2 Korindan 7:1 - Yomgkom

¹ Mimyob dowaken keendaandan, yiiwa nuwa kuu kuye weng kunduk buwen kowe, nub idiib kingkiniib yaa arewa kerundoka nub kuu God yaa arewa keri yeman korem kuyaa koronde inamen karadmo awinem. Kwanenub wene nub karadmo dobiri kuu demkoronmo kerem, God yaa une yaningko kankooni dowad.

2 Korindan 7:1 ပူးပေါင်းရင်းမြစ်များ

Yook 119:9

Kewedman kuu komarewa kere ye dobiri kerekmen kuu karadmo keraneen? Ye kuu eb weng yaambed dobaraneen kumbed kii.

Yook 19:9

Yariman yaa une bumangki kuu amun, kuye inamen kuu aron korem angkimbaraneen. Yariman ye wengyundi kuu yiminmo, yi korem kuu yorokmo.

Yook 51:10

O God, ne niindem aom yeweb karadmo ongme. Kwane ne inamen kuu kangdommo kerune.

Matyu 12:33

“At amun kab arumaneeb kuu ayob amun iraneen, at arewa kab arumaneeb kuu ayob arewa iraneen, amborom kuu at kuu arewa dee amun dee ye wedmi yeman kuu ye ayob yaa.

Matyu 5:48

“Kwani kowe, yiib Ambe Ewen ari doreen ye God kuu demkoronmo, kwamune areb kuu yiib kuu demkoronmo dobirime.” andoon.

Matyu 5:8

Kane kane niindem aom kuu karadmo kuu Godbed amun kerundoon, amborom kuu yi kuu God ye kerebiri wene wedmenaniib kowe.

Kwamiwen 9:31

Kwane kuyaambed ari kuu, anam andiwendan korem Yudea ambibkin aomiib Galeli ambibkin aomiib Samaria ambibkin aomiib doriib kuu yewenubmo dobiriwen. Kwane, Kingkin Karadmombed awandene weng amuniib kube ongkandoona, Yariman yaamo une bumangki kiwaan yaambed dobiriwen kowe, yemoon kuu anam andenib yi yoom dabokniwen.

Romdan 5:20

Amob kuu Godbed Moses yaa konoon kuu nimakarub wabkad kere yi ambarakmi kuu yemoon keri yeman. Kumban ambarakmi kuu yemoon keroon kuu, God ye kabamoon kondoon ye mimyob dowaken kuu darewoob kere kuyaa burudande arimbed keroon.

1 Korindan 6:20

yiib kuu moonoon yeman. Kwani kowe, yiib idbed komo komo ambangkimaib kuyaambed God yaningko kankoonime.

2 Korindan 1:20

Kwane, Godbed weng kunduk yemoon dakme kowoon yaa korem kuu, Keresu yaambed eemo keroon. Kwane, ye yaambed nubbed anam kwanok andimaub kuu God yaa nambiri koni yeman kii.

Efesusdan 2:3

Anuk kuu nub korem kuu yi yoom ibmo doburuwen, nub kuu id ye dowaken ye moom yaambed mikmone doberemberenub kuye inameniib meeni dowakeniib ye yoman winimaub. Kuyaron kuu nub kuu okad kiridanmo kowe, nimakarub yena areb God ye norin aom wunuwen kii.

1 Tesalonaikadan 3:13

Kwane yembed yiib niindem aom kuu aromkono kondok, Yariman Yesumbed ye karadmodan benmananeen yaron ari kuu, karadmo dobiri ye dowad nub Ambe God ye murubia ari arewayiib ande dedmoniyiibban kondok.

1 Tesalonaikadan 4:7

Godbed nub yaa baandoon kuu ambarakmi ye dowadban, karadmo dobirime anded.

1 Tesalonaikadan 5:23

Yewenub ye Godbed yekareb yiib niindem aom kumundin yaa karadmo kerundok. Kwane, Yariman Yesu Keresu mananeen yaron yaambed yiib idiib kingkiniib yaa arewayiib ande dedmoniyiibban kerok, kumundin amunmo kerundok.

Hibrudan 12:23

Yiib kuu God yaa anam andiwen kowe ye wonob dana areb keriwendan aom miniwen. Yiiwa yiya aningko kuu Ewen aom wongkoon. Yiib kuu nimakarub korem wengyundi ye God yaa miniwen. Yiib kuu yorokmodan yi kingkin Godbed ongmoone demkoronmo keriwendan yaa miniwen.

Hibrudan 12:28

Kwani kowe, nub kuu kiringmindeban ye oonimbon kanduub kowe, nub kuu eso andenub, kwane kiwaan yorokmo yaambed uniyiib God yaningko kuu karadmo ande yaningko kankoonem,

Hibrudan 4:1

Kwanikob, kibikee God ye yiidkimbon aom aomni yeman ye weng kunduk kuu kwane angkeen kebenindo kowe, nub kuyaom kuu karub maa Godbed wengyunde yiminban andaneene yiidkimbon kuyaom aomnaanban kuyaa korobe kaadkerem.

Hibrudan 6:9

Angkodmia, nub kuu kee kwamune dakmuub kuned, yiib kuu kwamunemban ande meene kangdommo awinuwen. Kwane, yiib kuu amun kerundi arimbed kandaniib, kukuu bobni yaa burudande bindi ye kerekmen yeman.

Yems 4:8

God ye dia mene dobirime. Kwananiib kuu yiib dia mene dobaraneen. Ambarakmidan, yiib dingki oganabime. Inamen amuniib inamen arewayiib kamenabidan, yiib niindem aom are karadmo kerime.

1 Pita 1:15

Yiib yaa baandoon ye God kuu karadmo kowe, ye areb kerenib komo komo kamandamiib korem kuu karadmo ye inamen yaambed ambangkime,

1 Pita 1:17

Yiib kuu kumun mimo yaambed nimakarub korem wengyundi ye God yaa kurikuri kerimaib kuu Ambe andimaib kowe, okad yiri doriib yaron kuu okad yiri kuu nub ambibkin anamban ande kwane doberenib uniyiib God yaningko kankoonimamime.

1 Pita 1:22

Yiib kuu anam anam wengambere awiniwen kumbed yiib niindem aom karadmo kerenib, aadidmiyiibban ye mimyob dowaken yiiwangkodmia yaa keendimaib kowe, mimyob dowaken darewoob kere anammo keendime.

1 Pita 2:11

Nangkodmia, okad yiri kuu yiiwambibkin anamban, okad yiridan yaa yiib kuu noroddan kowe, yiib yaa ongkande yedmaan kuu yiib id ye inamen kamaib. Inamen kee yiib kingkin yaa nangmene bon keroon.

1 Pita 5:10

Kabamoon kondoon ye mimyob dowaken korem ye God, Yesu yaambed dowan kerindeban ye nambiri dabokni dowad yiib yaa baande kinoon ye God kui, yiib durud yewed kandiiwe kibikbed nare ari aron dukmen keraneen kuu yembed yiib yaa demkoronmo ongmene anam andi kangdommoyiib aromkonoyiib kiringmindeban ye anam andiyiib kondaneen.

1 Yoon 1:7

Kumban, ye kuu nambiri aom doberembirimaan kowe, nub kangkon nambiri ye kiwaan ari wana-nuub kuu manman ibmo yone dabok-nanuuwe, ye Mingki Yesu ye umkanbed nub ambarakmi korem yaa kuu ogawande araneen.

1 Yoon 1:9

Ma, nub ambarakmi dakmanuub kuu, nub ambarakmi are nonondandene arewa korem ogawande araneen, amborom kuu ye weng kundukiib inamen yorokmoyiib awinimo kameen kowe.

1 Yoon 3:3

Ye kuu karadmoman kowe, kane kanembed ye areb keranuub andi ye inamen awinaniib kuu yi kangkon yikareb yi niindem aom arene karadmo keraniib.