye karuwa nimaya yi ambokab kuu God kii. Yesu kuu nub dowad God ye meeni kangdom keroon, nub yorokmo kerundi ye karub, nub karadmo kerundi ye karub, nub biddi ye karub kui.

1 Korindan 15:9

amborom kuu naningko kuu yirimo, apasodan yena arebban kowe. Kwane, nembed God yaa anam andiwendan yenbandaan kowe, naningko apasodan kumaom kowi kuu yiminban ande meenaan.

1 Korindan 9:1

Ne kuu obonmo dobiri ye karubban dee? Ne kuu apasomban dee? Ne kuu nub Yariman Yesu wedmenindokob dee? Ne deme Yariman yaa ambangkaan ye id kuu yiibban dee?

2 Korindan 4:13

God Ye Weng aombed kekamune wongkoon, “Anam andaan kowe, kwamunemo dakmaan.” andoon. Kuye anam andi ye kerekmen yaambed nub kangkon ibmo anam anduwen kowe kwamunemo dakmuub.

2 Korindan 5:21

Godbed ma ambarakmiyiibbanman ongmoonkob nub dowad ambarakmi yeman keroon kumbed, ye yaambed nub kuu God ye yorokmodan keranuub.

Galasiadan 2:8

Amborom kuu Godbed Pita yaa aromkono konoona Yuudan yaa apaso deme awinoon kumbed yimin ambangkoon kuu, kwamune ne yaa aromkono kawoona Yuudanban yaa apaso deme awinaan kumbed yimin ambangkaan kowe.

Efesusdan 3:5

Kuye inamen biknoon kuu anuk yiri doriibdan yaa korokbindo kumban, kibikee God ye Kingkinbed ye apasodan karadmoyiib profesidan karadmoyiib yaa korokboon.

Efesusdan 4:11

Yeka yembed nekwane yena kuu apasodan kere yena kuu profesidan kere yena kuu God yaa anam andime ande yare daandidan kere yena kuu anam andiwendan awande oone God ye weng kedmengkandidan keroon.

Efesusdan 4:5

Yariman mimo, anam andi mimo, baptais mimo,

Filipaidan 1:1

Nub kuu Pool yoom Timoti yoom, Yesu Keresu ye demedan kui. Yesu Keresu yaa dabokniwen kumbed karadmo keriwendan Filipai aom doriib, yiib yaa kerek kee keenduub, anam andiwendan yaa oonidaniib anam andiwendan awandidaniib yaa kangkon.

Filipaidan 1:29

Amborom kuu Keresu ye dowad yiib yaa kondoon kuu ye yaa anam andi ye inamenmomban, ye dowad yenbandi ye durud yewed kandi ye inamen kangkon yiib yaa kondoon kowe.

Filipaidan 3:9

ye ibmo kereni, yorokmo kerundi kuu nembed Yuudan yi amob awinimbed kerain andeni, yorokmo kerundi kuu God yaambed Keresu yaa anam andimbed kera andid.

2 Timoti 1:5

Kedi, eb anam andi yorokmo awinimaab yaa ika meenaan. Kuye anam andi kuu eb awo Loisbed ibduruk ibmo anam anduune, kwane ari eb ena Eunis ibmo anam anduune, kwane ari eb kwangkon anam andewen kuu wedme nekaadkeraan kii.

Taitus 1:1

Ne kuu Pool, God ye deme karub, Yesu Keresu ye apaso kui. Ne kuu Godbed kinoondan yi anam andi ye dowadiib anam anam yaa kaadkere awinenib God ye kiwaan ari dobirime andi ye dowadiib Yesu ye weng kanwene dakmimain.

Taitus 1:4

Taitus, kedmengkabdaan kumbed God yaa anam andi kuu mimo ewa neya keruwen yaambed eb kuu ne dana anam. Eb yaa wongke keebdaan kii. Ambe God yaambed, angkon nub Bobni Yaa Burudande Bindi Ye Karub Yesu Keresu yaambed yi kabamoon koni ye mimyob dowakeniiwa yi nangkem yewenuwiib kerubdok.

Taitus 2:13

Kwamunembed awine doruub kuu nub Bobni Yaa Burudande Bindi Ye God Arimbed Yesu Keresu nambiriyiib angkadere mananeen yaron amun yaa meenmo doruub kii.

Yems 1:1

Ne kuu Yems, God yoom Yariman Yesu Keresu yoom yi deme karub. Amyenimbon wad ayoobdan bokesaware wenebe ambibkin maa maa kuyaom doriib, yiib yaa kubendi weng wongkane keendaan.

1 Pita 1:1

Ne kuu Pita, Yesu Keresumbed kinoona ye apaso keraan. Godbed kinoondan, okad yiri kuu yiiwambibkin anambandan, buyokbayok keroone ambibkin Pontusiiwa, Galasiayiiwa, Kapadosiayiiwa, Esiayiiwa, Bitiniayiiwa aom doriib, yiib yaa kerek kee keendaan.

1 Pita 1:7

Kwane meneboon kuu yiib anam andi kuu anam ande korokbi ye dowad. Kwane anam ande awinaniib kuu Yesu Keresu dian keraneen yaron arimbed aningko kankooniyiib nambiriyiib aningko darewoob ariyiib Godbed bangkandaneen. Kedi, yiib anam andi kuu amotbed dene karadmo keroon ye bot gold burudandoon, amborom kuu aron yeenbon arimbed Godbed gold kuu monmaraneen kowe.

1 Pita 2:7

Kwane, yiib anam andiwendan kuu bot keyaa bobne kubudiriwen. Kumban anam andindodan kuyi dowad God Ye Weng aombed kwamune yedmoon, “Bot kuu boyambib yenbidanbed kankorariwen kuu, ambib kumundin amun yenbi ye dongka bot keroon.” andoon.

1 Pita 5:1

Keresu komarewa durud yewed kandene bobnoon kuu ne indowiib wedmeni, nambiri dian keraneen yaa daboknaneen ye karub kereni, nangkon kurikuri aamkono keraan kowe, yiib kurikuri aamkono aamkono yaa ongkandi weng yedmandamaan kukei.

2 Pita 1:4

Ye nambiriyiib ye inamen amunmoyiib yaambed weng kunduk dareb dareb arimbed kuu nub yaa bangkandoon, kuye weng kunduk yaambed yiib kuu id ye dowakenbed monmari okad yiri yarebeen kuyaa kombiri angkanenib, God areb yorokmo kerime anded.

Kerek Judbed Wongkoon 1:1

Jud nembed kei, Yesu Keresu ye deme karub, Yems ye daman kui. Ambe Godbed kinene mimyob dowaken keendene Yesu Keresu yaambed oonoondan, yiib yaa wongkani keendaan kii.