1 Yoon 5:20 - Yomgkom

²⁰ Nub kangkon nubkaadkeruwen, God ye Mingki menene ye inamen kaadkeri nub yaa kondoon kuu anam anam ye God nubkaadkeri dowad. Angkon, nub kuu anam anam ye God ye niindem aom ye yoom doruub, ye Mingki Yesu ye niindem aom doruub kui. Ye kuu God anam, wadkeri aron korem korem ye karub kui.

1 Yoon 5:20 ပူးပေါင်းရင်းမြစ်များ

Matyu 13:11

Kwane, Yesumbed inande yedmoon, “Godbed korok kere ooni yeman ye weng id angkara kuu yiib yaa korokbendadned yiibkaadkeri yeman, kumban yimanban.

Yesu Ye Weng Amun Lukbed Wongkoon 21:15

Nembed inamen kangdom kondeni kwane kwane dakmime ande kamaniin kowe, yiib bondanbed yiib wengiiwa inameniiwa yaa kuu burudandindeban.

Yesu Ye Weng Amun Lukbed Wongkoon 24:45

Kwane, yembed yi inamen nandoone God Ye Weng Karadmo ye weng id kuu meeniwen.

Yoon 1:18

Kane kane mim kuu God ma wedmenindo, kumban ye Dana Mingki mimo, ye kuu God kumbed ye yoom Ambe God yoom kuu ibmo kowe, ye kuu God kuu komarewa nub yaa korokbendoon kui.

Yoon 10:30

Ne yoom Ambe yoom kuu mimo.” andoon.

Yoon 14:20

Kuyaron kuu yiibkaadkeraniib kuu ne kuu Ambe ye niindem aom doriina yiib kuu ne niindem aom doriiwa kwane ne kuu yiib niindem aom doriin.

Yoon 14:23

Kwane, Yesumbed inandoon, “Kane kanembed mimyob dowaken keewaniib kuu ne kedmengkandi kuu awine kandaniib. Kwane, ne Ambembed mimyob dowaken kondaneene, ne Ambe yoom ne yoom menenub yi yoom doberembaranuub.

Yoon 14:6

Kwane, Yesumbed inandoon, “Nembedmo kuu kiwaaniib anamiib wadkeriyiib. Ambe yaa wananiib kuu ne yaambed dore dangkoro wananiib, kumbedmo.

Yoon 14:9

Kwanandoone, Yesumbed inandoon, “Filip, ne kuu yiib yoom aron doboob dobaraan kumban, ne kuu eb koronoo? Karub kane kane ne wedmewiwen kuu Ambe kuu wedmeniwen kii. Kowe, eb komande ‘Ambe kuu nub yaa korokbende.’ andewen?

Yoon 15:4

Kwane, yiib kuu ne niindem aom yone doberembirime. Kwananiib kuu ne kuu yiib niindem aom yone doberembaraniin. Nondong kuu yekamo kuu id iraanban, nong ambokab yaa yone dobaraneen kumbed idiib iraneen. Kwane kuu yiib kwangkon ne yaa yone doberembaraniib kumbed idiib keraniib, yone dobaraibban kuu id iraibban.

Yoon 17:14

Eb weng kuu nembed yi yaa kondaane, okad yiridanbed yi yaa arud wandembiriwen, amborom kuu yi kuu okad kiridanban ne areb kowe.

Yoon 17:25

Ambe Yorokmo, okad kiridan kuu eb kuu yi koron, kumban eb kuu ne nekaad. Kwane, ne karuwa nimaya kee yikaadkeriwen, ne kuu ebbed nenkoweebkob manaan.

Yoon 17:3

Wadkeri aron korem kukei, God mimo anam eb yaayiib, ebbed nenkoweewa monoonman Yesu Keresu yaayiib yikaadkerundi.

Yoon 20:28

Kwane, Tomasbed Yesu yaa yedmenoon, “Ne Yariman, ne God!” andoon.

Yoon 8:42

Kwane, Yesumbed yi yaa inandundoon, “God kuu yiib Ambe kuu anam keraneen kuu yiib kuu ne yaa mimyob dowaken keewaniib, amborom kuu ne kuu God yaambed manaan kowe. Ne kuu ne kabamoon minindo. Ne kuu yembed nenkowoonkob manaan.

Kwamiwen 20:28

“Kwane, yiibka yiibmeren oonenib, nimakarub yena Kingkin Karadmombed yiib ooni kurumbon aom nongkoboon kwangkon oonendime. Kwane, Godbed ye Mingki ye umkanbed anam andiwendan ogawanandoon ye karuwa nimaya kuu ongme oonendime.

Romdan 9:5

Kwane awo awoya Abraham awene kuu yikanmo, kwane karub ye kerekmen yaambed Godbed Kinoona Monoonman Keresu kuu yikanmo kii. Ye kuu korem burudande arimbed ye God, aron korem korembed yaningko kankoonem! Anam kwanok.

1 Korindan 1:30

Kedi, yiib kuu Yesu Keresu ye karuwa nimaya yi ambokab kuu God kii. Yesu kuu nub dowad God ye meeni kangdom keroon, nub yorokmo kerundi ye karub, nub karadmo kerundi ye karub, nub biddi ye karub kui.

2 Korindan 4:6

Kedi, “Nambiri kuu yuroko kumun yiri kuu namborok.” ande yedmoon ye God, yembed ye nambiri ongmene nub niindem aom kowe yuroon, yuroko Keresu ye murubia yaambed God ye nambiri kaadkerime anded.

2 Korindan 5:17

Kwana kowe, kane kanembed Keresu yaa anam ande dabokniwen kuu yi kuu yeweb ongmenaboon. Kurin yiri yeman kuu dowan, yeweb yeman yi yaa angkeen kii!

Efesusdan 3:18

God ye karadmodan korem yena yoom ibmo aromkono yiib inamen aom kandenib Keresumbed ye mimyob dowaken darewoowiib doboowiib ambab ariyiib aman yiriyiib kuu yiibkaadkerime andid.

Filipaidan 3:9

ye ibmo kereni, yorokmo kerundi kuu nembed Yuudan yi amob awinimbed kerain andeni, yorokmo kerundi kuu God yaambed Keresu yaa anam andimbed kera andid.

1 Timoti 3:16

Weng dakmandamaan kee aadidmindeban ye weng kii, God ye dowaken yaambed dobiri korokboon kuu barang miin darewoob kai. Ye kuu karub anam kere monoon. Monoone, Kingkin Karadmombed ye kuu yorokmoman kii ande korokboon. Korokboone, engyus kuu wedmeniwen. Wedmiiwe, ambibkin maa maa yaa ye weng daandiwen. Daandiiwe, okad yiridan anam andiwen. Anam andiiwe, nambiri ari nen daanoon.

Taitus 2:13

Kwamunembed awine doruub kuu nub Bobni Yaa Burudande Bindi Ye God Arimbed Yesu Keresu nambiriyiib angkadere mananeen yaron amun yaa meenmo doruub kii.

Hibrudan 1:8

Kumban ye Dana Mingki ye dowad yedmoon kuu, “O God, eb oonimbon kuu aron korem korem kwane angkimberembaranuun, eb ambibkin aom kuu yorokmo ye aromkonombed oonaneeb.

1 Yoon 2:23

Karub kanembed Mingki wunekara-neen kuu Ambe God yeyiib dobaraan-ban. Ma, karub kanembed Mingki kuu anam yeyiib andaneen kuu Ambe God kwangkon anam yeyiib dobaraneen.

1 Yoon 2:24

Weng andowoon yiri kee wengam-biriwen kuu kande yiib niindem aom amuknime. Kwananiib kumbed yiib kuu Ambe God yoom ye Mingki yoom yaa kuu yi niindem aom dobaraniib.

1 Yoon 2:6

Kwane, karub kanembed ye kuu Yesu ye niindem aom doriin andoka Yesumbed doboroonkin kamok.

1 Yoon 4:14

Kwane, Godbed ye Mingki kuu okad kiri doriibdan Bobni Yaa Burudande Bindi Ye Karub keri dowad kowoona monoon kuu wedmenekorub ku dakmuub kui.

1 Yoon 4:16

Kwani kowe, God ye mimyob dowaken kuu nub nubkaadkerenub, kwane nub kuu God ye mimyob dowaken keendi yaambed angkumone doruub. God kuu mimyob dowakenman. Kwane, kane kanembed mimyob dowaken keendimo kame dobaraniib kuu, God kuu yi niindem aom dobara-neena ye niindem aom dobaraniib.

1 Yoon 4:2

Kwane, kingkin maa mananeen kuu Yesu Keresu kuu karub anam kere monoon kii andaneen kuu yiibkaadkeri yeman, kingkin kuu God yaambed kui.

1 Yoon 5:1

Kane kanembed Yesu kuu God-bed Kinoona Monoonman Keresu kii ande anam andiwen kuu yi korem kuu God yaambed wooniwen. Kwane, kane kanembed Ambe God yaa mim-yob dowaken keenaniib kuu ye Mingki yaa kwangkon mimyob dowaken keenaniib.

1 Yoon 5:15

Kowe nubbed komo kaamonuwen kuu wengamboroon ande nubkaadkeranuub kuu, komo kaamonuwen kuu kondaneen.

1 Yoon 5:18

Kwane, nub nubkaadkeruwen kuu, kane kanembed God yaambed wooniwen kuu kwane ambarakmem-baraibban. Ma kei, God ye Mingkim-bed yi kuu bene amuknimaan kowe, awad arewambed yi yaa yaanban.

1 Yoon 5:5

Kane kanembed okad kiri ye inamen yaa burudande doriwen? Yesu kuu God ye Mingki andi yaa anam andiwendan, yimbedmo.

Korokboon 15:3

God ye deme karub Moses ye yookiib Sibi Mana ye yookiib wingkiwen, “Aromkono Korem ye Yariman God, ebbed kami kuu arimbed darewoob yeka mamaa yeman kii. Ambibkin Korem ye King, ebbed ambangkimaab kuu yorokmo anammo kii.

Korokboon 19:11

Kwane wedmaane, Ewen kuu nandoone hoos kawanmo wedmenaan, kwarimbed dibere yarebimaan ye karub yaningko kuu Ma Korondiyiibban angkon yaningko maa kuu Anammo. Ye kuu inamen yorokmombed wengyundane nangbaneen.

Korokboon 3:14

“Weng kee anam andiwendan Laodisea aom doriib yi engyu yaa yedme kowandamaan kowe wongke. “Anam Kwananeenman, komo wedmoon kuu kwamunemo anammo daandi ye karub, Godbed yimin yirimbed ongmenaboon ye ambokab kuu ne kei. Ne weng kuu kei.

Korokboon 3:7

“Weng kee anam andiwendan Filadelfia aom doriib yi engyu yaa yedme kowandamaan kowe wongke. “Karadmo anam ye karub, Dewid ye kiiyiib awinoon ye karub, ambongko nandaneen kuu karub maambed ma kebenaanban ye karub, angkon kebenaneen kuu karub maambed ma nandaanban ye karub kuu ne kei. Ne weng kuu kei.

Korokboon 6:10

Kwane, yimbed naawonmo baande kaamoniwen, “Yariman Ambengkan God karadmo anam, eb kuu aron komoyiib kerekorewed okad yiri ye nimakarubbed nub yiiwe duknuwen ye dowad wengyundeneb kakman kondaneeb?” andiwen.