2 Korindan 9:15 - Yomgkom

¹⁵ Kowe, nub kwamune God yaa eso andem, amborom kuu ye munobmo kondoon yeman ye darewoowiib doboowiib ambab ariyiib kuu weng dakminban kowe.

2 Korindan 9:15 ပူးပေါင်းရင်းမြစ်များ

Yook 30:12

Kwanewen kumbed iwari dobiri yaa korondeni ne niindem aombed kubiyiib kere ewaningko kankooni ye yook wingkimain. O Yariman ne God, ne kuu eb yaa eso kamaniin, aron korem.

Yook 30:4

Ye karadmodan, yiib kuu Yariman yaa aningko kankooni yook wingkime, kwane ye aningko karadmo kankoone eso andime.

Yook 92:1

Yariman yaa eso andi kuu amun, o Korem Burudandoon Arimbed Ye God, ewaningko kankooni ye yook wingki kuu amun kii.

Yesu Ye Weng Amun Lukbed Wongkoon 2:14

“Ewen ari ye God yaningko kankoonem. Kwane God ye dowaken kerundoondan okad yiri doriib yaa dobiri yewenubmo bangkandok.” andiwen.

Yesu Ye Weng Amun Lukbed Wongkoon 2:38

Simeon yoom Yosef awene yoom doriib yaron aombed, yu kuu yiyiib yaa menenu God yaa eso andeen. Kwanekoru, yumbed Yerusalem aom Godbed amodde wankare ben yeedorok ande meedme doriibdan korem yaa dana Yesu ye weng dakmeen.

Yoon 1:16

Ye kabamoon kondoon ye mimyob dowakeniib anam anamiibbed ibnenoon yaambed nub yaa amun kerundi yemoon kondimaan.

Yoon 3:16

Kwamune, God kuu okad nimakarub yaa ye mimyob dowaken darewoob keendoon kumbed ye Mingki mimo kondoon. Kowe, kane kanembed ye yaa anam andaniib kuu bobnaibban, wadkeri aron korem korem kandaniib.

Romdan 5:15

Kumban God ye munob kondi yeman kuu Adam ye ambarakmi arebban, kimyen. Kedi, karub mimo ye ambarakmi yaambed yemoon dukniwen kumban, inamen arimbed yeman kuu Godbed kabamoon kondoon ye mimyob dowakeniib karub mimo ye kabamoon kondoon ye mimyob dowaken yaambed ye munob koni yemaniib kuu yemoon yaa derendaroon, kuye karub kuu Yesu Keresu kii.

Romdan 6:23

Kedi, ambarakmi ye deme ye kakman kuu bobni, kumban God ye munob kondi yeman kuu wadkeri aron korem, nub Yariman Yesu Keresu yaambed.

Romdan 8:32

God kuu ye Mingki anam kuu yeka ma awine amuknindo, aye kowidan yi dingki ari nenkowoon, nub korem bobni yaa burudande bindi dowad. Kwanikob, kuye God kuu Yesu nub yaa kondoon kumbed ari kuu, nub ye kerekmen dobiri dowad kangkon kumkam korem munobmo kondaneenoo? Anamaa, kwananeenaa.

1 Korindan 15:57

Godbed nub Yariman Yesu Keresu yaambed bobni yaa burudande doroon, nub dowad. Kowe, God yaa kube eso andem!

2 Korindan 2:14

Kumban nembed God yaa eso andaan, yembed Keresu yaambed korem burudande doroon kumbed nub kubimo ben kinban yaraane, nub yaambed baeb amun areb Keresu yaa kuu kaadkere yimin yimin yaa derendare weneen kii.

2 Korindan 9:11

Yiib kuu kiwaan korem yaambed yiminmo kerundaneen kowe, kubiyiib od kondi yaron korem arimbed yiib kuu darebmo konimamaniib kii. Kukuu nub yaambed yiib kubiyiib od kondi darewoob kumbed yenambed God yaa eso andaniib.

2 Korindan 9:14

Kwane, yi kuu yiib dowad kurikuri kere yi mimyowiib kumundin kwane yiib yaa mananeen, amborom kuu yiib yaa Godbed ye mimyob dowaken darebmo kabamoon kondoon kumbed yiibbed kubiyiib od kondiwen kowe.

Efesusdan 5:20

aron korem Yariman Yesu Keresu yaningko yaambed Ambe God yaa kumkam korem ye dowad eso andime.

Yems 1:17

Komo komo kuu demkoronmo munobmo bangkandi yeman amuniib kuu, Ewen ari doreen ye Ambembed bangkandaane kaminimaan. Ye kuu arona wooda mindonga ongmenaboon ye God, ye kuu kuruwak kan kwangka kowe kan kangka kowe kaimaib arebban, maa kere maa kere kaimokban.

Korokboon 4:9

Kwane dingkan kaningiib kumbed King ye ooni ye dibirimbon ari dibeen ye karub yaa nambiri kone yaningko darewoob arimbed kone eso andimaib, aron korem korem doreen ye karub yaa kui.