2 Korindan 13:11 - Yomgkom

¹¹ Angkodmia, yeenbon weng kuu kei. Kubime. Demkoronmo kerundoka kwamunemo doberembirime. Ne ongkandi weng awine kandime. Inamen mimo kerime. Yewenubmo dobirime. Kwamibka, mimyob dowaken keendiyiib yewenubmo kerundiyiib ye God kuu yiib yoom doborok.

2 Korindan 13:11 ပူးပေါင်းရင်းမြစ်များ

Andowoon 37:4

Kwane dorone, aron maa wedmibka yi ambe kuu Yosef yaamo dowaken darewoob, ma ayi yaa kuu dowan. Yi niindem aom arudiib keriwen kowe, yi daman Yosef yaa kongeni wengmo danimamiib.

Andowoon 45:24

Kwanekore, ye aagoroka kuu domondoone winiiwe, yembed yi yaa yedmoon “Ambiyaom wene wedya wengbaraib.” andoon.

Matyu 1:23

Yembed daandoon kuu, “Wonong koyu karub maayiib angkindo kumbed oyoomiib kerenu karub dana woonanuuna yaningko Imanyuel andaniib.” andoon. Imanyuel ye weng id kuu “God nub yaa doreen” kui.

Matyu 5:48

“Kwani kowe, yiib Ambe Ewen ari doreen ye God kuu demkoronmo, kwamune areb kuu yiib kuu demkoronmo dobirime.” andoon.

Maak 10:49

Kwane Yesu kuu yinmonekore yedmoon, “Ye yaa mene andime.” andoon. Kowe, yimbed karub kee yaa yedmiwen, “Arudne, dembe yaro dore mene. Ye kuu eb yaa mene andoon kowe.” andiwen.

Maak 9:50

“Karam kuu amun kumban, ye ambod dowan keraneen kuu komo kere ika karam ambod kuu ongmaniib? Yiib niindem aom kuu karamiib areb keroko, yewenubmo neman neman kame dobirime.” andoon.

Yesu Ye Weng Amun Lukbed Wongkoon 9:61

Angkon karub mamaambed yedmoon, “Yariman, ne kuu eb yoman yarebaniin, kumban ibduruk kuu wene ne arian awene yaa daandekorika.” andoon.

Yoon 17:23

Ne kuu yi niindem aom doriina eb kuu ne niindem aom doreeb kui. Kwamune kumbed yi kuu mimo kai kerok. Kwanibko, okad yiridanbed wedmekoriwa, ebbed ne nenkoweneb ebbed ne yaa mimyob dowaken keewimaab areb eb karuwa nimaya keyaa kwamunemo keendimaab kuu okad yiridanbed yikaadkerime.

Kwamiwen 15:29

Yiib kuu animan dudi god yaa kondimaib kuu anaib, umkan kuu anaib, inum kebenaiwa bobnimaan ye dingkan kuu anaib, nenem kamaib kui. Nub weng keyiib kee wengambere awine kandaniib kuu amun yaambed dobaraniib kii. Yiib yoo. kwane wongkiwen kui.

Kwamiwen 18:21

Kumban God ye dowaken keraneen kuu angkon ika yiiwiib yaa mananiin.” andekore domonde wonoon. Kwane Efesus domonde parai motodbed yane

Kwamiwen 23:30

Kwane ye ayem andi nuubnaan kami kuu karub maambed yedmewoona kaadkerekorid, kumbed kirodmo ye kuu nenduni eb yaa kowaankob monoon. Kwane yedmaankob, ye yaa kangdod aombed dabab konandamiibdan kuu, yika yomanbed yi weng kuu eb yaa kanmananiib. Kwane wongkoon kui.

Romdan 12:16

Yena yoom kuu ibonmo aungaungbed dobirime. Kerengkan keraib, aningkoyiibbandan yaa daboknem ande dowakeniib kerime. Nembedmo meeni kangdomman keraan andaab.

Romdan 12:18

Eb dobiri yaambed nimakarub korem yoom yewenubmo dobiriyiib kuu yimin keroonka, kwame kuyaambed angkumone yi yoom yewenubmo dobere.

Romdan 14:19

Kwani kowe, kiwaan korem yaambed yena yoom yewenubmo dobiri ye kiwaan ongmem. Kwane, kiwaan korem yaambed yiib anam andi darewoob keri dowad marin marin ambib areb yenbenmo daanemoon areb kerem.

Romdan 15:13

Kowe, yiib kuu God yaamo angkumone doriib kuu, yembed kwananeen ande meedmimaib ye Godbed yiib yaa kubiyiib yewenubmo dobiriyiib bangkandoko yiminmo kerok. Kwananiib kumbed Kingkin Karadmo yaromkono yaambed Godbed kwananeen ande meedmibka yiminmo kerok anded.

Romdan 15:33

Kowe, yewenubmo dobiri kondi ye God kuu yiib korem yoom ibmo doborok. Anam kwanok.

Romdan 16:20

Yewenubmo dobiri kondi ye Godbed aron dukmenmo arimbed Seten kuu yiib yon dabderem yirimbed monmaraneen. Nub Yariman Yesu ye kabamoon kondoon ye mimyob dowaken kuu yiib yaa kondok.

1 Korindan 1:10

Angkodmia, nembed nub Yariman Yesu Keresu yaningko yaambed nangkande yedmaan kuu, yiib korem kuu weng mimo kerime. Kwananiib kumbed yiiwaom kuu andokbiyiibban kerenib no dabokne meeni inamen ibmo keraniib.

2 Korindan 1:4

Ye kuu dabab maa maa nub yaa menebimaan kumbed mimyob wandimaub korem kuu kankubunimaan. Kowe, kane kane dabab kandaniib kuu Godbed nub mimyob wandi kuu kankubunoon kumbed yi mimyob wandi yiminmo kankubunanuub kii.

2 Korindan 13:9

Kwane, nub kuu wuud keruuwe yiib kuu aromkonoyiib keraniib kuu kubanuub kii. Kwane, nub kurikuri kamuub kuu yiib kuu yiminmo kerundok anduwed.

Efesusdan 4:12

Kuye dowad kuu God ye karuwa nimaya ben nekwane yena yaa awandi ye deme awini yeman. Kwaniwed, anam andidan Keresu ye id nub kuu arume daane

Efesusdan 4:3

Kukuu kiwaan korem yaambed ambangkibka yewenub kere ibmo dobiri kumbed mimo kere doberem andi ye inamen Kingkin Karadmombed kondimaan kuu awine kande dobirime.

Efesusdan 6:23

Kuristen angkodmia yaa yewenub keroko mimyob dowaken anam andiyiib kuu Ambe God yoom Yariman Yesu Keresu yoombed bangkandime.

Filipaidan 1:27

Ma, Yesu Keresu ye weng amun ye kerekmen yaambed yiibka oone dobirime. Kwananiib kuu, yiib yaa kuu meneni wedmendaniin o manainban no dobereni wengambaraniin kuu, nekaadkeraniin yiib inamen mimombed kangdommo doberembere meeni mimombed weng amun ye anam andi ye dowad bamdaane ambangkenib,

Filipaidan 3:16

Kuned, Yesu ye kiwaan wene kaadkere dowan keruwen kuyaambed kwane awine doberem.

Filipaidan 4:2

Euwodia yoom Sintike yoom nembed ke andemende yedmendaan kei, yiib kuu Yariman ye nima kowe inamen mimo kerime.

Filipaidan 4:4

Yiib kuu Yariman yaa kubembirime. Ne angkon ikakman yedmaan, kubembirime!

Filipaidan 4:9

Komo kedmengkandaane yiibkaadkeriwen o komo ne yaambed biwen o komo ne yaambed wengambiriwen o komo nembed kamaan kuu wedmiwen kuu kuyiib kumbed awine kande ambangkembirime. Kwananiib kuu yewenub kondi ye God kuu yiib yaa dobaraneen kii.

1 Tesalonaikadan 3:10

Amnoomiib awingyawiib nub kuu yiib dowad yobdoodmo kurikuri kamimaub kuu, yiib ika wedmendenub yiib anam andi dowad komo komo yiibkaadkerindo kuu kedmengkandem anduwed.

1 Tesalonaikadan 4:1

Weng yeenbon kei, angkodmia, Godbed yiib yaa kubendaneen ye kiwaan ari dobirime ye weng kuu kedmengkanduwen. Anamaa, yiib kuu kwamunemo doriib. Kibikee Yariman Yesu yaningko yaambed nangkande yedmuub kuu inamen kee darewoob keroka kwane kamembirime,

1 Tesalonaikadan 4:18

Kwane kowe, weng kee man kube ongkane man kube ongkane kamime.

1 Tesalonaikadan 5:13

Kowe, yi aningko kuu arimbed kankoonime, amborom kuu yi kuu deme kee awinimaib kowe. Kwane, iwari yewenub karamo neman neman kame dobirime.

1 Tesalonaikadan 5:16

Aron korem kuu kubimo dobirime.

1 Tesalonaikadan 5:23

Yewenub ye Godbed yekareb yiib niindem aom kumundin yaa karadmo kerundok. Kwane, Yariman Yesu Keresu mananeen yaron yaambed yiib idiib kingkiniib yaa arewayiib ande dedmoniyiibban kerok, kumundin amunmo kerundok.

2 Tesalonaikadan 2:16

Nub yaa mimyob dowaken keendene ye kabamoon kondoon ye mimyob yaambed aron korem ye ongkandi amuniib ye yaa meedmi amuniib kondoon ye God, nub Ambe God kui, ye yoom nub Yariman Yesu Keresu yoombed

2 Tesalonaikadan 3:1

Angkodmia, weng yeenbon kuu nub dowad kurikuri kamibko Yariman ye weng kuu yiib yaa kwanoon areb kwane kirodmo daande yaroko yena yemoon kuu anam andime.

2 Tesalonaikadan 3:16

Yewenub kondimaan ye Yariman, yembed kiwaan korem yaambed aron korem yewenub kondok, yiib yaa. Yariman kuu yiib korem yaa kerok.

2 Timoti 2:22

Kumban, kewed o koyu yaambed id ye dowaken arewa kuyaa kuu angkurom korokbene kombiri wene. Kuned, niindem aom karadmo keriwen yaambed Yariman yaa baandimaibdan kuu ebbed dabokneneb, kami yorokmoyiib anam andiyiib mimyob dowaken keendiyiib yewenubmo dobiriyiib kuye inamen darewoob kere.

Hibrudan 12:14

Kiwaan korem kuyaambed nimakarub korem yoom yewenubbed doberenib karadmo kerime, karadmo keraibban kuu Yariman wedmenaibban kowe.

Hibrudan 13:20

Sibi Ooni Ye Karub Darewoob Arimbed, nub Yariman Yesu, ye kuu Godbed aron korem ye amob weng ye umkan yaambed bobnoon yirimbed nen demboon. Kuye God, yewenub ye God,

Yems 1:4

Kangdommo doberembirime andi ye inamen kuu yiminmo keraneen kuu, yiib inamen kuu Yesu arebmo yiminmo keraniib, yiib inamen aom kuu ma dowan keraanban.

1 Pita 3:11

Arewa yaa koronde amonombe amunmo kamenib, yewenubmo dobiri ye kiwaan onme wedme kwari dobirime.

1 Pita 3:8

Weng yeenbon kuu, yiib korem kuu inamen mimo meeni mimo kerenib ambanga oniya yaa mimyob dowaken keendimaib areb kerenib, dabab meneboondan yaa mimyob keendenib yiibkareb kankubunime.

1 Pita 5:10

Kabamoon kondoon ye mimyob dowaken korem ye God, Yesu yaambed dowan kerindeban ye nambiri dabokni dowad yiib yaa baande kinoon ye God kui, yiib durud yewed kandiiwe kibikbed nare ari aron dukmen keraneen kuu yembed yiib yaa demkoronmo ongmene anam andi kangdommoyiib aromkonoyiib kiringmindeban ye anam andiyiib kondaneen.

Korokboon 22:21

Yariman Yesu ye kabamoonmo kondoon ye mimyob dowaken kuu God ye nimakarub yaa kerok. Anam kwanok.