2 Korindan 1:4 - Yomgkom

⁴ Ye kuu dabab maa maa nub yaa menebimaan kumbed mimyob wandimaub korem kuu kankubunimaan. Kowe, kane kane dabab kandaniib kuu Godbed nub mimyob wandi kuu kankubunoon kumbed yi mimyob wandi yiminmo kankubunanuub kii.

2 Korindan 1:4 ပူးပေါင်းရင်းမြစ်များ

Yook 32:5

Kwanoona ne kuu ne ambarakmi ben eb yaa dakmaan, ne arewa kami kuu eb yaa ben bikderebindo kui. Neka nemeren yedmaan, “Ne wabkad kami kuu Yariman yaa dakmaniin.” andaan. Kwane ebbed ne ambarakmi are nonondandeewe ne ambarakmi dowad ne meendobi arewa kuu dowan keroon. Selah

Yook 32:7

Eb kuu ne biknimbon, dabab menebaneen kuu ebbed ne nen burudande angka koweneb, burudande bindi ye yook yemoon kai bangkawaneeb. Selah

Yook 66:16

Kane kane God yaa bumangke unimaibdan, yiib kuu mene wengambirime. Kwanibko yembed ne dowad komo kamoon kuu yiib yaa yedmenda.

Yook 86:17

Ne yaa amun amun kamimaab ye dud kuu korokbewe. Kwanebko ne bondan kuu wedmekorib karak bobnime. O Yariman, ebbed awaweneb ne mimyob wandaan kuu kankubunewen kuda.

Yoon 14:16

Kwane, nembed Ambe kaamonaniina yembed yiib yaa Awandi ye Karub maa kondaneene yiib yoom aron korem dobaraneen.

Yoon 14:18

Ne kuu wananiin kumban, yiib kuu yiib kirimo anenab areb domondainban. Ne kuu yiib yaa angkon ika mananiin.

Yoon 14:26

Kumban Ambembed naningko yaambed Awandi ye Karub kondaneen kuu Kingkin Karadmo kii. Yembed yiib yaa kumkam korem kedmengkandene nembed yiib yaa komo komo dakmendaan korem kuu monkone korokbendaneene meenme yiibkaadkeraniib.

2 Korindan 7:13

Kwanakob nub mimyob wandi kuu kankubunoona kubuwen. Kumban kumbedmomban, Taitus kuu yiibbed mimyob keene awaneniiwe ye niindem aom aromne kubi darewoob keroon kumbed, wedmekorub kubi darewoob arimbed keruwen.

2 Korindan 7:4

Yiib dowad miin kangdommo meenaan kuu God ye weng awine doriib kii. Yiib dowad kerengkan weng yemoon dakmenabaan kii. Yiib dowad ne niindem aom aromne kubi darewoob keraan. Dabab yemoon nub yaa meneboon kumban, ne kubi kuu yiminmo keroon kii.

Filipaidan 1:14

Ne wii aom nen kaaniwen kumbed angkodmia yemoon kuu Yariman yaambed arudkono darewoob kere wenenib, uniyiibban God ye weng dakmenabiib kii.

1 Tesalonaikadan 4:18

Kwane kowe, weng kee man kube ongkane man kube ongkane kamime.

1 Tesalonaikadan 5:11

Kwanekob, yiibkareb man kube ongkane man kube ongkane kame aromnime, kibirebya kamiib kwane kamime.

Hibrudan 12:12

Kwani kowe, yiib anam andi yaambed kabaani dowad yiib dingki wuudne yon aromkonoyiibban kere wonoon kuu aromnenib,